Mazmur 61:3 - Eipomek

³ ‘Na ni Allah, narye anti, “Melipnilyame,” nyabuka, moropkine ning ara, an dam arye kum morokunune. Pia yukak arye morokunune. Wininuna anya arye, ance na moropnukin ning, kum kekepniminyopura, ‘Yata deiyok ati, kum kekenulul do?’ tenen, teniltonauk unirye, malye kanye bonune. Na kanye talima mitang unulule. Tonda, Allah ance na bobuka, yuk mutuku binuka deipniminba, pia darabuka unamne. Ara, abinuka unamne mutuku ara, ‘Weik arye erebuka, bukuk mutuku pia teleb sukumuk binuka, dobuka deipnamnilame’ tenen, moropkine.

Mazmur 61:3 ပူးပေါင်းရင်းမြစ်များ

Mazmur 116:2

Na ikin weik ulamnuk talak ara, na ni Allah ati, malye nyabuka moropse talak ara, el kekepnukce, meliamnuka ati, na kam unamne talak nirya ara, el tibuk moronamne.

Mazmur 140:7

Winibuka unyak bukni, narye Yahweh ati, “Naio, anda na si erenun Allah, an tonok ulyame,” nyanune. “Ance aning-aning nirya talemince, mikip weiknye ulyame ati ara, an ara na deiyoknye ulyame,” nyakinune. Ati ara, na ni Yahweho, narye anti morokunun yupu nirya ara, ‘Kekepnimince, minop yanuka, melipnamnilam’ tenen, moropkine.

Mazmur 18:2

Daud birye, “Se, na ni Allah Yahweh, ance na mikip arepnulumnye biti, na kanye nirya, an deiceuk delikunune,” nyabuk.

Mazmur 27:5

Ara, urdem ati kume. Na kanye imun ning upnile talak nirya ara, ‘Allah arye nati, kalikuka melinamnile’ tenen, unune. Ara, ikin ning nirya, na dam yanamle talak nirya ara, Allah arye melibuka lelipdongopniliba, el amu tam unamne. Allah arye melibuka lelipdongopnilirye, na bobuka, mutuku deice delilbinamnile.

Mazmur 62:7

Allah elcuk weik mutuku kon keil atonun ulula ati, elcuk nati, kaliknilirye, lyelonamnile. El Allah damuk unyopura, kalikiniliba, nara telebuk unamne. Ati, ilil kum unamnile.

Amsal 18:10

Ninye arye, ‘Yuk mutuku ninye ati yanuka opsicak’ tenen, weik cang keil aik dolamikak, pum tam dungnubuka wekelbalamak touk, Allah Yahweh elda, mikip weiknye ulula anya arye, elce elti, dib tenenyak ninye, pia melibuka kalikinamle. Yata ninye do nirya, sik malye unyak ning nirya batakikirye, ‘Allah el yupu nyasilye touk, aninguk talibuka diksukumuk unamabe’ tenen, teleb ubuka unyak ninye arye, Allah el damuk yanganamake. Allah el damak akunum yacopura, Allah arye sikti, pia melibuka kalikinamle.

2 Korintus 1:10

Ara, nun ikin weik ulamsukba, dipmanto wamnumu bukni, Allah arye lyebuka lopdeipsukce, teleb kipdeipsuke. Tonda, aminyan talak babye ara, pia lyepnamsile. ‘Allah aryuk pia lyepnamsil’ tenen, nun kanye ara, el deiceuk deibuka, elti, dib tenebuka dinyame.