Mazmur 28:2 - Eipomek

² ‘Winipnyak’ tenen, na nio, narye anti, ‘Melibuka lyepnilyame,’ nyabuka, ‘Moropkin yupu kekepnunilam’ tenen, na nio narye engebuka moropkine. Na ikin unilye ning ati, ‘Ance melibuka lyepnilyame,’ nyabuka moropkine na nio. ‘Allah anti moropnukin’ tenen ati, na taruk erepnirye, an si eren aik pum tam, aik wilibuka Pia Teleb Lek Aik kibuk dam eipnirye, an Allah ati morokunune.

Mazmur 28:2 ပူးပေါင်းရင်းမြစ်များ

1 Raja-Raja 6:19

Anyaik noutam nirya akunum kintinibukopura, Allah el si Yahweh el pia Teleb Aik pum tam ara, Allah arye, ‘Aning ara wininamlulume, aning ara kum wininamlulume,’ nyabuka arebukba, yo lakase arye domik marikna dongobik ning ara, anyaik pum tam deipnamika ati kintinibik. Ara, mem yupu deilinak ati kintinibik.

1 Raja-Raja 6:5

Tonda weik aik noutam ara, pia Teleb Aik uamuk bukni, aweik aik buru tam nirya, abilinga dam bukni, buru tam nirya dukdongobuka aik antanap dongobuka akunum dobukopura, anoutam abilinga wilibukabukce, mitik weik aik tonap, tabakuka dobuk.

1 Raja-Raja 8:38

Kanye imun ning akunum uplyopura, sik Israel ninye nirya, sik yuk-yuk arye, ‘Se na talima malye wininye ning ani,’ tenebikirye, moropnamake. Winibikirye, anyaik dam kum yanmanto unamak bukni, an si eren aik tenebikirye, antibuk tenibuka, taruk erebuka anti, ‘Nun ni melipsilyame,’ nyabuka moronamkiyak talak ara, ‘Ance kekenamsilam’ tenen, moropkine.”

Mazmur 125:5

Bukni, yuk nang arye, sik kanye deice aryuk, ‘Malye winin ninguk talibuka wininamap’ tenen, teleb winin bisik ara, batakikirye, kwalin bisikuk banyak nang ara, Allah Yahweh arye, anang nirya ara, dobukaplirye, pia malye-malye ning weik wininyak nang ap, tabaklirye, pia yukak, pera mutuku bobinamle! Bukni, nun Israel yala nang ara, ‘Allah arye pia teleb kipdeipsilirye, ansinip deipsiliba, pia kanye deibuka, telebuk wininamap’ tenen, Allah ati moronyabe.

Mazmur 130:2

Na ni Allah, ance na kanye imun upmanila ati, “Melipnilyame,” nyabuka, moropmakin ning ara, kekepnilyame. Winipmanto ara, ninye arye, ‘Nun kayapu nang weknamak’ tenen, aik bublan kukulilamak tonun, narye, “Melipnilyame,” nyabuka moronamne yupu nirya ara, ance moubuka kekenamnilame. ‘Na ikin unilye ning ati, moronmakin ning ara, moubuka kekepnimince, dilyanamnilame. Na moropkin touk, melinamnilam’ tenen, moropkine.

Mazmur 134:2

Allah el si eren aik damak, Israel ninye nirya arye, ‘El si erepnamap’ tenen, bulubuka yanganupyak ara, el si eren aik, pil dona deiyok nang nirya arye, nun ni Allah Yahweh ati, “Se, nun ni, anda pia telebuk ulyame,” nyabuka, el si pia erenamlulume.

Mazmur 138:2

Tonda, Allah an si eren aik, malye ning pia kumak, pia teleb lek aik ubuka dam arye, an si erena ati, tuku deice kutam dipdongobuka, anyaik eipnirye, an kekena ati, amot nyana deice arye nyanune. Wininuna deiyok ara ani. Ara, Allah an ap, an si pia telebnye ap, ance, “Winipnamne,” nyalyam yupu atonunuk kibuka, winilyam ning nirya ap, aning nirya ati, “Telebe,” nyapkine. Tonda, anda pia weik tonun bico tenesimince, “Batakna pia kumce, winibuka teleb kilinamsine,” nyabuka, nyalin yupu deice arye nyalisilyam touk, aning tuba-tuba winisilyam ning ati, narye, “Pia telebe,” nyapkine na nio. Ati ara, Allah an siuk pia erekunune. Ara, aning-aning nirya aupmal bukni, ance yuk awamlye ning deice tam ara, an si akunum erebuka deiamluma ati, an si ara, weik mambul si ulule.

Mazmur 140:6

Diba sik babye talima erepdakirye, maknya kintininyak nang arye, ‘Daud tomobibirye, opnamap’ tenen, ninye on ning dobuka, na banun bisik noutam akunum dungnubuka deipnike. Tonda, tonok ning ara, ‘Anye tomobuka opnamap’ tenen, cang tapu arye, ninye tomon ning, el si jaring, akunum memebuka wibikce, na banun bisik noutam dungnubuka deibik. Tonda, na banun bisik noutam ara, ninye on ning, tapu koubuka ninye on ning, el si ara perangkap, akunum kintinip deibik.

Mazmur 141:1

Raja Daud birye, aMazmur yupu mot sekuk. Sekukce, Daud birye nyabuk yupu ara, ani. Se na ni Allah Yahweh, anti moropmakina ara, ‘Minop kekepnamnilam’ tenen, moropkine. Narye anti, ‘Melipnilyame!’ nyabuka, morokunun talak nirya ara, ‘Ance moubuka kekepnimince, melipnamnilam’ tenen, moropkine na nio.

Mazmur 141:2

Winipmanto ara, sik imam nang arye, nintong teleb nyan ning, uku dongobikiba, atulum ara, an dam yaliba kekelyam touk, ‘Narye moropmakin yupu babye, an dam yatuba, kekeptum’ tenen, moropkine na nio. Tonda, winipmanto ara, nun Israel yala imam nang arye, ‘Nun malye winin ning, namin kipsilirye, tamubuka teleb kipdeipnamil’ tenen, lukunyan talak nirya, kam ning obikirye, an arena ati, uku dongolamak touk, narye na taruk erepnirye, anti moropkine na nio.

Mazmur 143:6

Na ni Allah, ‘Ancuk melinamnilam’ tenen, na taruk erepnirye, anti morokunune. Tonda, na kanye talima nirya ara, antibuk pia patanulule. Winipmanto ara, mok ap, mek ap, pia kum ulul mutuku noutam unyak nang, mek weik tonun patalamliba, ikin weik ulamak touk, narye anti, weik tonun patanulule.

Mazmur 5:7

Sik tilila yupu nyakce nang ara, ance wenebuka opminyakarye, sirya daknulyame. Allah Yahweh, anda sik yuk nang olamak nang ap, talye yupu nyakce nang ap ara, ance, ‘Anang ara, na pia like,’ tenelyame.

Mazmur 63:4

Na kam unamne talak nirya ara, Allah antibuk, ‘Telebe,’ nyanamkine. Anti moronamkine talak nirya ara, na taruk an dam erepdeipnirye, an si deice arye moronamkine.

Ratapan 2:19

Tonda, lukunyan noutam ara, mabuka bukuka, tuba-tuba ululumce, anggun kanye pum tam tenelulum ning nirya ara, Allah damuk nyapdeipnululume. Ara, anggunce Allah ati, “Se, melipsilyame,” nyabuka, anggun taruk erepmunce, moropmunyeba, elce anggun mapu din patalyeba, bisik akak lokuka poulbikirye, dipmato unyaka nirya ara, “Bico upkilyeura, lyepdopnamsilame,” nyabuka moropnamlume.

Daniel 6:10

Ayupu nyapdeibukba, Daniel kekebuk. Kekebukopura, adiparyuk tamubuka, el ulamuk aik biyukce, asum-asum nirya ulamuk touk, el im aik jendela kukuk. Ara, Yerusalem tam botcamik jendela ara, kukeibukce, el Allah si erelamuk touk, gutam tuku dipdongobuka, Allah morobukce, Allah el si erena ati, mot sebuk. Ara, Allah yupu mot sebuka winililamuk touk, asum babye atonun, Allah ati, teleb abuka kinmok.

Daniel 6:11

Wininmok talak ara, Daniel biti, ‘Yata ton wininamle do?’ tenen, kaliklamik nang arye eibik ara, atalak tuba Allah el si, erebuka moronmok.

1 Timotius 2:8

Ara, na kanye ara, ‘Ninye mutuku-mutuku nirya, adiparyuk malye kanye bona ap, yu una ap, yupu deice arye waldana ap, kum anirye, Allah ati kanye deibuka, pia diksukumukirye, sik kurun taruk erebikirye, Allah moronamak’ tenen, Allah moronune. Na Paulus arye sekeibkine.