Mazmur 34:10 - Eipomek

¹⁰ Ati ara, Allah arye wipdeiamsuk ninye nirya arye, el atibuk, ‘Se, nun ni Allah Yahweh, weik mambulnye ulule. Elda pia telebe’ tenen, el amu tam unamabe. Ara, talye ati kum nyapne. Allah Yahweh ati, ilil upliba, ‘Elda weik mambulnye winilula ati ara, el amu tamuk unamabe’ tenen, unyak ninye nirya ara, sik kam una ati, patalul ning nirya arelule. Sik kam una ati patalul ning nirya, kum kum danamle.

Mazmur 34:10 ပူးပေါင်းရင်းမြစ်များ

Mazmur 104:21

Tonda, bai tam ulul weik kus atonun ning, el si ara singa kus, ‘Na din ning ton, Allah arye kintinibuka deipnuk ning ton, diptinye’ tenen, weik yupu nyaplirye elbalule.

Mazmur 112:3

Allah arye teleb kipdeiplyeura, sikda bona ap, yuk dekna weik ning ap aupnamla ati, bona talin nanguk unamake. Tonda, anang arye, diksukum kibuka, telebuk wininamak nang ara, pia kum bataknamake. Tuba-tuba, diksukum telebuk wininamake. Aning ara, min kum uptue.

Mazmur 23:1

Allah el si Yahweh, elce nati, domba basam weilamak atonun, nati melibuka kalikinulule. Ati ara, yata patan ning do nirya, elce kalikuka melinilya deice arye, na patanilye touk, Allah arye nati pia arenamnile.

Mazmur 33:19

Allah arye aninye ati, ‘Uk dina do, ninye olana do, ikin ning arye do, ‘Na, tenen ninye oplyak’ tenen, pia melibuka wininamle. Atonun, ‘Din ning kum upliba, din ning patana deice arye, dibikcak’ tenen, el ‘Naʼ tenen ninye ati, pia melibuka kalikilule.

Mazmur 84:11

Teleb weik ning ara, tonok sum Allah an si eren aik dam yanuka eipkitinyeura, telebe teneptinye. Bukni, yupa weik seribu sum ara, talye yukak daunmatinye babye, telebe kume. Tonda, na ara, an si eren aik bublan dam kalikna pil doptinye babye, pia telebe. Bukni, malye wininyak nang, sik teleb aik binuka uptinye babye, aning telebe kume.

Amsal 10:3

Winibuka, malye un ning batakikirye, teleb un ninguk upre banamak nang ati ara, Allah Yahweh arye, melibuka kalikilya anya arye, din patana ap, ikin kanye bona ap, pia kum unamake. Bukni ninye ton, ‘Malye uk winipre banamap,’ tenenyak nang ati ara, Allah arye, ‘Aning ara, na like,’ tenelirye, sik patan ning kum arelule.

Amsal 19:23

Allah Yahweh atibuk ilil uliba, Allah ati kanye deibuka ululnye bira, el winilya deice arye, kanye deibuka pia telebuk unamle. Allah atibuk ilil tenebuka, el siuk erenyak ninye ara, kanye deibuka telebuk unyake. Wininyak ninye, sik dam ara, weik ikin ning ton, pia kum yanganamle.

Amsal 22:4

Allah Yahweh atibuk, ‘Elda pia weik mambule’ tenen, Allah ati ilil ululba, kanye talima darabuka, Allah ap, yuk kili sal ap, kanye lamapdongobuka arye, sik amu tam ululnye bira, pia kanye weik deipnamle. Aminyan talak ara, Allah arye meliliba, kam una deiyok ning ap, dengna ning ap arenamle. Tonda, yuk ninye arye, sik teleb wininyak nang ati, ‘Sikda teleb kibuka unyake’ nyabuka, sikti, kanye delinamake.

Matius 6:32

Tukwak ning uapliba, ninye patalul ning nirya ara, Allah diba tenena kum ninye arye, ‘Aninguk doproptibye,’ tenebuka unyake. Wininyak bukni, anggunda nati, diba tenelulum ninye, anggun patasilye ning nirya, anggun ni Allah arye, akunum tenesilirye, melibuka arenamsile ati, kanye imun kanye bobuka, kum unamlulume.