Mazmur 55:16 - Eipomek

¹⁶ Bukni, na ni Allah, ‘Ikin ning weik, na nong deice delininyak nang, sik wenena ati ara, ance dibin ning dobuka, sik deice deipnalam’ tenen, moropkine na nio. Ance sikti, wenepminyeura, dibikceba, adiparyuk akunum diamik nang unyak mutuku, el si ara, Sheol mutuku noutam binuka, aunamak’ tenen, moropkine. Aning ara, talye ati kum bukni, deiyok ara, sik kanye talima noutam ap, sik aik noutam ap ara, pia malye winin ninguk aulula ati, ance anang ati, wenepnamlyame, na nio.

Mazmur 55:16 ပူးပေါင်းရင်းမြစ်များ

Mazmur 109:4

Na ning ara, aning ati, bico tenebuka telebuk unun bukni, sikce nati, minin yupu weik arye nyaninyake. Tonda, sik ikin uplye talak ara, narye, ‘Anda Allah arye, anang melipnamlam’ tenen, sikti, Allah moronune.

Mazmur 50:15

Tonda, na Allah arye nyapsine. “Ikin weik upsilye talak ara, anggunce nati, ‘Naio melibuka lyepropsilyame!’ nyabuka, moropnumunyeura, dipkoprob narye yanuka, lyepropnamsine. Akunum lyepsiminyeura, anggunce na si erebuka kina ati, “Nun ni Allah, pia teleb ulule,” nyabuka, yuk nang kekenak, lakak arye nyanamlume.

Mazmur 73:28

Bukni, nara pia dipkoprop, na ni Allah, an dam anyuk unamne. Aninguk tenebuka ununa ara, teleb uka. Na kanye talima pum tam arye, akunum tenepse. Ara, Allah Yahweh arye, aning-aning deice tam talibuka ulirye, Weik Erena Deiyoknye ulirye, ‘Wininamne,’ tenelye touk, aning nirya dipkoprob winilulnye bira, ‘El dam anyuk unamne. El diparyuk melibuka lyelonamnile’ tenen, unamne. Na ni Allah, ancuk tuba kalikuka melinilyamnye winiminya ati ara, ance mambul pil dolyam ning nirya ara, yuk ninye, sik kekena ati, laka nyabuka peterelbanamne.

Mazmur 91:15

Anye bira, el ikin ning doproplirye, kanye imun uplye talak nirya ara, elce, “Na ti melipnilyame,” nyabuka, moropnilyopura, na kekepnirye, elti, pia kalikuka melinamne. Tonda, anye bira, el ikin ning dololamlye ning ati, lyepnirye, el dobuka ereipnamne. El anye bira, erebuka deipnyopura, yuk ninye nirya arye, el tibuk, si erenamake.

Bilangan 16:33

Sik aninye ara, tuku likdobukba, kam kipman atuku pum bisik wekikce, diplamik nang ulamikak, amutuku si Sheol biyik. Tonda, sik talibuka ulamik ning babye, adiparyuk tuku pum bisik wekikba, kum dayuk. Sik aninye tikmek tuku likukba, sik aninye tuku pum bisik wekikopura, atuku ara tamubuka ansinipdongobukce, dibuka kum dayuk. Atalak aryuk, Israel ninye daulamik mutuku noutam arye kum dayikba, tuba tonap, anang ton pia kum eibik.