Mazmur 44:8 - Eipomek

⁸ Aning nirya kum bukni, na kele, “Allah ancuk, nun mal olan nang ara, akunum obuka, malye kilyama ati, akunum lyepropsulume. Diba, nunti, ‘Anang ara, nun pia lik,’ tenesinyak nang ati ara, an Allah aryuk, kanye walwalamak ning arepminyeura, anang sik kanye sirika bona kumce, ilil uplyeba, nun dam ara batakuka, dana-dana tamuk, bikbik abuka banyake.

Mazmur 44:8 ပူးပေါင်းရင်းမြစ်များ

Mazmur 106:10

Allah winibuka deice arye, sik Mesir mutuku yin talin nang arye, ‘Israel yala nang nirya opnuyab,’ tenebik nang nirya ara, Allah arye obuka, sirya dakukce, el ‘Naʼ tenen nang ati lyeprobuk. Diba, Mesir nang arye, ‘Israel nang opnamap,’ tenebikce, olyayik bukni, Allah arye, Israel nang lyeprobuk.

Mazmur 30:12

Minop talak babye, wini talak babye, na ikin weik unulule. Tonda, na imun kanye bobuka unye talak nirya ara, ancuk, na engenun ning ara, kum kipdeipnimince, aning punubuka, kanye delin ninguk arepniminyeba, kanye kil-kil asa unune. Tonda, imun kanye bobuka engena ati, lak kin ning ara, na teleb baju kwilikuka bataksirye, malye baju, el si karum koni, ongopse ning ara, ance akunum dopropnulume. Na ikin weik wamnuk ning, akunum kum kipdeipnulumce, kanye delina ap, pin-pin kanye una ap, akunum arepnulumba, akunum aninguk, talibuka teleb unune.

Mazmur 34:2

Raja Daud birye, nyabuk. “Se, na ni Allah Yahweh, asum-asum nirya, na ni Allah ati, ‘Anda pia telebe,’ nyabuka, mot senirye, an si atibuk, pia erenamkine. Tonda, tuba-tuba Allah el si ati, si donirye, mot senamne ning ara, pia kum bataknamne.

Yesaya 45:25

Bukni, Israel ninye sikce deibiceba, dadeipdanin banamak ninye nirya, na si Allah Yahweh ati, diba tenepnikiba, narye anggunti diksukum kipdeipsiniba, na si erebuka pia winilinamniake.” Allah arye nyabuk.

Yeremia 9:24

Aning kum bukni, yata nang do nirya, sikce ‘E, mambul weik ning ani, mambul weiknye bira ani,’ tenenamak talak ara, sikce anyapnusin ninguk tenenamake. Tonda, tukwak mutuku, talye daulye ning nirya ati, ‘Aning ara, mambule,’ pia kum tenenamlume. Aning nirya kum bukni, anggunce na Allah Yahweh ati, diba tenepnulumce, na ap, na wininye ning ap, moubuka biknamnulum nang ara, angguncuk, ‘E, mambul weik ning ara, Allah Yahweh el uka,’ tenepmunce, aning deice aryuk, kanye pia delinamlume. Ara, anggunce na Allah ati, “E, Allah arye bico tenesilirye, elce, ‘Aning ara wininamlume, winipmunyopura, narye melisinirye, pia teleb kipdeipnamsine,’ nyabuka, nyalin yupu deice arye nyapdeipsuka deice arye, teleb kibuka melisulule. Elce winilye ning nirya ara, diksukum una ap, teleb ning winin deice aryuk, ninye yupu lipsisikuka bokosilirye, tuba-tuba melisulule,” nyaptingce, na si erepnitinge. Nara Allah Yahweh arye, anggunti pia bico tenesinirye, pia kum batakasunune. Narye, anggun tukwak mutuku sirya, im sirya nirya ululum nang ati, melisinye ning nirya ara, bico tenena ap, dip yupu nyana ap, malye winin ning pia kumce, diksukum winin deice arye melisunune. Tonda, na Allah arye, ateleb winin ning nirya ap, ‘Diksukum winin ning nirya ap ara, telebe uka’ tenen, na kanye delinune. Aning ara, na si Allah Yahweh arye ayupu nyapsine, nyabuk.

Roma 2:17

Wini talak ara, yuk yupu ton nyapnusine. Anggunce yuk nang ati peterelulum nang ara, anggun bidamang arye anggun bidamang ati, kum peterelalulum do? Ton nang ara, nyalalulume. “Kume, nunda Yahudi yala nang unyabe,” nyabuka ululume. “Nunda Musa sekeiyamsuk yupu talibuka unyaba anya arye, ayupu teleb kibuka talinyaba deice, Allah arye lyepnamsile. Nunda, Allah ap teleb ubuka neika unyaba anya arye, Allah el kanye delisulule,” nyabuka, anggun bidamang kanye erepdamunce kwalilalulume.