Mazmur 63:2 - Eipomek

² Na ni Allah, an si eren aik pum tam, binuka ulamse talak ara, an mikip weik ap, weik erebuka, pia teleb ulyam ning ap, peterelamnulumba, eibuka kel bikamse.

Mazmur 63:2 ပူးပေါင်းရင်းမြစ်များ

1 Tawarikh 16:11

Nun Israel yala nang nirya arye, Allah Yahweh el tibuk asum-asum nirya si erebibirye, Nun ni koproba Yahweh, an mikip weik ara, nun arepsimince, an babye nun dam tuba uminyopura, adeice arye nun mikip unamabe,” nyabuka, asum-asum nirya moronamabe.

Mazmur 105:4

Nun Israel ninye nirya arye, Allah Yahweh el tibuk, asum-asum nirya si erebibirye, “An mikip weik ara, nun arepsimince, nun dam uminyopura, adeice arye nun mikip uk unamabe,” nyabuka, asum-asum nirya moronamabe.

Mazmur 134:2

Allah el si eren aik damak, Israel ninye nirya arye, ‘El si erepnamap’ tenen, bulubuka yanganupyak ara, el si eren aik, pil dona deiyok nang nirya arye, nun ni Allah Yahweh ati, “Se, nun ni, anda pia telebuk ulyame,” nyabuka, el si pia erenamlulume.

Mazmur 145:11

Sik aninye nirya arye yuk ninye ati, “Nun ni Allah, el mikip deice arye, aning-aning nirya talibuka, Weik Erenanye ulya ara, pia telebuk ulule,” nyanamake. Tonda, “An tibuk, nun ninye deiyoknye, Sisinanye Raja usulule,” nyabuka, teleb yupu nyakirye, an siuk erenamkiyake. Wininyakce, “Allah anda, mikip weik deice arye, ninye kum winipmanto mambul pil dolyamnye,” nyabuka, asum-asum nirya nukunmakirye, an siuk erenamkiyake.

Mazmur 27:4

Ati ara, na ni Allah Yahweh, elti, pia tuba-tuba moronun ning ara, tonok ning ara ani. Na kam unamne talak nirya ara, Allah Yahweh, el si eren aik dam anyuk unirye, ‘Na lyelonamnile,’ nyabuka moronune. Tonda, Allah Yahweh, el urasin pia teleb ulul ning ara, ‘Pia dinamne’ tenen, moronune. Tonda, el si eren aik dam unirye, tuba-tuba dinamna ati moronune.

Mazmur 42:3

‘Na ni Allah, anda kam deiyoknye uminya ati ara, anti weik arye, ‘Se,’ tenenune. Yata sum na an un dam yatinirye, eipkitinye do? tenenune.

Mazmur 43:4

Nara, an un dam yanyopura, Allah an si erena ati, arelyangakinyabak yanirye, si erenamkine. Na ni Allah, anti kanye deibuka pin-pin kanye bokunune. Wininunce, bilkong el si, kecapi deice, kanye lon mot nyapnirye, na ni Allah, an siuk erenamkine. Na ni Allah, anda na ni koproba ulyame.

Mazmur 5:4

Se na ni Allah Yahweh, beren tam talak arye, na morokunun yupu ara, ance tuba kekenilyame. Beren tam talak nirya ara, an morona ati, teleb ning kintinip deipnirye, anti arelyanganune. Aning akunum arepkinyopura, ‘Allah Yahweh arye yata yupu nyapnunil do?’ tenen, dina ap, moubuka kekena ap unune.

Mazmur 68:24

Winipnamna deiyok ara, sik Yerusalem mutuku nang ara, narye yuk mutuku nang akunum opse nang, sik ining yanipnamlume. Oplopse nang, sik ining yanipmumyeura, anggunce weilulum kam, sik sitang arye, anang sik ining ton mutubuka dinamake.

Mazmur 78:61

Tonda, atenda aik pum tam deiamik mambul ning, el si ara Peti Perjanjian ning, Allah el mikip, aning deice deiamuk bukni, yu weik ubuka ati, lo arebukba, sik yuk mutuku ninye asik nang arye, aPeti Perjanjian ubula doprobikce, yuk mutuku bobiyik. Ara, Allah el mikip ap, el dirina ara, amambul marikna el si ara, Peti Perjanjian deice akunum deiamuk bukni, lo arebukba, Israel ninye, sik mal olan nang, Pilistin mutuku nang arye yanuka, aning ubula doprobik.

Mazmur 96:6

Allah elda pia teleb ulirye, elda weik erena ap, weik mambul weik ap, ululnye winilule. Tonda, el si eren aik pum bisik, el aulula anya arye, anyaik wekuka dinyap talak nirya ara, ‘Se, nun ni Allah ara, dipkoprob pia Mikip Weiknye ulirye, elda, pia teleb ulirye, el mambul winilya ara, laka kum nyaptibye’ tenen, unyabe.

Yesaya 60:13

Libanon mutuku buru tam ubukba, ‘Ara nun dokola ning,’ tenenyak ning nirya ara, bobuka anggun dam anyuk boyanganamsiyake. Anggun boyanganamsiak ning ara, pia dekna weik yo, urasin teleb yo, aning si ara, Berangan yo ap, Cemara yo ap, Eru yo ap nirya ara, bobuka anggun dam boyanamake. Boyakiba, urasin teleb yo dopmunce, nara Allah, na si eren aik urasin teleb ubuka dopnamnulume. Tonda na Allah yanilyanganamnak ara, na si eren aik ara, pia urasin teleb ubuka memep deipmunyeba, narye anyaik dirina weik deipnirye, teleb kipdeipnamne.

Yeremia 31:14

Winipnirye, na si eren aik talibuka, anyaik pum tam pil dona deiyok nang, imam-imam nang ara, sik din ning ara, weik yamubuka arepneba, sik dam langdipnamle. Tonda, na mapu Israel nang ara, sik pataplye ning ara, yamubuka arepneba, dobuka dibikcopura, bopnamle. Kanye deibuka telebuk unamake. Ara, na Allah Yahweh arye nyapsine,” nyabuk.