Mazmur 56:3 - Eipomek

³ Diba na nio, asum-asum nirya ara, na mal olan nang arye, yaninikirye, ikin ning dobuka, na deice deilininyake. Ninye yupa weik tonun, ‘Anye bira opnuyap’ tenen, warikininyaka ati, anda, aning-aning nirya talibuka, deice tam umince, Pia Mikip Weiknye ulyama ati, an adiparyuk melibuka lyepnamnilam’ tenen, moropkine.

Mazmur 56:3 ပူးပေါင်းရင်းမြစ်များ

2 Tawarikh 20:3

Ayupu ara Yosafat kekebukce, ilil ubuk ati, elce, “Allah Yahweh, ance na winipnamne ning ati, Aning winiplyame nyabuka, ance teleb kibuka nyapnilyame,” nyabuka, deiyok koubukce Allah ati morobuk. Yosafat birye, ‘Allah moropnuyapʼ tenen, kintinibuk talak ara, elce taleamukak ulamik nang nirya ati, “Na mutuku noutam ululum nang ati, nun nirya ara, din ning dina kumce, si tebuka bulang bukuka, Allah Yahweh el siuk erebuka ubirye, Yata wiripnuyap do?’ tenen, elti, moropnuyabe,” nyapdeibuk.

Mazmur 11:1

Raja Daud birye, Mazmur yupu sekuk. Ara, Allah yupu mot nyana deiyoknye arepnamuka ati, sekukce arebuk. ‘Ikin ning, na dam yalirye, opnilyak’ tenen, na ni Allah Yahweh, el damuk unune. Ati ara, yata ati, anggunce nati, ‘Yukak bilyame,’ nyapnutum do? Anggunce nati, “Mitik maka arye, ‘Ninye opsikcak’ tenen, ilil upliba, minopce mutuku kon lakuka balolamle touk, binulyame,” nyamnulum ning ara, yata ati do?

Mazmur 34:4

Ati ara, anggun nirya, na dam yanganamlume. Yamunba nun nirya arye, “Allah el mikip weik arye winilul ning nirya ara, pia telebuk winilule,” nyabuka, Allah el siuk erenamabe. Aubirye, Allah el si erebibirye, neika si erenamabe. Winibuka ulamepya ani, ninye weika arye, tonap tabakuka kekebikirye, ‘E, diba Allah elda pia mambulnye ulule,’ tenebuka unamake.

1 Samuel 21:10

Nyabukopura, Daud atalak aryuk, bai sakuka, bikbik abuka, Gad yala ninye, sik deiyoknye, el si Raja Akhis dam biyuk.

1 Samuel 21:12

Ayupu nyabuka, Akhis mutuku ninye, sik deiyoknye biti, Raja Akhis asinmek talak ara, Daud kekebukce, ‘Aning ara, Akhis birye nati, yata nyapnamanil do?’ tenen, kanye pum tam teninmokce, ilil unmok.

1 Samuel 30:6

Aning nirya winipmekba, Daud el melina nang, sik yin talin nang ara, weik kanye ikin ubukce, ‘Se, nun kilapu ap, nun mapu kilmapu nirya ap, Amalek nang arye, akunum dobuka bobinmake. Winipmasiaka ati ara, nun deiyoknye Daud biti, keil dobuka, opnuyap do?’ teninmek. Utenebikba, Daud birye, ‘Se, yata wiriptinye do?’ tenen, tenipdeyukce, ikin kanye bobuk. Bukni, Allah el si Yahweh arye talima pum tam mikip arebuk deice arye, Daud el talima melibukba, Daud el mikip tuba ubuk.