Mazmur 57:2 - Eipomek

² Daud birye nyabuk ning ara, ani. ‘Se, na ni Allah, bico tenepnutumce, nati melibuka lyepnilyame!” Deiyok ara ani. Ara, ‘Allah arye melibuka kalikinamnil’ tenen, an damuk yanuka unune. Winipmanto ara, ayam maka kil arye, el mapu nirya deiplirye, el pol amu tam dongoplirye, irilamle touk, ‘Allah, an dam yanyopura, ance pia melibuka kaliknamnilam’ tenen, moropkine. ‘Yu nang arye, opnikcak’ tenen, Allah an damuk duknupnirye daunmanya ani, na mal on nang akunum bindobikcopura, mangkau unamne. Winipmanto ara, ‘Weik kum yalirye, donmalya ani, tunim alamle touk winiptinye,’ tenepne.

Mazmur 57:2 ပူးပေါင်းရင်းမြစ်များ

Mazmur 138:8

Ati ara, na kele. Allah Yahweh ance nati, ‘Anye bira melipniba teleb unamle. Tonda, apil dopnamle, aning ton winipnin banamle,’ tenepnulum ning nirya ara, melipnuluma deice arye, aning nirya dipkoprob nong upnamle. Tonda, aning ton akunum bikamse. Ance nunti, weik tonun bico tenesimince, ‘Winibuka pia teleb kilinamsine,’ nyabuka nyalin yupu deice arye nyasilyam ning nirya ara, pia kum bataklume. Aning nirya, pil donauk ulyame. Weik tonun bico tenesilyam ning ara, pia unamla ati, aning nirya dipkoprob nong upnamle. Ati nun ni Allah morokinyabe. ‘An taruk mikip aryuk kwepdeiamsulum nang nirya ara, tuba tenesimince, pia kum batakasilyame. Melinauk unamsilam’ tenen, morokinyabe na nio.

Mazmur 143:9

Na ni Yahweh, ‘Na ona ati, yu nang arye, opnicak’ tenen, ‘Ancuk sik dam arye lyepnamnilam’ tenen, morokunune na nio! Ancuk nati, ‘Kalikuka melipnimince, teleb kibuka melipnamnilam’ tenen, an dam akunum bikbik abuka yanamse.

Mazmur 17:8

Na nio, ance nati, pia bicoe tenenilyama ati, ‘An asing koproba arye dimince, kalikinamlam touk, nati melibuka kaliknamnilam’ tenen, moropkine. Atonun, an dam ton deipnimince, kalekuka lyenamnilame na nio. Winipmanto ara, ayam arye, el mapu dobuka, el pol amu tam deiplirye, kalikuka irilamle touk, ‘Ance nati, an dam deipnimince, kalikinamnilam’ tenen, moropkine.

Mazmur 41:5

Na Raja Daud bira, Allah anti, “Se, na ni Allah Yahweh, an kanye aryuk, bico tenepnutumce, teleb kipdeipnamnilame,” nyabuka moropkise. Tonda, “Dipkoprop, narye anti, malye winipse bukni, ‘Ance kwetepnimince, lyepnamnilam’ tenen, moropkine,” nyapse.

Mazmur 56:2

Atalak ara, Daud birye nyabuk yupu ara, ani. “Se, na ni koproba Allah, ‘Bico tenepnutumce, melipnutum’ tenen, moropkine.” Deiyok ara, ninye yata wiribuka do, nati, yaninikirye, ikin ning na nong deice deilininyake. Beren tam talak arye dipdongobuka, kiting noutam ap, beren tam ap anoutam nirya ara, yaninikirye, ikin ning na deice deilininyake.

Yesaya 26:12

Nun ni koproba Allah Yahweh, ance nun an mapu koprop nirya ati, pia teleb kilinamsilame. Deiyok ara, nun pil dolamupu ning nirya ara, dipkoprob ancuk nunti meliamsuluma deice arye, apil teleb kibuka domsulume.

Yesaya 26:20

Se, na kayapu, anggun Yudea tam ululum nang ara, anggun aik noutam wilibuka dopmunye mitik aik ton wekel bimunce, adiparyuk, anyaik bublan tirikdongopnamlume. Tiya talak ati, anggunda asukumuk duknubuka anyaik pumuk unmamunya ani, Allah el yu ubuk ning ara, kum danamle.

Yesaya 57:15

Nara Allah, aning-aning nirya deice tam erebuka ununye birye, nyapsine. Tonda, aning-aning nirya deice tam ununa ati, na siuk weik tonun ereninyaknye birye, nyapsine. Nara min talak akunum kam ulamsirye, aminyan doyanamle talak babye, na pia Kam Una Deiyoknye unune. Na ap, na si ap, Pia Teleb, Lek Ululnye unune. Nara, pia weik erenak, im deice unune. Na ununak ara, dipkoprob malye ning tonok babye kum ulula ati, pia teleb kurunak unune. Bukni, nara yata nang do nirya, sik talima amu tam kibikirye, sikce, ‘Se, nun malye unyap ning ati, alye dakdanuka unyaba ati, aning nirya batakabe,’ tenebikirye, talima erena kumce, malye kanye bobuka, sik kanye talima namin unyak nang ap, neika unamne. Na ap, sik epdanuka neika unamap deiyok ara, narye sik malye kanye bobuka talima lamapdongobuka unyak nang ara, mikip arepnyeba, sik kanye deipnamake. Tonda, sikce, ‘Se, nun malye unyap ning ati, alye dakdanuka unyaba ati, aning nirya batakabe,’ tenebikirye, engenyak nang ati, sik talima kwa dipnyeba, sikce kanye deibuka teleb unamake. Sik ato unyak nang, sik dam ara, na aunamne, nyapsine.

Pilipi 1:6

Tonda dipkoprop na kele, anggun talima noutamak, teleb pil deiyok koubsuknye bira, Allah el uka. Allah arye pia apiluk dopnin balamsilirye, melilamsilya ani, aminyan talak sirya daknamsile. Ara, Yesus Kristus arye ninye yupu bokolina ati, yanamle talak ara, Allah arye anggun talima noutamak teleb pil dosilye ning ara, sirya daknamsile ati nyapsine. Aning nirya ara, na dipkoprop weik kel anya, weik kanye deibuka, anggunti Allah morosunune.

Pilipi 2:12

Aning ati ara, na kayapu, minop talak dipdongobuka, anoutam talak nirya, na yupu kekebuka, teleb kibuka winimunya atonun, pia wininamlume. Tonda na ap, neika ulamubu talak babye, wini talak nun yuk-yuk unyap talak babye, Allah el yupu uk kekebuka, el yupu uk talibuka dobolbalulum touk, apia wininamlulume. Allah arye, ‘Apil winibuka donamak’ tenen, teleb kibuka tenyamsuk touk, ‘Aninguk pataplya ati, apiluk tenebuka donamak’ tenen, anggun kanye talima noutamak melibuka pil dosulule. Winibuka anggun talima noutamak pil dosulul anya arye, anggunce atouk, yuk-yuk tenepmunce, ‘Allah arye lyepnamnil ara, weik mambule,’ tenenamlume. Tonda, ‘Na mikip kumnye birye malye winipnun’ tenen, kanye pia moupnamlulume, na Paulus arye, nyapsine.

Ibrani 13:21

Anggunti Allah morosunun ning ara, nyapnusine. Ara, ‘Yesus Kristus melisilya deice arye, anggun talima noutamak pil dosiliba, Allah arye, ‘Wininamake,’ tenyamsuk ning, el kanye delisulul ning nirya weika arye kipnamsile’ tenen, Allah morosunune. Yesus melisilyeba, aning nirya aupsilyopura, adeice arye Allah arye anggunti, ‘Wininamake,’ tenesilye touk, ‘Telebuk unamlulume’ tenen, Allah morosunune. Tonda, ‘Wini talak arye dipdongobuka, doryanamle talak nirya ara, ninye im sirya, mutuku sirya nirya arye, Yesus Kristus el siuk weik arye erenamak’ tenen, pataniliba, Allah moronune. ‘Dipkoprop pia telebuk wininamak’ tenen, “Amin,” nyabuka, Allah morosunune.