Mazmur 34:9 - Eipomek

⁹ Dan ninye do nirya, Allah Yahweh, el winilye ning nirya, moubuka dipdemunce, anggun babye kel bikinamlume. Allah Yahweh arye, winilye ning nirya ara, pia telebuk winilule. Ati, yata ninye do nirya sikce, ‘Se, Allah el dem arye kalikuka melinamsil’ tenen, Allah el amu tamuk unyak ninye nirya ara, Allah arye meliliba, sik telebuk wininamake.

Mazmur 34:9 ပူးပေါင်းရင်းမြစ်များ

Kejadian 22:12

Nyabukura, Allah arye Abraham biti, nyabuk. “An mi ona meme. An mi ara, tonok ulul ati, ance, ‘Kume, elda na mi koprop ati, Allah arye nyapnila babye, kum arepnamne’ tenen, kum batakmalamce, ‘Ami opnun’ tenen, kintinipmalam deice arye, pia moubuka dipkoprob kel bikmakine. Anda, ‘Allah ara, weik mambulnye anya arye, el siuk erebuka, el nyanilye yupu nirya kekenamne,’ tenenilyamnye ulyama ak, kel bikmakine,” Allah arye, Abraham biti nyabuk.

Mazmur 2:12

Aning atonun, anggunce Allah el Mi koproba ati, “Nun ni,” nyabuka, el amu tam umunce, el dam yok sirim talibuka, yana kinamlulume. Wininamluma deiyok ara, ‘Allah el si Yahweh arye wenebuka kum opnamsil’ tenen, wininamlulume. Tonda, ‘Mangkau arye Allah el yu nun deice deipsilyak’ tenen, moubuka wininamlulume. ‘Allah el Mi koproba arye, lyepnamsil’ tenen, el dam unyak ninye nirya ara, sik unamak ning nirya ara, telebuk unamle.

Mazmur 22:23

Ati ara, Allah Yahweh elti, diba tenebibirye, elti, ilil usilye ninye nirya arye, el siuk erenamabe. Tonda, nun apu koproba Yakub birye deibukba, dadeipdanin yanganyap nang nirya ara, Allah el siuk, erebuka kinamabe. Aning atonun, nun Israel yala ninye nirya arye, nun ni koproba Allah ati, “Elda weik mambule,” nyabuka, el siuk erebuka si erenmabe.

Mazmur 23:1

Allah el si Yahweh, elce nati, domba basam weilamak atonun, nati melibuka kalikinulule. Ati ara, yata patan ning do nirya, elce kalikuka melinilya deice arye, na patanilye touk, Allah arye nati pia arenamnile.

Mazmur 31:23

Atalak ara, na kanye ara, ilil weik upnuk talak ara, narye ayupu nyapse. Ara, “Se, nara Allah dam kum unune. Na on nang arye, pia yuk mutuku noutam bobinamnikba, asukumuk ununa ati, Allah arye eibuka, pia kum melipnutue,” nyabuka, malye nyabuka engepse. Bukni, narye Allah anti, moropkise ning nirya ara, ance akunum kekepnulume. Ara, narye anti, ‘Naio, ancuk na melipnilyame!’ nyabuka, moropkise yupu ara, ance akunum kekepnulumce, melipnulume.

Mazmur 89:7

Diba, nun ni Allah Yahweh, an uminye mutuku im deice ara, Allah an uminya atonunye ton, kum ulule. Tonda, im deice unyak malaikat nirya babye, an touk ton kum unyake. Allah Yahweh, an uminya atonunye ton, pia kum ulule.

Hosea 3:5

Winibuka daulamica ani, doyanamle talak ara, Israel ninye tuba tamubuka, sik ni koprop Allah Yahweh atibuk enamake. Winibuka elamikirye, Allah Yahweh el dam yanuka unamake. Tonda, sik deiyoknye bira, Daud birye deibukba, dadeipdanin yangalamik ani, Allah arye tonok deiyoknye, wibuka deipliba, ‘Anye, nun ninye deiyoknye, Raja unamsil’ tenen, el dam tamubuka yanganamake. Winibikcopura, sirya talak, sikce nati ilil upliba, ‘Se, nun ni Allah, elda weik mambulnye’ tenen, el amu tam unamake. Winibikirye, el siuk erebikcopura, Allah Yahweh arye, aning-aning nirya, weik arye yamubuka, sikti arenamle. Ara, sirya talak wininamak ning ati, laka nyapkine. Allah arye nabi Hosea biti, laka nyapdeibukba, sekuk.

Roma 8:32

Anggun ton teneipdelulume. Allah ara, el Mi Kopropa tonokuk ulul bukni, ‘Na mi ara tonoknye anya arye, na tenen kum arepnune,’ tenena kumce, nun lyena ati, arepsuk. Ati, el mi kopropa dobuka, nun lyena ati akunum arepsuka anya arye, yatato ning do nirya, nun patasulu ning nirya bico tenesilirye, el kanye deibukap, talya demuk kum arenamsil do? Kume, nun patasilye ning nirya ara urdem arenamsile.

Pilipi 4:19

Tonda, narye el si erenun Allah ara, elce aning-aning nirya, mambul ning, pia teleb ning weike talibuka ulya atouk, anggun Yesus Kristus ap, kanye dukdongobuka, neika umunyopura, anggun patapsilye ning nirya pia arenamsile.