Mazmur 66:15 - Eipomek

¹⁵ Ara, an si eren aik dam yanirye, an si erena ati, kam ulye ning bukni, el nong weik wamlye ning opnirye, an arena ati, uku dongopnamne! Ara, weik yim sapi basam ap, weik yim kambing basam ap, yuk kambing basam ap, dobuka, opnyopura, an si erena ap, an arena ap ati, boyanirye, mesba deice deibuka, uku dongopniba, uku arye diplyopura, tulum ara, an dam weleyanamle.

Mazmur 66:15 ပူးပေါင်းရင်းမြစ်များ

2 Samuel 6:13

Atalak ara, Allah arye nyapdeiamuk yupu sekuka, yo marikna pum bisik deiamik ning bobuka, ‘Daud aik binuyap’ tenen, banmek nang arye, yan yanina kuku nakub barye, yanibuka banmekba, Daud adiparyuk, “Bana kume,” nyabuk ati, lamapdongobuka, tikmek talak ara, elce yim sapi basam, wisi ning ap, sapi basam mi meta uamuk ning ap, ton obuka, Allah el si erena ati arebukce, el si erebuk.

Esra 8:35

Atalak aryuk, sik Israel yala nang, yuk nang nirya, Babel mutuku noutam daulamika ani, amutuku batakuka, Yerusalem mutuku akunum tamubuka yayik nang babye, ‘Nun ton, nun ni Allah ati, teleb ning arepnuyabe’ tenen, Allah si eren aik dam yayik. Ara, ‘Nun malye unyap ning ati, namin kipsilirye, nun malye ning kum kipdeipsilirye, lyepnamsil’ tenen ati, kam ning obuka imam nang arebikba, sik imam nang arye, aning uku dongobik. Ati, sik Israel yala nang yupa weik tonun, Allah arena ati, ining ning boyanuka arebik. Ara, sik Israel mutuku noutam unyak nang nirya ati, sapi basam yim ara, 12 ap, yim domba basam ara, yupa weik 96 ap, tonda domba basam sik mapu ara, 77 ap arebik. Tonda, yuk ning ara, kambing basam 12 ap arebik. Ara, ‘Nun malye unyap ning nirya ara, nun ni Allah arye, namin kipsilirye, lyepnamsil’ tenen, lak kina ati, ining ning nirya dobuka, boyanganmekce, akam ning obikba, imam nang arye aning dobuka uku dongobikce, Allah Yahweh ati arebik.

Mazmur 51:19

Na ni Allah, dipkoprob an patakilye ning ara, ‘Ninye mutuku-mutuku nirya, sik malye winibikirye, se, nun malye wininyabe,’ tenebikirye, ‘Kanye talima amu tam kipdakirye, ikin kanye bonyak touk bobuka, na dam boyanganamniake’ tenen, patakulule. Bukni, ninye talima eren deice arye, kwalinyakce, an dam yanganyak ning ara, an kum patakulule. Bukni, yata ninye do nirya arye, ‘Na kanye talima pum tam, lyunulul ning nirya lyepnamnil’ tenen, an dam yanuka, laka nyabicopura, ance, ‘Elda malye ululnye’ tenen, kum bataknamnilame. Kanye talima nimalye dakeiyam kibuka ululnye biti, kanye deipmince, anye biti lyepmince, teleb kibuka delinamlyame.

Yeremia 41:5

Asum aryuk, Sikhem mutuku nang ap, Silo mutuku nang ap, tonda Samaria mutuku nang ap, yupa weik delapan puluh (80) nang arye, Mespa mutuku yayik. Sik anang nirya ara, sik bam potong nirya ara, akunum kobuka kipmikce, sik ongopmik baju nirya ara, akunum kwilikdobuk ongopmik. Sik nong bol deice ara, dila-dilauk upmok. Winibuka winipmekce, anang nirya arye, ‘Allah el si erebibirye, elti, teleb ning arepnamapʼ tenen, Allah el arena ati, din ning el si gandum ap, tonda nintong teleb ning el si kemenyan ap, libuka boyanmikce, amutuku domik Allah Yahweh, el si eren aik dam boyanmik.

Bilangan 6:14

ANazirnye Allah dam bobikce talak ara, aweilamlye kam ning winilye ara ani. Tonok ning ara, keting tamun tonok deice arye akunum nebuk domba basam yim, el bol pia teleb ninguk boyanuka, arelyanganamle. Aning ara obuka, Allah si erena ati, mesba deice arye, uku dongopnamake. Tonda, el anye malye wamlye ning kilina ati, domba basam kil, nong pia teleb ninguk, keting tamun tonok akunum nebuk domba basam tonok boyanuka, arelyanganamlule. Aning ara atonun, anye el malye wamlye ning kiliplirye, Allah ap, el ap, teleb ubuka eldana ati, adomba basam kil boyanuka, arelyanganamlule.

Bilangan 7:45

Tonda, sapi basam yim winiryuk nepmok ning tonok ap, domba basam yim tonok ap, tonda domba basam mi keting tamun tonok kipmok ning ap, kintinibuk. Akam ning ara, ‘Allah si erepnunʼ tenen, aning nirya boyanuka arebukba, imam nang arye uku dabik.