Mazmur 55:6 - Eipomek

⁶ Ilil weik unulula ati, na nong nirya ara, dipna atonun unulule. Winipmanto ara, weik mek oplirye, aning-aning nirya bolamle touk, ilil weik unulula deice arye, yuk ning nirya ara, kum tenepmanto unune.

Mazmur 55:6 ပူးပေါင်းရင်းမြစ်များ

Mazmur 11:1

Raja Daud birye, Mazmur yupu sekuk. Ara, Allah yupu mot nyana deiyoknye arepnamuka ati, sekukce arebuk. ‘Ikin ning, na dam yalirye, opnilyak’ tenen, na ni Allah Yahweh, el damuk unune. Ati ara, yata ati, anggunce nati, ‘Yukak bilyame,’ nyapnutum do? Anggunce nati, “Mitik maka arye, ‘Ninye opsikcak’ tenen, ilil upliba, minopce mutuku kon lakuka balolamle touk, binulyame,” nyamnulum ning ara, yata ati do?

Mazmur 139:9

Tonda, na maka pol atonun ning deice arye lakukaptinirye, keting yangan tam mutuku bitinya babye, keting wekelban tam weik pera mutuku dabitinya babye, amutuku noutamak babye, an pia aunmince, dinamnilame.

Yesaya 21:4

Aning eipsirye, na kanye noutam ara, mambul upnuke. Tonda awinimukak eipse ning ati, na pia ilil upnuke. Sintam kiptuura, talye kanye bobuka, telebuk uptinye,’ tenepse bukni, alukunyan akunum yayukopura, na kanye teleb kum upnuke. Asum lukunyan noutam ara, ilil pia weik upnuk ati, yok sirim talipnuke.

Wahyu 12:14

‘Akil tomopnune’ tenen, bik-bik abuka biyukba, Allah arye akil ati, weik Bib maka pol atonun bitinye arebuk. Allah arye akil ati maka pol aribuka deiyok ara, ‘Akil el kalikna ati, mok ap, ninye ap, kum ulul mutuku noutamak kintinipdeiamsak mutuku lakuka bituba, anoutamak ara keting tamun winilye ap, tonok keting tamun noutamak ap, deice unamle,’ tenebuk. Allah arye, akil kalikuka melinamna deice arye, ‘Isa Mutuku Dongonye arye kum optue,’ tenebukce, Allah arye akil ati, Bib maka pol atonun bitinye aribuk.