Mazmur 38:8 - Eipomek

⁸ Deiyok ara, na nakina weik talinulula ati, na nong buppu pia weik unulule. Tonda, na nong pum tam nirya ara, akunum nakina weik dinulula deice arye, pia mitang diamuk unulule.

Mazmur 38:8 ပူးပေါင်းရင်းမြစ်များ

Ayub 3:24

Anyapmana ara, urdem ati kum nyapne. Deiyok ara, winipmanto ning teleb din ning do, yuk teleb un ning do, na dam ton pia kum yanganulule anya arye, kanye imun pia weik unulule. Ati, ‘Se, na kanye imun unulule,’ nyabuka ngalukunune. Tonda, makau arye mek kwebikiba, langdipmalibuk, dikiltaklamak tonun, kanye imun weik unilye ning ati, ngalukunirye, malye nyanune.

Ayub 30:27

Na kanye talima noutam tenipnirye, na talima ara, yatunulule. Se, yata ning ati, na deice ara asum-asum nirya, ikin ninguk yalyeba dolonun do? Utenepnirye, pia kanye imun unulule.

Ayub 30:28

Nara, dirina ton una kumak, pia kunuknakuk binuka, yanuka kinune. Wininirye, nara ninye weik wekmacak tiknirye, “Na ton melipnululume!” nyabuka, moronune.

Mazmur 32:3

Allah arye melipliba, telebuk wininamak ninye ara, ani. Ara, malye winin ning weik winilamik bukni, Allah Yahweh arye, sik malye winilamik ning ati, akunum kilibukce, sik malye winilamik ning nirya, kum kipdeiamukce, ila tuba tonap aning ati, pia kum tenelule. Dipkoproba, aninye ara, weik kanye deibuka, kil-kil asa arye unamake. Aninye ara, tilila yupu nyana kum aniryuk, tenepce arye winina ap, duknubuka, malye winina ap, pia kum wininyakce, diksukumuk wininyak ninye nirya ara, pia weik kanye delinamake. Bukni, na malye wininye ning, kum laka nyalamse talak ara, atalak noutamak nirya, aninguk tenelamsirye, ikin kanye bobuka ulamsebuk, bol malye weik bolasiba, na mikip kum danin balamnuk. Atalak noutamak nirya ara, pia malye nyabuka, engenauk ulamsirye, bol malyeuk bolamse.

Yesaya 59:11

Nun nirya ara, ikin weik upsiliba, ilil deice engena ap, tonda bicoto touk, ngalukunauk unyabe. Nunda, ‘Se Allah arye lyepsutue. Elce nun mal olan nang dam arye lopdeisutuba bitibyeʼ tenen, dinauk unyap bukni, aning pia kum eilinyabe. Tonda, Allah arye, nun ikin weik usilye ning ara, kum kipdeipsuturye lyepdopsutueʼ tenen, dinauk unyabe. Bukni, aning nirya ara, kanam kum upsuke. Nunda aning patasiliba, teninyap ning ara, pere sukum atonun ulula anya arye, aning ara talye atibuk teninyabe.