Raja Yosafat birye, el mapu Israel nang ap, akunum yupu talibikce, ninye deiyoknye Raja birye, mot sena deiyok nang ton wipdeibukce, nyabuk. “Anggunce nun ni Allah Yahweh ati, el si eren mot ton senamlume. Ara, ‘Nun ni Allah Yahweh, malye uning tonok babye kum ulirye, elda pia teleb, leknye ulule,’ nyabuka, si erena ati mot, weik yupu deice arye senamlume,” nyapdeibuk. Nyabuka ati, sik mot sena deiyok nang arye, pola minopce menekuka banmekbuk, sik yin talin nang nirya ara, aminyan banmikce, ninye olbana ati biyik. Sik neika biyik talak ara, sik mot sen nang arye, “Allah Yahweh ati, weik arye Nun ni telebe nyanamabe. Allah arye pia kalekuka melisilyakarye, ton kum batakasulule, weik arye bico tenesilirye, melibuka lyelosulule,’ nyabuka, mot senmekce, amot senmek talak aryuk, sik yin nang bita lelebuka tikmekce, neika banmik.
Mazmur 29:2 - Eipomek2 Aning nirya arye, Allah Yahweh ati, “Se, an ap, an si ap ara, pia teleb ulule. Anda, malye un ning ara, tonok babye ton, kum ukulula ati, Pia Teleb Leknye ulyama ati, nunce an siuk pia erekinyabe,” nyanamlume. အခန်းကိုကြည့်ပါ။ |
Mazmur 29:2
11 ပူးပေါင်းရင်းမြစ်များ
An oldan ninye ati, obuka bisipnalam talak ara, ance talilyamba, an amu tam unyak ninye nirya ara, sik kanye teniltona kum diparyuk, an dam yakirye, an ap, sik ap, neika ansinibuka, yuk mutuku ninye ati, olbinamlume. Winipmanto ara, lukunyan talak kurya dei sakuka, mutmuta deice palilamle atonun, asum-asum nirya, an amu tam unyak yin talin kam nang arye, ‘Nun ni ap, neika malye nang ati olbinamap’ tenen, an damak tuba-tuba yanganamake. Na Allah arye melisinirye, an amu tam, yin talin nang ap, an ap mikip kipdeipsiniba, an oldan ninye ati, mal olbinamlume.
Ati ara, na ni Allah Yahweh, elti, pia tuba-tuba moronun ning ara, tonok ning ara ani. Na kam unamne talak nirya ara, Allah Yahweh, el si eren aik dam anyuk unirye, ‘Na lyelonamnile,’ nyabuka moronune. Tonda, Allah Yahweh, el urasin pia teleb ulul ning ara, ‘Pia dinamne’ tenen, moronune. Tonda, el si eren aik dam unirye, tuba-tuba dinamna ati moronune.
Diba, na ni Allah Yahweh, ance nun bico tenepsimince, melipsiminyeura, kanye deibuka telebuk unamabe. Tonda, ance nunti, melipsiminyeura, ‘Nun pil donamaba nirya ara, teleb aryuk nong upra banamsile’ tenen, moropkine. Nun babye mikip adiparyuk, kum winiptibye anya arye, ‘Allah ance mikip arepsiminba, pil teleb ubuka donamabe’ tenen, moropkine. Musa arye Allah ati morobuk.
Allah elda pia teleb ulirye, elda weik erena ap, weik mambul weik ap, ululnye winilule. Tonda, el si eren aik pum bisik, el aulula anya arye, anyaik wekuka dinyap talak nirya ara, ‘Se, nun ni Allah ara, dipkoprob pia Mikip Weiknye ulirye, elda, pia teleb ulirye, el mambul winilya ara, laka kum nyaptibye’ tenen, unyabe.
Diba, sik anang nirya arye, kanye pia deibuka unyaka deiyok ara, ani. Ara, Allah Yahweh, anda, tukwak mutuku noutam ulye ning nirya, talibuka deice tam umince, weik deiyoknye ulyame. Tonda, ninye tukwak nang arye, talye ning ati, ‘Nun ni bira ani’ tenen, isa mer nirya ap, mitikto mikip ulye ning nirya ap, talye yuk-yuk yala ning nirya ati, si erenyake. Bukni, dipkoprob ning ara, Allah anda, aning-aning nirya, sik deice tamuk ulyame. Tonda, an pia mikip weiknye ulyame.
Anggun ni koproba Allah Yahweh, elce nyamuk sum, tamubuka kunukna arepnamle talak aryuk, Allah el tibuk, si erenalume. Kunukmiting aplyeba, anggun weik mutuku kon deice kwepmunyak arye, anggun yan dum min kum dukmasilye talak aryuk, anggun si erelulum Allah ara, el si erepmunce, ‘Elda pia telebe,’ nyanamlulume. Anggunce, ‘Nun dirina ara, dan tam arye yanamle do?’ tenen, kintinibuka dinamlum bukni, Allah elce tamubuka, “Asum ara, kunukna deipnamle. Malye uplye ati, asum noutam ara, pia kunukmiting,” apnamle.