Mazmur 27:10 - Eipomek

¹⁰ Na nin ap, na ni ap ara, sikce bataknitiringa babye, Allah Yahweh ance, kum bataknamnilame. Na moropkinye talak nirya ara, Allah ancuk melinamnilame.

Mazmur 27:10 ပူးပေါင်းရင်းမြစ်များ

2 Samuel 16:11

Nyabukce ayupu tonap dukdongobuka Abisai ap, Abisai el pil melibuka dolamik nang ap ati nyabuk. “Na aryuk deipse mi, Absalom birye, ‘Na ni koprop Raja Daud opnune’ tenen, pataliba pirinilya anya arye, anye bira Semei, Benyamin yalanye birye, ‘Daud optinye’ tenen, weik koprop pataliba, pirinmanil. Bukni, anye biti, dauaplye. ‘Yata ati el malye ulinulul do? Yata deiyok ati, na ni Daud ati supmal do?’ nyana kume. Dayanmalya uka. Na kanye ara, ‘Allah el si Yahweh arye nyapdeibukba wininulule,’ tenepne.

Mazmur 69:8

Na ni Allah, an si erenye ning ati, sik malye nang arye nati, yep-yep abuka, malye nyaninyake. Tonda, antibuk tenebuka unyeba, malye nang arye nati, nalininyakba, alye pia weik dakalanune.

Yesaya 40:11

Tonda ninye tonok basam weina deiyoknye birye, el domba basam nirya bulubuka tonokak delilamle touk, Allah el mapu sirika nirya ara bulubuka telebak deipnamsile. Tonda, domba weina deiyoknye birye, domba basam mapu bico tenen, iribuka bobalamle touk, Allah arye el mapu koproba dobuka iribuka bobinamsile. Tonda domba basam mapu nirya sik nin birye, ‘Na mapu na dam nimalyap asa yanamal’ tenen, ‘Yalulume,’ nyapnin balibuk, sik nin yupu kekebuka balamak touk, Allah arye el mapu koproba ati atonun wininamle.

Yesaya 49:15

Nyabik ning ati, na Allah arye anggun aninye ati tamubuka nyapsine. Winipmanto ning ara, tonok kil arye el mi tonok deiamlyopura, luba kilul do? Tuba tenelul do? Tonda akil el mun pum bisik arye deiamlye mi ati bico tenelul do, kum do? Akil el mi ati kum luba kilul atonun, Na Allah arye anggunti kum luba kinamsine. Kilapu ara, sik mapu luba kipnamting buk, na Allah arye anggunti pia kum luba kipnamsine.

Matius 10:36

Aning atonun, tonoknye bira, el mining aik nang arye, elti, mal pinamake.’ (Mika 7:6) Mika arye nyalamuk yupu dobuka nyapsine. Ara, na nyasinye yupu ati, ninye arye, yu upliba, oldanamake. Yesus arye nyabuk.

Yohanes 16:32

Bukni, aminyan yanamle talak noutamak ara, malye nang arye anggun nong deice ikin ning deipsicopura, anggun nirya na batakuka, yuk-yuk bindopnamnulume. Nati, bataknumunce, anggun aik ap, anggun mutuku koprop ap, batakuka yuk-yuk benamlume. Ilil ati, anggun nirya arye na batakuka, yukak bindopmunyopura, na yuk unamne. Na ni Allah ap, na ap neika tuba unyama anya arye, dipkoprop na yuk kum unune.

Yohanes 9:35

Farisi nang arye yu ubukba, asing kuamukbuk, Yesus kwetebuknye dobuka, bai tam dopkwetebik ning ara, yuk nang arye nyalbiyikba, Yesus kekebuk. Aminyan talak Yesus ap, asing kuamukba, akunum kwetebuknye ap epdarikura, Yesus arye anye biti nyabuk. “An dan do? Ninye Mi Koprop Atonunye ati, diba tenelyam do?” nyabuka asipdeyuk.

2 Timotius 4:16

“Paulus malye winibuk ning ani,” nyabuka, ‘Yupu bokeipnamap’ tenen, yu nang arye na dobuka, yupu bokolina deiyok nang dam bobinik talak, minopce aning ara, na yupu melina ati, tonoknye babye, yupu nyabuka kum melipnuke. Sik nirya arye na batakuka bindopnik. Winipnik bukni, ‘Allah arye aninye na bataknik ning ati, kum weneplirye, talye namin kipnamle’ tenen, Allah moronune.