Mazmur 42:2 - Eipomek

² Winipmanto ara, rusa basam mek patapliba, kang-kang abuka, mek din dam balamle touk, na ni koproba Allah anti, ‘Se,’ tenenune.

Mazmur 42:2 ပူးပေါင်းရင်းမြစ်များ

Ayub 23:3

Se, ‘Allah el ululak ara dan do?’ tenen, na kel bikamtinye toura, na kanye deipnutue. Tonda, ‘Na adiparyuk el ululak kel biktinirye, el dam bitiniba epdatinimnye,’ tenenune. Utenenuna deice arye, elti, weik tonun patanulule.

Mazmur 27:4

Ati ara, na ni Allah Yahweh, elti, pia tuba-tuba moronun ning ara, tonok ning ara ani. Na kam unamne talak nirya ara, Allah Yahweh, el si eren aik dam anyuk unirye, ‘Na lyelonamnile,’ nyabuka moronune. Tonda, Allah Yahweh, el urasin pia teleb ulul ning ara, ‘Pia dinamne’ tenen, moronune. Tonda, el si eren aik dam unirye, tuba-tuba dinamna ati moronune.

Mazmur 43:4

Nara, an un dam yanyopura, Allah an si erena ati, arelyangakinyabak yanirye, si erenamkine. Na ni Allah, anti kanye deibuka pin-pin kanye bokunune. Wininunce, bilkong el si, kecapi deice, kanye lon mot nyapnirye, na ni Allah, an siuk erenamkine. Na ni Allah, anda na ni koproba ulyame.

Mazmur 63:1

Na ni Allah antibuk, si erekunune. Yuk ning ati, ‘Na ni,’ nyabuka kum talinune. Anda na ni koproba Allah, tonok unilyama ati ara, narye anti pataniliba, lukunyan talak nirya, ‘Yata nyapnunil do?’ tenen, kekebuka ekunune. Winipmanto ara, tin weik mutuku mek kum ululba, ninye arye mek pia patalamle touk, anti pia, ‘Se,’ tenenune. Tonda, miklamle tuku arye, ‘Mok opnutue,’ tenelamle touk, Allah anti narye pia patanmanilba, mikip kum unune. Na kanye talima ap, nong ap nirya arye, anti pataniliba, anti pia tenekunune.

Mazmur 63:3

Na ni Allah, ance nati bico tenenimince, melinilyam ning ara, weik mambule. Bukni, na kam una ara, mitik mambul uka. Ati ara, narye anti, “Allah ara, pia telebuk ulule. Elda weik mambule,” nyabuka, an siuk pia erenamkine.

Mazmur 84:10

Tonda, nun ni Allah, ance nun deiyoknye Raja melibuka talipminyeura, elda pia diksukumuk wininamle. Tonda, ‘Ance akunum wibuka deiplumnye bira, talipminyeura, elda an amu tam ulirye, pia telebuk wininamle’ tenen, moropkine.

Mazmur 84:2

Na ni Allah an un dam yangana ati tenenun ning ara, yata wiribuka do? Pia weik kanye deilinune. Na ni Allah Yahweh, ance aning-aning nirya talimince, im deice yin talin malaikat nirya, sik weik deiyoknye ulyame.

Mazmur 84:4

Allah ance kukalima maka, ‘Talye balamle,’ tenenyap maka babye, ance elti, aik kintinilyame. Tonda kukalima maka, ‘Im deice talye lakalul,’ tenenyap maka babye, Allah ance sik manak kintinilyame. Tonda, sik aik donak ara, anti ining ning obuka, uku dongolyangan aik dam, sik mi deilinyake. Na ni Allah Yahweh anda, aning-aning nirya talimince, im deice yin talin malaikat nirya, sik weik deiyoknye ulyame. Tonda, “Allah anda, na weik ninye deiyoknye Raja ulyame,” nyabuka, moropkine.

Mazmur 84:7

Allah an si erena ati, sik anang bisik kabul deiyok koubuka, banmakca ani, minop talak Israel nang arye, engelamik mutuku, Baka mutuku bisik bikirye, amutuku noutam bikca babye, ance anang melipminyeba, amutuku urasin tamuplirye, mek pukuka balamle atonun kibuka, deipnamlame. Tonda, amutuku noutam bacebuk, Allah arye mok areplyeba ceplirye, aminyan datalak, amutuku mekwen weik deipnamle.

Keluaran 23:17

Keting tamun tonok-tonok noutam ara, ‘Weik tonun kwalina deiyok winilye talak ani,’ nyabuka, akunum nyapdeipmasin touk, ‘Mambul sum ani,’ tenebuka umunce, kwalina kwalipnamlume. Keting tamun nirya ara, like winilye deice arye, anggun Israel yala ninye dem nirya ara, na dam yanuka na siuk erelyanganamnulume. Nara, anggun ni Allah Yahweh, aning-aning deice tam mikip unirye, na tenenun touk wininuna ati, na siuk erenamnulume. Nara, Allah Yahweh Aning-aning nirya talibuka deice tam mikipnye unirye, ‘Naʼ tenenye touk wininuna ati, na si Allah Yahweh ati, si erenamnulume.

Yesaya 26:8

Nun ni koproba Allah, ance nunti, “Anggunda aninguk wininamlume, aning ara, pia kum wininamlume,” nyabuka nyalisiminye ninguk, talibuka dobolbanyabe. Tonda nunce, ‘Se, nun ni Allah, el ap, elce mambul weik pil dolul ning ap, ninye mutuku sirya, im sirya nirya kel biktinge,’ teneplirye, nun kanye talima ap, nun tenen ning ap nirya deice arye, antibuk patasiliba, tuba-tuba tenikinyabe.

Yeremia 10:10

Sik pia walwal nang arye, wininyak bukni, dipkoprob Allah, el si Yahweh ulule. Elda kam una deiyoknye ulule. Allah el tonok ara, kam pia ulule. El Allah Yahweh ara, aning-aning talibuka, pia ati, Ninye Deiyoknye Raja unamle. El ap, elce talilul ning nirya ap, pia kume, kum danamle. Pia aupnamle. Tonda, Allah elce, tukwak mutuku ap, tukwak nang ap ati, yu uplyeura, tukwak mutuku nirya ara, weik arye onamle. Tonda, Allah elce, tukwak mutuku unyak nang nirya ati, yu upturye, wenepsutu ura, tukwak mutuku unyak nang nirya ara, darapdongobuka uptinga babye, kum upnamake.

Yeremia 2:13

Aning ara, urdem ati kum nyapsine. Na mapu koprop Israel ninye arye, pia malye un ning bitinye talibikirye, malye weik unyake. Tonok ning ara, malye unyaka deice arye, sikda na bataknikirye, balye tam kilongoninyake. Nara ninye nirya ati, kam un mek pu atonunye unune. Bukni, sikce nati batakaninyake. Bitinye ning ara, mekwen lukamiki bukni, delilamlye ani, tuku dilikamlye bisik arye, mek weklamlya ani, amek nirya celdolamle. Aning atonun, sik bidamnye kanye aryuk tenebuka si erenyak ning ara, talye ninguk talibuka si erenyak bukni, aning arye sikti, kum meliptue. Yuk talye ning ati si erebikirye, nara bataknikirye, si kum ereninyake, Allah arye nyabuk.

Daniel 6:26

Tonda, ayupu ton nyabuk. “Na taleamsiseba, ninye mutuku-mutuku nirya ululum nang ati, nyapsine. Nun nirya arye, Daniel birye si erelye Allah uka, el si erebibirye unamabe. Elda Kam Una Deiyoknye, pia tuba ulula ati, pia aunamle. Winiplirye, elcuk talisiliba unamabe. Tonda, Allah arye talipnamsil ning ara, pia kum kum danamle. Deiyok ara, Allah ara, mikip weiknye ulula ati, elda kum kum danamle.”

Yohanes 5:26

Aning ara talye kum nyapsine. Deiyok ara, na ni koprop Allah kam una deiyok ning talibuka ulye touk, elce aribukba, el Mi Koprop babye atonun kam una deiyok ning talibuka ulule.

Yohanes 7:37

Atalak weik yuna yupra banmekba, sirya sum, ‘Asum ara weik mambul sum,’ tenelamik ning ara, Yesus tikukce yupu weik arye nyabuk. “Anggun kekepnuse. Yatanye do nirya, mek pataplyopura, na dam yalirye, mek dinamle.

1 Tesalonika 1:9

Anyapmap mutuku-amutuku nang nirya arye, akunum kel bikamika anya arye, sikce laka nyanyake. Ara, nunce anggun dam yapubuk, kanye deibuka yukulamsulum ning ap, Allah yupu kekebuka dololamlum ning ap laka nyanyake. Sikce laka nyasinyak yupu ara, ani. Ara, “Sik Tesalonika ninye arye, ‘Allah el ara, pia dipkoprop Kam Unanye, el tonoka’ tenen, diba tenebikirye, ‘Eluk talibuka, el piluk donamape’ tenen, sik mem ning isa si erebuka, talyamik ning nirya ara, akunum batakik.” Yuk nang arye nyabuka laka nyaninyake.

Yosua 3:10

“Anggun nirya ara, ‘E, nun ni Allah, kam ululnye bira, dipkoprob nun noutamak tiklirye, bobinamsil’ tenen, kel biknamalume. Tonda, ‘Nun omutuku bibyopura, Allah elce melisilya deice aniryuk, amutuku unyak ninye obuka, sirya daknamabe’ tenen, ‘Kel biknalum’ tenen, nyapne. Ara, sik Kanaan mutuku tam unyak ninye, Het nang ap, Hewi nang ap, Feris nang ap, Girgasi nang ap, Amori nang ap, Yebus nang ap nirya ara, Allah melipsilya deice arye, obuka sirya daknamabe. Tonda, Allah melipsilya deice arye, sik ilil weik upliba, bikbik abuka bindopnamake. ‘Aning biknamlum’ tenen, lak nyalin ning laka nyapnusine,” Yosua birye nyabuk.

Wahyu 22:1

Aning nirya kel kipsirye, amalaikatnye birye kapdeipnukba, anyasik noutamak balamuk mek, Kam Una Deiyok Mek eipse. Amek ara, luma kum, pia mirin teleb mek ak balamuk ati ara, amek noutamak ara kuna kum dakamukak eipse. Amek pu ara, Allah ap, Domba Mi Atonye ap, sik weik ninye deiyok nang bun ning deice bururak sukum arye balule.