Mazmur 49:3 - Eipomek

³ Ara, ninye deiyok nang babye, talye amu tamuk unyak nang babye, kekepnululume! Tonda, anggun bona talin nang, ululum nang babye, anggun talye bona uto-toa talina kum nang babye, moubuka kekepnululume!

Mazmur 49:3 ပူးပေါင်းရင်းမြစ်များ

Ayub 33:3

Na kanye talima noutam arye tenenun ning ara, pia diksukum ninguk nyapnukine. Na si deice arye nyapnukin yupu nirya ara, talye nyaltakan yupu kume. Dipkoprob na kel bikse ning ara, pia mambul yupu nyapnukine.

Ayub 33:33

Bukni, ance, nyapmanto yupu ton kumopura, narye nyapnukin yupu tunim abuka kekepnunilyame. Na kel bikin ninguk an dam nyapkinyeba, kekebuka biknalame.” Elihu birye, Ayub biti ayupu nirya nyabuk.

Mazmur 104:34

Atalak-atalak noutamak nirya, na kanye talima noutamak tenenamne ning nirya babye, Allah dinilirye, kel biknilyopura, ‘E, el tenelul ning ara, telebuk ulule, tenepnilirye, kanye delinamnile’ tenen, moronune. Ara, talye ati, kum nyapne. Na ni Allah Yahweh, el tibuk, na kanye delinuna ati nyapne. El melinilya deice arye, kanye delinune.

Mazmur 119:130

Allah ance nyapdeiamsulum yupu ara, pia duknuna yupu atonun unulul bukni, ance kel bikna deiyok ning, areniminya deice arye, an dirina ara, na talima noutamak arye, laka kiliniliba, kel bikinune. Mince kum kel kipmanto ulamse ning ara, an yupu deice arye, dirina areniminya deice arye, ‘Deiyok anya’ tenen, moubuka bikinune. Tonda, aning-aning nirya kum kel bikamik nang daukirye, ‘Ayupu ara, deiyok dan do?’ tenen, tuba walwal ulul ninye ati ara, an nyasiminye yupu deice arye, laka kipdeipminba, an duknuna yupu nirya ara, sikce moubuka kel kipnamake.

Mazmur 19:14

Tonda, na moropkin ning ara ani. ‘Na ni Allah narye nyanamne yupu ap, na talima pum tam arye tenenamne ning nirya ap, diksukumuk uptuba, ance nati kanye deipnutum’ tenen, moropkine.

Mazmur 37:30

Diksukumuk winilulnye birye, yupu nyalula ara, moubuka teneplirye, weik kel yupu uk nyalule. Aning atonun, anye birye nyalul yupu nirya ara, teleb yupu uk nyalule. Ara, ninye arye winilamak touk ubuka, diksukum kibuka, yupu lipsisikuka bokolilule. Talye yupu ap, tenepce arye nyan yupu ap ara, pia kum nyalule.

Mazmur 4:3

Se anggun mikip pia weik ululum nango, dan talak tonap na ni Allah ati, yep-yep abuka nalinamlum do? Winipmunyeura, yuk nang arye ton, kekebikirye, malye yupu nyakiba, alye weik unululule. Anggun ninye deiyok nang ululum nang ara, ouku weik arye ton, nong kum upnamle yupu nyakiba, ance kanye deibuka kekenamlum do? Tonda, ouku weikto arye, tilila yupu kekepmunce, dobonmanulum do?

Mazmur 45:1

Mot nyana deiyoknye arepnamuka ati, sekuk. “Amot ara, yuk mot ton, el si Bunga Bakung mot lelim nyalamle touk nyanamlume,” nyabuka sekuk. Amot ara, sik Korah yala nang arye, deibiknye birye sekuk. Ara peterena ap, bico tenelana ap ati, sekuk.

Amsal 22:17

Na nyapnusin yupu, moubuka amul kukeipmunce, kekenamlulume. Sik kel weik bikamik nang arye nyanyak yupu, pia moubuka kekenamlulume. Tonda, narye lipsisikuka peteresinye yupu nirya ara, moubuka kekepmunce, ‘Nun babye aninguk talibuka unamap’ tenen, pia pi dobuka pirinamlulume. Diksukum teleb kibuka una ati, peteresunun yupu moubuka kekepmunce, ayupu uk talibuka unamlulume.

Matius 12:35

Sik teleb nang ara, sik talimak teleb ning wamlya deice arye, teleb yupu uk nyanyakce, telebuk wininyake. Sik malye nang ara, sik talimak malye ning wamlya deice arye, malye yupu uk nyanyakce malyeuk wininyake.

Ulangan 32:2

Na peterepnusin yupu ara, weik melinamsila anya arye, mok purwu saklamla atonun upnamsile. Tonda, kurye dei saklirye, maning deice palilamla atonun upnamsile. Tonda, winiryuk koupmakce maning tuku deice, mok purwu saklamla atonun upnamsile. Tonda, na peterepnusin yupu ara, winipnamsile. Winipmanto ara, din yala kouamikiba, mok weika arye cepliba, aning bongoplirye, pabuka duk teleb moulamle touk, na peterepnusin yupu ara, melinamsile.