Mazmur 39:11 - Eipomek

¹¹ Bukni, ‘Ance na wenena ati, ikin ning arepnulum ning ara, dopropmince kum kipdeiptum’ tenen, moropkine na nio. Ance na wenena ati, ikin weik ning arepnuluma deice arye, na talima uk dinilirye, pia mitanguk unulule.

Mazmur 39:11 ပူးပေါင်းရင်းမြစ်များ

Ayub 13:28

Nara, uk weik dinilya deice arye, pia ikin weik ununa ati, bol malye kipnuke. Winipmanto ara, din sirya dibuka, bai tam donokibiba, lyulamle touk, na babye pia mitang kipnuke. Tonda, baju deiplobikceba, sing arye diplyeba, bisik weik botolamle touk, na bol malye kipnin banulule. Ayub birye Allah ati, ayupu nirya nyabuk.

Ayub 30:30

Na nong bol deice ara, keting buppu weik dinulul deice arye, na nong bol ara miripnuke. Winipnuka arye, na nong nirya ara, talin nakina dipnuka deice arye, uku diplirye, bol kurulamle atonun upnuke.

Ayub 4:19

Im deice unyak malaikat mitika aryuk malye winipmanto unyak bukni, tukwak mutuku unyap ninye ara, wanuke pia malye unyabe. Ara, nun malye unyaba ara, mitika arye kume, weik arye malye unyabe. Winibipyopura, Allah arye nunti wenesulule. Nunda ninye kira tuku arye dobuka, tuku deice asik donyap ninye ara, mikip kum mitanguk unyap nang anya arye, malye weik unyabe. Winipmanto ara, kuruduma taruk arye, akapkwetebikiba, sik kum diplamak atonun, unyaba anya arye, dipkoprob malye unyabe.

Ayub 9:34

Naryuk tenepmana ara ani. Allah elce na wenena ati, opnamnil kama dobuka, yukak deiptumopura, narye elti, pia ilil weik kum upnutue. Tonda, narye elti, ‘Ilil weik upnamnil,’ tenenun ning ara, kum datue.

Yesaya 50:9

Aning-aning talibuka deice tam Weik Erena Deiyoknye ululnye, Allah Yahweh arye, ‘Winipnamne,’ tenelye touk ulule. Elda Weik Erenanye birye, na melinulula ati, yatanye birye nati, ‘Elda malye ulule,’ nyapnamnil do? Anyapnamak nang nirya ara, cang baju deiamikba, sing arye dibuka sirya daklamle touk, kum danin banamake. Baju-Baju deiamikiba ani, keting tamun weik mabikiba, pun danamlamle touk, ‘Allah arye wipdeiamuknye bira, malye ulule,’ nyanyak nang ara, kum dananamake.”

Hosea 5:12

“Ati ara, na Allah arye Efraim yala ninye ap, Yehuda yala ninye ap ati, malye kipdeipnamne. Ara, winipmanto ara, kam ulamle ning dipliba, lyunmalye talak ara, deibum yalirye amulamle touk, narye Efraim ninye ati, malye winilinamsine. Aning atonun, narye sik Yehuda yala ninye ati, yongon yo mok opliba, moul unmalya ani, lyupliba lyulsaklamle atonun, narye anggunti, malye winilinamsine.

1 Korintus 5:5

Ara, ‘Isa Mutuku Dongonye arye, anye talibuka, el nong deice pia ikin ning deiamliba, el nong ap, el malye winilul ning nirya ap, kulabuka oplopnamle bukni, nun Deiyoknye Yesus tamubuka tukwak mutuku yanamle talak arye, el kanya arebuk ning tonok ara, tuba lyebuka dopropnamle’ tenen, anye dobuka, Isa Mutuku Dongonye areplulume nyapsine. Na Paulus arye, nyapsine.

Ibrani 12:6

Aning ara, talye ati kum nyapne. Deiyok ara, Allah arye bico tenebuka, el kanye delilul ninye nirya ati ara, ‘Teleb wininamak do, kum do?’ tenen, asilesilirye, wenebuka peteresulula ati nyapsine. Tonda, Allah arye, ‘Na mi ani’ tenen, dololulnye biti ara, malye upliba, wenebuka ikin ning arilule. (Amsal 3:11-12)

2 Peterus 2:16

Bileam ara, ‘Yo bok weik arepniting’ tenen, patabuk bukni, tilila yupu nyabuka, malye pil dobuka ati, Allah arye Bileam wenebuka yupu sekuk. Allah arye Bileam ati wenebuk ning ara, nyapnusine. Ara, talye keledai basam ara, ninye yupu kum nyapmanto ning bukni, Allah el mikip aribukura, akeledai basam arye, nabi Bileam malye winibuk ning ati, wenebukce, yupu sekuk. Ara, Allah meilyamuk deice arye, akeledai basam arye ninye yupu nyalamaka atonun yupu deice arye nyabuka, nabi Bileam ati wenebuk.

Wahyu 3:19

“Narye bico tenebuka melinun ninye ara, malye winibikcopura, wenepnirye lipsisikuka peterenune. Ati, talye kanye bobuka, ‘Dauplye’ tenen, talye nyaltakana kum bukni, dipkoprop anggun malye winilulum ning nirya batakuka urasin tamupmunce, diksukum bisikuk banamlulume.