Mazmur 49:11 - Eipomek11 Anggun nirya moubuka tenipdelulume, yata nang do nirya, kel weik bikamik nang nirya babye, dibinyake. Sik walwal nang babye, aning-aning nirya ati, moubuka kum tenenyak nang babye, dibikiba, kum danalule. Ninye tukwak nang nirya ara, akunum dibikcopura, sik talilamice bona nirya ara, yuk nang arye dolonyake. အခန်းကိုကြည့်ပါ။ |
Mazmur 49:11
13 ပူးပေါင်းရင်းမြစ်များ
Ura, Absalom tuba kam ulamuk talak arye, ‘Na mi min kum deipsa ati, na nong pununa kum upnamnile anya arye, na si kum upnamle’ tenen, weik cang keil ikuka tikeibuk. Akeil ikuk mutuku ara, Yerusalem asik domikak bukni, keting yangan tam, mitik yukak arye ikdeibuk. Amutuku ara, lyu mutuku uamukba, amutuku nang arye, “Nun ninye deiyoknye, Raja el lyuak,” nyalamik. Absalom birye, cang keil ikdeibukce, akeil ap, amutuku ap ati, el sisibuk. Ara, ‘Ninye arye, na si tuba tenepnamak’ tenen, el sisibuk. Amutuku ara, “Absalom, el cang keil ani,” nyalamik. Akeil ati ara, ninye arye, “Absalom el cang keil ara, ani,” tuba nyanyake.
Dipkoprob nun tukwak nang nirya ara, ouku mitik tonunuk unyabe. Winipmanto ara, minop kum danin balamle touk, nunda kam ulamepya ani, adiparyuk minop dibinyabe. Dipkoprob nun tukwak nang nirya ara, ouku mitik tonunuk unyabe. Winipmanto ara, minop kum danin balamle touk, nunda kam ulamepya ani, adiparyuk minop dibinyabe. Ninye tukwak nang nirya ara, ‘Aning-aning weik tonun bulubuka dopropnirye, aning nirya talipnamne’ tenen, pil weik tonun donyap bukni, dipkoprob ning ara, ‘Aminyan talak yatanye birye, na taleamse ning nirya dopropnamle do?’ tenen, pia kum teninyabe. Aning ara, nun walwale.
Na ni Allah Yahweh, ance, ‘Diksukum bisikuk binuka unamle,’ tenepniminyopura, nara, ‘Abisikuk binamne,’ tenen, pia patanulula ati, ance nyapdeipnulum yupu deice arye, abisik peterepnamnilame. Ara, nati, ‘Anye bira nun lik,’ tenen, na mal olan nang unyaka ati, ‘Diksukum un bisikuk peterepnamnilamʼ tenen, moropkine na nio. Winipmanto ara, ninye arye teleb bisik yabukabikirye, pia punguk ulamle touk, nara, ‘Ance melipniminya deice arye, dipkoprob bisik diksukum arye unamne’ tenen, morokunune.
Sikce, ‘Yuk teleb nang ati, winibuka-winibuka winibibirye, pia ikin ning, sik nong deice delinamabe,’ tenebikirye, ato tenen ning ara, pia kum batakanyake. Pia tenenauk unyake. Winibikcopura, ‘Anang opnuyap’ tenen, ninye on ning, kintinibuka delinyake. Winibikce talak ara, sikce, ‘Kume, yata nang arye ton, eipnamsiak do? Nun malye weik wininamap ning ara, yuk nang arye ton, pia kum eipnamsiaka ati, talye lukparabuka malye winipnamabe,’ tenenyake.
Ara, weik arye kel biklinye bira, elce, Teleb un ning ara, abisik binune,’ teneplye bisik ara eibuka kel biklirye balule. Bukni, walwalnye bira kuna bisikuk balamle atonun ulule. Bukni, aning babye na kele. Weik kelnye babye, walwalnye babye, nun nirya babye, sirya ara, atonun upnamsile. Ara, weik kel arye winilamak nang babye, walwal aryuk ulamak nang babye, daulamepya ani, sirya ara ato ninguk kibuka, adiparyuk dibina uk unyabe.
Winibuka tenepsa deiyok ara, ani. Ara, ninye arye, weik kel bikna deiyok ning kel bikna deice arye, moubuka teneplirye, el pil talibuka kel bikna ap, mikip ap deice arye, pil teleb kibuka donamne, tenebuka pil dolamik atonun kibuka, nong teleb kililule. Bukni, sirya tam ara, el amikip arye pil talibuka dolamle ning nirya ara, adiparyuk batakuka dibina uk ulule. Akunum diplyopura, atalak ara, el pil pia kum dolamlinye bira, talinye birye aning nirya ara doproplirye, elcuk aning nirya talibuka ulule. Ati, na tenepse ara, ‘Apil donyap ning nirya ara, dipkoprob dotalak nong teleb ning ton kum upnamla ati, apil donyap ning nirya ara, talye-talye atibuk unyabe. Aning babye, pia malye tenepse.
Nara Allah, na si Yahweh, aning-aning nirya talibuka, deice tam erebuka, Pia Mikip Weik Ununye birye nyapkine. An Gog biti nyapkine. Na Allah arye tenyamse talak akunum uplyopura, Gog anda, an talima noutam arye, yu weik tenipmince, ‘Aning pia malye un ning ara winipnune,’ tenipmince kintinipnamlam ning ara, pia malye ning tenibuka kintinipnamlame.
AFarisinye ngalukun moka ati, Yesus arye anye biti nyabuk. Se, anggun Farisi nang ara, anggun kanye talima noutam malye ning aupmasilyebuk, ‘Teleb nang tenepnamsiyak’ tenen, nong bol deice ninguk teleb winilalume. Anggun mek makau ap, piring ap, ‘Malye upmasilye mangkau arye dipnyak’ tenen, bol deice tam ara teleb-teleb ubuka mek likilulum bukni, anggun kanye talima noutam ara, pia malye wini ning ap, yuk ninye ning ubula dona ap, awabsilibuk, aning tenena kum aryuk talye kanye bobuka ulalume.
Tonda, Manasye yala nang arye deiamiknye, el si Yair, aminyan talak, elce Argop mutuku nirya obukabukce, doprobuk. Ara, Basan mutuku nirya ati nyapne. Ara, Gesur yala nang ulamik mutuku, atam arye dukdongobuka, otam sik Maakha yala nang ulamik mutuku uamukak, anoutam uamuk asik dolamika nirya ap, mutuku ap nirya binuka doprobuk. Doprobukopura, amutuku noutam uamuk asik nirya ara, winiryuk si ton dobuk. Ara, el si atonun, Hawot-Yair nyapdeiamukba, sik nirya asi uk nyalamikce, atalak babye anyalamik touk, wini talak babye, tuba asi uk pia nyanyake.
Moronmokce, mapmoka ani, berekukopura, Samuel birye, ‘Beren tam talak Saul ap, epdanamaname’ tenen, el dam binmok bukni, Saul asukum kum unmok. Yuk nang arye nyabik. “Kume, Saul bira, Karmel mutuku akunum bindopmoe. Elce, ‘Na si Saul tuba pia tenenamniyak’ tenen, weik keil dobuka, Karmel mutuku ikdeipnamale. Winiplyopura, anirye, Gilgal mutuku binmale,” nyabik. Nyabikba, Samuel kekebukce, adiparyuk Gilgal mutuku biyuk.
ကြော်ငြာတွေ