Mazmur 31:10 - Eipomek

¹⁰ Se, na ni Allah Yahweho, wini talak ara, ikin pia weik unilya deice arye, imun weik kanye bobuka unmana ati, anda, ‘Weik tonun bico tenepnimince, melibuka lyepnamnilam’ tenen, moropkine na nio. Na ikin unulul ning nirya ara, pia engenauk ununa ati, na asing ap, na nong ap, na kanye talima nirya ara, pia mitang diamuk upnile.

Mazmur 31:10 ပူးပေါင်းရင်းမြစ်များ

Ayub 3:24

Anyapmana ara, urdem ati kum nyapne. Deiyok ara, winipmanto ning teleb din ning do, yuk teleb un ning do, na dam ton pia kum yanganulule anya arye, kanye imun pia weik unulule. Ati, ‘Se, na kanye imun unulule,’ nyabuka ngalukunune. Tonda, makau arye mek kwebikiba, langdipmalibuk, dikiltaklamak tonun, kanye imun weik unilye ning ati, ngalukunirye, malye nyanune.

Mazmur 13:2

Se, na ni Allah Yahweh, wala yata barye ton uplyopda, ance yanuka na dam lyepdopnamnilam do? Na ikin kanye weik tonun bobuka unun bukni, ance luba tuba kinilyam do? Aminyan dorupnamle talak ara, ila tuba bico tenepnimince, yanuka melipnamnilam do, na nio? Se na ni Allaho, yata barye wala ton kunum uplyeura, ton yanuka melipnamnilam do? Winipmanto ara, ‘Ance donga karikuka yukak dinamlam talak ara, dipkoprob nati kum eipniminyakʼ tenen, nyapkine na nio.

Mazmur 27:7

Ati, na ni Allah Yahweh, narye anti moropkinyopura, bico tenebuka kekenamnilyame.

Mazmur 38:3

Deiyok ara ani. Ara, an wenen ning ara, na deice akunum yanuka opnuka atia. Winipmanto ara, ninye arye mal dobikiba, biknilirye, na nong tup pum tam weklamnil touk ati, nyapne. Tonda, an taruk mikip weik arye, na wenebuka opmanilba, ikin weik upnile.

Mazmur 39:11

Bukni, ‘Ance na wenena ati, ikin ning arepnulum ning ara, dopropmince kum kipdeiptum’ tenen, moropkine na nio. Ance na wenena ati, ikin weik ning arepnuluma deice arye, na talima uk dinilirye, pia mitanguk unulule.

Mazmur 6:8

Tonda, na pia engenauk ununa deice arye, na asing malye uniliba teleb kibuka kum eiptinye. Tonda, nati, ‘Nun lik,’ tenebikirye, na mal olan nang pia weik unyaka ati, anang elinuna deice arye, na asing ara, pia malye unulule.

Mazmur 71:9

Wini talak ara, na akunum wisi dase ati, ‘Atalak ara, ance lubakibuka kum bataknamnilam’ tenen, moropkine na nio. Ara, na akunum wisi daseba, na mikip ara, mitik aryuk akunum unmana bukni, ‘Wini talak ara, ance dipdebuka, kum bataknamnilam’ tenen, moropkine na nio.

Mazmur 78:33

Sikce malyeuk ulamika ati, Allah arye, ‘Keting tamun weik tonun ton, kam kum unamake,’ tenebukba, minop dibinauk ulamikce, sirya daklamik. Winipmanto ara, ninye tonok, isin tunim apliba, adiparyuk dilamak touk, Allah arye, sik kam una deiyok ning dololamukba, minop dibilamik. Tonda, sik kam tuba ulamik talak ara, ilil un ning weik tonun areamukba, sikda, ‘Se, yata upnamsil do?’ tenen, ilil weik uamukba, ulamik.

Mazmur 88:15

Bukni, na ni koproba Yahweh, yata ning deiyok ati, ance nati tuba batakanimince, yuk pera mutuku atonun donoknulum do? Tonda, yata ning deiyok ati, an urasin ara, lelipdopmince, na tam tuba kum dinilyamce, pia kum melinilyam do?