Mazmur 29:6 - Eipomek

⁶ Allah el yupu weik tonun nyaplyopura, Libanon mutuku nirya ara, Siryon mutuku tam ap, topnamle. Winipmanto ara, mitik sapi basam mi, bikbik abuka balirye, isin uplirye welepmana ani, koulukmana ani, kilamle touk, tukwak mutuku nirya babye, loknamle.

Mazmur 29:6 ပူးပေါင်းရင်းမြစ်များ

Mazmur 92:10

Ninye nirya moubuka biklulume! Allah Yahweh ati, ‘Elda nun like,’ tenenyak nang nirya ara, aminyan talak dipnamake! Diba nun ni Yahweh, anti yanikikirye, ‘Nun like,’ tenekinyak nang nirya ara, aminyan talak ance sikti, wenebuka opminyeura, sik nirya kum danamake! Mandipna kanye bobikirye, malye-malye ninguk wininyak nang nirya ara, aminyan talak, ance sikti, yakuka dopkwepminyeura, sik kanye teniltonauk kibikirye, bai tam bikbik abuka bikirye, mutuku yuk-yuk, dana-dana tam mutuku binamake.

Bilangan 23:22

Allah arye Israel ninye bobuka, Mesir mutuku noutamak arye, bobuka yangalamuke. Wini talak ara, bai basam mikip weik ulamle touk, sik mikip pia weik ninye unyake.

Ulangan 3:9

(Weik mutuku dup Hermon mutuku atibuk, sik Sidon mutuku noutam ulamik nang ara, ‘Siryon mutuku,’ nyalamik. Tonda, sik Amori mutuku noutam ulamik nang ara, ‘Senir mutuku,’ nyalamik bukni, amutuku ara, tonok mutuku atibuk, si bitinye nyalamik.)

Wahyu 20:11

Aning nirya eipsopura, aning ton eipse. Ara, weik ninye deiyoknye kurun ning deice bunlulak eipse. Ara, pia weik kurun bun ning ap, aning deice bukmoknye ap eipse. Anye laka ubukba, im ap, im noutamak ulul ning nirya ap, tukwak ap, tukwak mutuku noutamak ulul ning nirya ap, aweik deiyoknye dam kum yanmanto ati ara, aning nirya kum dayukba eipse.