Mazmur 29:7 - Eipomek

⁷ Allah Yahweh, el yupu ara, pia minopce nyalule. Winipmanto ara, bebeya talye karin arye, laklamle touk ulule. Tonda, weik uku buk dilamlirye, dirina weik ulamle touk, Allah el yupu babye, minopce nyapliba, mutuku sirya, im sirya nirya, daunyak nang arye kekenyake.

Mazmur 29:7 ပူးပေါင်းရင်းမြစ်များ

Ayub 37:3

Im tam nirya ara, eitamuk ulul bukni, aning ara amu tam, tukwak mutuku im sirya, mutuku sirya nirya ara, Allah elce bebeya laklamle ning ara, dopdeiplyeba, lelim weik kekenyabe. Allah elce liman nyan ning babye, bebeya lakne ning babye dopdeiplyeba, alelim ap, abebeya lakne ning ap ara, mutuku sirya im sirya ara, dabalule.

Ayub 38:35

Atonun, ance liman lepnulye talak ara, bebeya laklamle ati, “Bebeya laklyame,” nyaptumba, bebeya laktu do? Tonda, bebeya laklamle ning arye anti, “Nun deiyoknye, nun aunmabe. Ance tenesilyam touk wininamabe,” nyapkiting do?

Mazmur 18:14

Diba, Allah Yahweh anda im deice arye tukwak mutuku yalum talak ara, im noutam arye, weik liman nyabuk. Atalak ara, an Allah, aning-aning nirya deice tam talibuka umince, Pia Mikip Weik Deiyoknye ulyama ati, ance weik yupu deice arye nyaplumba, tukwak nang nirya kekebik.

Mazmur 77:18

Atalak ara, dua noutam ara, mok pia weik arye cebuk. Tonda, liman lelim weik nyabuk. Liman nyabuk talak ara, amutuku dana-dana tam nirya ara, bebeya lakuka ara, weik tonun ton, winibukak eibik.

Keluaran 9:23

Nyabukura, Musa el kama im deice pukukba, Allah arye weik liman ap, bebeya lakna ap, weik dekne duk-duka purwu mok ap, tabakuka tukwak mutuku dopkwetebuk. Allah arye, Mesir mutuku weik dekne duk-duka purwu mok dopkwetebukba, Mesir mutuku nirya weika arye langdibuk.

Imamat 10:2

Ati, Allah arye kum nyapmok ning winipdika ati, Allah Yahweh yu unmoka arye, uku dopkwebukaba, sik anang nong deice uku buk arye talibuka, abitinye nang dibuk. Dibukba, Allah ap, ninye ap ansinlina ati, sapi basam bol arye domik doltakna tenda aik domika damuk, Allah Yahweh arye dinmokak, asukumuk sik bitinye ara, dipdik.

Bilangan 16:35

Tonda atalak uk, Allah Yahweh arye, uku buk dopkwetebukba, Korah tam nang, ninye yupa ara, dua ratus lima puluh (250) nang babye, uku arye dibuka, sirya dakuk. Ara, sik anang ara, siltong teleb nyan ning ati, ‘Dupa uku dongopnamapʼ tenen, kintinipmek nang nirya babye, sik nong nirya, uku arye dibuk.