Mazmur 29:9 - Eipomek

⁹ Allah Yahweh arye, el yupu pia mikip arye nyaplyopura, bai mutuku yo kan-kan noutam, weik tonun tiklamuk yo nirya ara, weik kumanya arye yanuka, pu nyabuka, ayo nirya ara, lokukaplirye, pumalikliba, ayo bok nirya, adiparyuk daksaklirye, kum danin balule. Winiplyopura, Allah Yahweh el si eren aik pum noutam unyak nang arye, ‘Se, Allah ara, pia telebuk ulule,’ nyanamake.

Mazmur 29:9 ပူးပေါင်းရင်းမြစ်များ

Mazmur 26:8

Na ni Allah, an si eren aik dam ara, an ulyamak, na kanye pia delikunune. Ara, an ulyamak ara, pia telebuk ulula ati, na kanye delinune.

Mazmur 48:9

Ati, minop talak yuk nang arye nunti, yupu deice arye, laka nyapdeiamsiba, kekelamupu touk, wini talak ara, nun asing arye, akunum eibuka bikabe. Ara, nun ni koproba Allah Yahweh, elce kanye delilul weik asik, Yerusalem mutuku noutam arye eibuka bikupu. Yahweh ara, im deice unyak yin talin malaikat nirya ara, sik deiyoknye ulula ati, aning-aning nirya talilirye, elda mikip weiknye ulule. Elda, nun Israel yala nang arye, si erenyap Allah atia. Allah arye, anyasik Yerusalem ara, ‘Pia aunamle’ tenen, amutuku akunum mikip kipdeibuka ati, pia aunamle.

Mazmur 63:2

Na ni Allah, an si eren aik pum tam, binuka ulamse talak ara, an mikip weik ap, weik erebuka, pia teleb ulyam ning ap, peterelamnulumba, eibuka kel bikamse.

Yesaya 9:18

Allah arye sikti, wenena weik ning arebuka deice arye, sikda kanye imun ubuk. Winipmanto ara, amutuku noutam, sik malye winilamik ning ara, talye palamle ning ap, tatce ning ap atonun ubukba, uku buk dilamlirye, atalye ning nirya, dilolamle atonun ulamik. Tonda, ninye arye, bai mutuku noutam, uku sekiceba, weik uku buk ara, bai mutuku nirya dilamlirye, weik tulum im tam bukuka welelamle touk, ubuk. Ara, Allah arye sik malye winilamik ning ap, sik ap, obuka kum kipdeibukce, winibuk.