Mazmur 34:20 - Eipomek

²⁰ Dipkoprop, Allah ati diba tenebuka, diksukumuk wininyak ninye nirya babye, weik imun ning, sik dam ton, pia weika arye yaliba ngalukunyake. Bukni, aning nirya ara, Allah Yahweh elce kekebuka elilule. Eiplirye, sik aninye dam ulirye, lyelolule.

Mazmur 34:20 ပူးပေါင်းရင်းမြစ်များ

Ayub 5:19

Anya arye, tuba-tuba ikin ning nun damuk like nakub barye uplyopura, lyesulule. Atonun, like tekbarye talak usilye ning babye, lyepdopsiliba kam uk unamlume.

Mazmur 35:10

Kanye deipnopura, na ni Allah, anda Yahweh ati, nyanamkine. Ara, “Se, Yahweh, anda pia teleb winilyama ati, yatanye birye ton, an winilyama atonun winiptu do? Kume kum winiptinge,” nyabuka, an si erenamkine. Mikip weik unyak yu nang arye, pia mitang unyak nang ati, akunum tomobikcopura, sik talye bona uto-toa talina kum nang arye, pia kum lyepdatinge. Bukni, dipkoprob an Allah Yahweh arye, sik mitang nang ara, lobuka lyelolyame. Atonun ton, sik bona nirya kum talikirye, pia mitang asa unyak nang ara, yu nang arye anang ati, obikirye, yanibikcopura, an Allah Yahweh aryuk, ayu nang opmince, sik talye bona uto-toa talina kum nang ati, lobuka lyelolyame.

Mazmur 37:39

‘Nun ni Allah ara, pia mambulnye ulule’ tenen, diksukumuk wininyak ninye ati, Allah el si Yahweh aniryuk lyesulule. Tonda, weik imun ning, sik dam yanamle talak ara, Allah arye sikti, melibuka lyepnamle. Winipmanto ara, ninye arye, ‘Nun mal olan nang arye opsicak’ tenen, keil aik pum tam duknubuka balamak touk, sik diksukumuk wininyak ninye arye, ikin ning, sik dam yalyopura, ‘Allah aniryuk melibuka lyepnamsil’ tenen, Allah el dam anyuk banyake. El amu tamuk ubicopura, Allah Yahweh arye, aninye ati pia melilule.

Mazmur 37:40

Allah el si Yahweh aniryuk, sik diksukumuk wininyak ninye nirya ati, pia melibuka lyelosulule. Tonda, malye ninguk, talibuka wininyak ninye arye, sik diksukumuk unyak nang ati, ‘Ikin ning sik nong deice deibibirye, opnamabe,’ tenesinyaka babye, Allah arye nunti, melibuka lyebuka dolyanamsile. Ara, talye ati kume. Deiyok ara, sik diksukum wininyak ninye arye, ‘Kume, nun ni koproba Allah Yahweh, elcuk lyepnamsil’ tenen, el dam anyuk bikirye, el amu tamuk unyake. Ati ara, Allah arye aninye ati, wibuka lyepnamle. Raja Daud mot nyalamuka deice arye, ayupu nirya nyabuk.

Mazmur 91:12

Amalaikat, Allah pil donanye birye, anggunti melibuka, kalikinamsiyak talak nirya ara, malaikat arye anggun taruk ap, yan ap, nirya talibuka, ulamsikiba, anggun keil yan dum ton, kum duknamsile.

Amsal 12:13

Malye yupu ap, tilila yupu ap, nyalulnye birye nyalye yupu ara, malyeuk winilya deice arye, elcuk el bidamang atibuk wena youlalule. Bukni, teleb un ninguk, talibuka ululnye birye, nyalul yupu deice arye, lyelilalule. Kanye imun ning ara, sik diksukum ninye dam yanamle talak nirya ara, lyepdakirye, telebuk unamake. Ikin ning ara, sik dam tuba-tuba kum unamle.

Yohanes 19:36

Ara, Yesus el yok kum bulakik ning ara, nabi nang arye, Allah yupu minop talak sekamik ning, ‘Nong upnamle’ tenen, winibuk. Anang ara, talye mangkau kanye bobuka, winibik bukni, Allah arye Yesus ati, tenyamuk touk winibik. Allah yupu Mazmur noutamak ara, ayupu sekamik. ‘El yok tonok ning babye, kum cepnamake.’ (Mazmur 34:20; Keluaran 12:46)

1 Samuel 26:24

Ati ara, na an amu tam unanye birye, anti, ‘Elda weik mambulnyeʼ tenen, kum opmakince, batakmakina atonun, Allah Yahweh arye nati, ‘Elda na tenenanye,’ tenepnuturye, melibuka talipnilirye, melibuka kalikinamnutueʼ tenen, moronune. Tonda, Allah arye nati, ‘Elda, kanye imun weik upliba, ikin weik uplyakʼ tenen, ‘Elce pia kalikuka melinamnilʼ tenen, moronune.