Mazmur 36:5 - Eipomek

⁵ Sikce, ‘Wini talak mapnuyap’ tenen, amsuna deice mabikce talak ara, sikce, ‘E, yata ning malye winiptibye do?’ tenen, pia teninauk unyake. Wininyaka ati, sikce akunum mania kanye bobuka ukirye, banyak bisik ara, malye bisikuk ebuka bakirye unyake. Tonda, Allah arye, ‘Aning ara, wininamlume, aning ara, pia kum wininamlume,’ nyapdeiamsuk yupu nirya ara, sikce tuba batakanyake. Bukni, malye winin ning ara, pia kum batakanyake.

Mazmur 36:5 ပူးပေါင်းရင်းမြစ်များ

Kejadian 9:10

Tonda, sik ap mek lia yo aik noutamak, neika unmek kam ulye ning ap, maka ap, ninye arye, weinyak ning ap, yata yala ning do nirya, anggun ap, mek lia yo aik pum bisik arye, neika buru tam yanmalum ning nirya ap, ara, tukwak mutuku noutamak kam ulye ning nirya ap ati, na nyalin yupu nyapsine.

Mazmur 100:5

Ara, talye ati kume. Deiyok ara, Allah Yahweh ara, telebuk ulirye, nun ninye ati, bico tenepsilirye, pia tuba melisilya ara, pia kum bataknamsile. Allah arye, “Wininamsine,” nyabuka, nyalina yupu deice nyasilye touk, pia dipkoprob winilule. Minop talak dorapce deibikba, dadeipdanin yanganyap ninye nirya ati, tuba-tuba tenesilirye, melisulule.

Mazmur 103:11

Allah arye minopce kum wenesulula deiyok ara, ani. Allah ati, ‘Se, elda pia mambule. Mikip Weiknye ulule,’ tenen, elti, ilil tenena ara, elce nyasilye yupu, moubuka talinyak nang ati ara, Allah arye, ‘Anang nirya ati, weik tonun bico tenesinirye, winibuka telebuk kipdeipnamsine,’ nyabuka, nyalin yupu deice arye nyapdeiamsuk ning nirya ara, dipkoprob tuba-tuba aresulula ati, aning nirya nong upnamsilca! Tukwak mutuku outam, im deice ara eitam, anoutamak weik lo aupmalye ning ululnye ara, kum nukmanto. Anye atouk, Allah arye, bico tenesulul ning ara, kum nukmanto. Nun ti batakana kum diparyuk, pia weik arye bico tenepsilirye, tuba-tuba melisulule.

Mazmur 108:4

Amot nyanamna deice arye, sik yuk mutuku noutam unyak nang kekenamak sukum, amot nyanamna deice arye, an Allah Yahweh ati, “Telebe,” nyanamkine na nio. Tonda, sik yuk mutuku noutam unyak nang, yuk-yuk nang nirya, sik kekenak ara, narye an Allah Yahweh ati, “Anda pia telebuk ulyame,” nyabuka, an si erekinirye, nyanamne.

Mazmur 52:1

Raja Daud birye, ‘Israel nang nirya ati, peterepnamne’ tenen, Allah yupu mot sekuk. Winibukopura, Allah yupu mot nyana deiyoknye, arepnamika ati, aMazmur yupu sekuk.

Mazmur 57:10

Deiyok ara, na weik deiyoknye Allah ati, yuk nang kekenak arye, ‘Telebe,’ nyabuka, Allah el si pia erenamne! Diba, sik dana-dana tam, yuk-yuk unyak mutuku noutam nirya ara, Allah anti, si erekinirye, ‘Allah ara, pia telebe,’ nyabuka, mot nyanamne.

Mazmur 89:2

Na ni Allah Yahweh, ance nunti bico tenesiminya ati, narye wini talak arye, doryanamle talak nirya, an siuk pia ati erenamkine. Ara, mot nyana deice aniryuk nyanamkine. Nyanamkina ara, talye ati kume. Ance nunti batakna pia kum diparyuk, pia weik arye bico tenesimince, pia moubuka teleb kilisiminya ati, nyanamne. Tonda, ayupu bobuka, nunce deibibyeba, dadeipdanin banamak ninye, sik dam laka nyabuka peterenamne.

Mazmur 92:2

Nun ni Allah Yahweh ati, “Anda pia telebe,” nyabuka, el si erena ara, pia ati wininamabe. Aning ara, teleb uka. Ara, Allah Yahweh anda, aning-aning nirya talibuka, pia deice tam erebuka, mikip weiknye ulyama ati, an si erena ati, aMazmur mot yupu nyanamabe. Aning ara, teleb uka!

Yesaya 65:2

Bukni, ‘Na tenena ninye unamak’ tenen, wiamse ninye, sik Israel ninye ati, ‘Narye sikti, melinamsine’ tenen, na taruk yangalilamseba, sikda talima kat ninye anya arye, na yupu kum kekepmanto ulamnike. Sikda, mandipna kanye bobuka malye-malyeuk unyakce, sikce ‘Wininamabe,’ tenenyak ninguk wininyaka anya arye, malye weik unyake.

Yehezkiel 11:2

Atalak ara, Allah arye, na Yeheskiel biti nyapnuk, “Se, Yeheskiel, anda ninye sirika arye deipkiknye, Yerusalem mutuku noutam ati, amutuku nang yanuka, malye-malye yupu nyarurak ning ara atia. Ance aning ara, eipmalame. Tonda, sik anang arye, ‘Malye weik un ning winiptibye’ tenen, amutuku nang dam yarikirye, ‘Winipnamap, winipnamap,’ nyabuka, malye yupu ap, talye yupu ap, weik tonun nyarurake.

Mika 2:1

Yata ninye do nirya, sikce talye bona utotoa weik talina kum ninye ati, ikin ning dobuka, sik nong deiceuk, delilulum ninye nirya ati, sikda bicoe. Allah arye anggunti, weik tonun wenepnamsile. Lukunyan mapnukce talak arye, ‘Ninye yuk nang ati, ikin pil dipnamabe,’ nyabuka, yupu talenmaca ani, bereklyopura, beren tam talak ara, adiparyuk asisikmakce touk, ikin ning dobuka, sik bona utotoa kum ninye, nong deice delinyake. Ara, sik anang arye, deiyok koubuka, yupu mikip arye talipmaca deice arye, wininyake. Sikda weik deiyok nang unyaka anya arye, talye-talye daunyak ninye nirya ati, ikin ning weik, sik nong deice dobuka delinyake.

Matius 24:35

Im deice tam ulye ning nirya ap, tukwak tam ulye ning nirya ap ara, kum danamle bukni, na nyasinye yupu nirya ara, tonok babye ton kum, kum danamle. Pia aupnamle. Na yupu nyasinye touk dipkoprop nong upnamle. Yesus arye nyabuk.