Mazmur 55:21 - Eipomek

²¹ Na kwit koproba ara, na ap, el ap, yuk nang ap arye, ‘Olana kumce, talye kanye bobuka, telebuk neika unamabe,’ nyabuka, nyalin yupu deice arye nyapdanamupu. Bukni, elce nati, ‘Deiyok winipnamname,’ nyabuka, nyalin yupu deice arye, nyapdanumu ning ara, akunum batakukce, malye kilinulule.

Mazmur 55:21 ပူးပေါင်းရင်းမြစ်များ

2 Samuel 16:19

Tonda, yata weik deiyoknye biti, el amu tamuk unamne do? Minop talak ara, nara an ni koprop Raja Daud, el amu tamuk ulamsirye, el siuk erebuka, el piluk dolamse touk, anda el mi koprop ati, an si erebuka kum melinamkin do? Kume, anda Raja Daud, el mi koprop ulyama anya arye, anti si erepkinirye, an amu tamuk unamne,” nyabuk.

Ayub 41:3

Winiptumopura, amou bal arye, ‘Lopdeipnilyame,’ nyabuka moropkuturye, ‘Awinipmanilam ning ara, bataknutum do?’ nyabuka, namin yupu deice arye nyapkutu do?

Mazmur 12:2

Se nun ni Allah Yahweh, Israel mutuku noutam ara, ‘Allah arye nyasilye yupu moubuka kekebikirye, aninguk talibuka, telebuk wininamap’ tenen nang ara, tonok ning babye, tuba kum wininyaka ati, nun nio ance yanuka lyepropsutume. Diba tukwak mutuku unyak yala nang nirya ara, tonoknye babye, ‘Nara pia kum bataknamne bukni, Allah arye nyasilye yupu, moubuka talibipyak arye, diksukumuk unamne,’ kum tenelule. Ninye nirya arye, an yupu ara, akunum yaniltakanyake.

Mazmur 28:3

Ton nang arye, sik pia malye wininyak nang arye, yuk nang kekena ati, talye dakeiam kanye bobuka, sikce, ‘Nun kayapu nango, teleb aryuk neika unamabe,’ nyabuka, nemalyap arye nyanyake. Bukni, dipkoprob ning ara, sik kanye talima noutam ara, malye winin ninguk langdibukce lyulule. Sik talima noutam arye, ‘Sik anang ara, malye kibibyak arye, opnamabe,’ tenenyake.

Mazmur 57:4

Ati ara, Allah anda, im deice ulyamak arye, na melin ning dopkwetepnamnilame. Tonda, ance na melibuka lyepdopnamnilame. Yu nang arye, nati, ‘Anye opnuyap’ tenen, warikininyak nang nirya ara, an Allah arye, anang nirya wenepmince, obuka sirya daknalyame. Winipminyopura, sik nirya alye dakdanamake. Allah arye, ‘Winipnamne,’ tenesilirye, nyasilye touk, batakna kumce, aninguk dipkoprob winilule. Ati, na ni Allah arye, ‘Winibuka pia bico tenekununa ati, pia teleb kipdeipnamkine,’ nyalin yupu deice arye, nyapdeipnuk ning nirya ara, pia nati, dipkoprob melinamnile.

Mazmur 59:7

Na mutuku noutam ara, akunum ipnamalye talak ara, sik amalye unyak nang arye, tamubuka yanganyake. Yakcopura, bai tam yu kam arye, ‘Yata ning obuka dipnun’ tenen, weik yupu arye, yu nyalamle touk, amalye winin nang babye, Yerusalem mutuku dana-dana tam nirya ara, cang keil arye deibuka domik poka, deice tam yanibuka banmakirye, ‘Amutuku nang ara, yata wiribuka optibye do?’ tenenyake.

Mazmur 62:4

Bukni, sik yu nang ara, yata talak arye, yuk nang ati, opnamlum do? Winipmanto ara, basam poka daksakmanto uplyopura, ninye arye ayo nirya ulultaklamak touk, anggunce sik lik tenelulum nang ati, tuba-tuba onauk wininamlum do?

Mazmur 64:3

Tonda, sik malye weik wininyak yu nang arye, ‘Anye opnuyap’ tenen, duknubikirye, mur-mur ana yupu deice arye, na ona ati, yupu talininyake. Ati, sikce nati, ‘Anye adiparyuk opnamaba ati, winipnamap’ tenen, yupu talibikirye, na ona ati kintininyak ning ati, ‘Ance, melibuka lyepnamnilam’ tenen, moropkine na nio.

Amsal 12:18

Ninye ton sik yupu nyapnuce talak ara, moubuka tenena kumce, talye-talye yupu uk, nyalamak ninye ara, sik yupu nyanyaka deice arye, ninye talimak parang ya tace arye, talimak lukliba, uk dilamle touk wininyake. Bukni, weik kel bikin nang arye nyanyak yupu ara, teleb yupu uk nyanyaka ati, sik yupu nyanyaka deice arye, ninye nirya ati, teleb ulinyake. Winipmanto ara, ninye kwetena deiyok nang arye, uk dilamle ninye kwetelamak touk, weik kel bikin nang arye nyanyak yupu deice arye, yuk ninye kekebicopura, sik kanye talima melilanyakba, teleb kilinyake.

Amsal 26:28

Ninye ton el sitang deice arye, el kayapu nang ati, tilila yupu nyaltakalulnye bira, dipkoprob el kayapu nang ati, ‘Sikda na like,’ tenelirye, sikti, malye ulilule. Aning atonun, sik talima noutamak arye, ‘Anang ara nun like,’ tenenyak bukni, tenebuka yupu deice arye, ‘Kume, anggunda telebe, nun ap neika ulamtibye. Anggun ti kanye deibabe,’ nyabuka, talye yupu deice arye nyaltakanyak ning ara, dipkoprob anyanyak yupu deice arye, sik kayapu nang ati malye ulinyake.

Matius 26:25

Nyabukura, Yudas, ara Yesus yupu deipnamuknye birye, nyabuk. “Naie narye yupu delilbikiniba opnamkiyak do?” Nyabukba, Yesus arye tamubuka nyabuk, “Diba, ance yupu deipniminyeura, opnamaniyake.”

Yohanes 13:2

Atalak ara, Isa Mutuku Dongonye arye, ‘Anye malye winipnamle’ tenen, Simon el mi Yudas Iskariot ati, el talima akunum tamubukura, Yudas arye, ‘Yesus opnamak’ tenen, tonda, ‘Ninye yupu delilbinun’ tenen, akunum kintinibuk. Alukunyan sik dipnuyik ning bokuka arilanmek.

1 Samuel 18:22

Nyabukopura, atalak aryuk, Saul bira, el aik pum pil don nang nirya ati, tenepce, yupu ton nyabuk. “Anggunce, mangkau kanye bobuka bimunce, Daud el kekenak binuka, nyapnamalum yupu ara, ani. ‘Ninye deiyoknye Raja Saul ap, el amu tam pil don nang ap, sik nirya ara, anti kanye deilikinyake. Atalak ara, Raja Saul el kilmu uk dopnamle,’ tenepmakiyaka ati, “Anda el yamal unalame,” nyabuka, “El kekenak binuka nyapnamlume,” nyapdeibuk.