Mazmur 26:8 - Eipomek

⁸ Na ni Allah, an si eren aik dam ara, an ulyamak, na kanye pia delikunune. Ara, an ulyamak ara, pia telebuk ulula ati, na kanye delinune.

Mazmur 26:8 ပူးပေါင်းရင်းမြစ်များ

2 Samuel 15:25

Israel ninye, Yerusalem asik dam batakuka, akunum biyikopura, Daud arye, Allah el si eren aik pum pil donanye, Zadok biti nyabuk. “Allah nyalin yupu lildongon marikna boyanmaluma ara, tamubuka Yerusalem asik domikak pum tamuk, bobilulume. Allah el si Yahweh arye, ‘Telebʼ tenepnilirye, melipnilyopura, tuba tonap Yerusalem mutuku tamubuka boyanamnile. Winipnilyopura, akwemdina ap, Allah wiamuk mutuku, Yerusalem mutuku ap, Allah ulul aik ap, tuba tamubuka, tonap dinamne. Aning dobuka boyamunyeura, aning deiamikakuk daupnamle.

1 Tawarikh 29:3

Aning-aning nirya, adekna weik ning, yuk-yuk mutuku nang arye, boyanuka areamnikba, buluamsirye, ‘Allah el ning atouk deiyok ara, na Daud birye akunum Allah el aik dona ati pia tenenuna anya arye, aning nirya Allah el si erena ati areamse. Aninguk kum bukni, na bidamnye bira, dekna mambul weik ning, na talenun ning ara, emas ap, perak ap dobuka, anyaik dona ati akunum kintinibuka areamse.

2 Tawarikh 5:14

Weik dua arye, anyaik pum tam nirya langdibukopura, atalak ara sik imam-imam nang asukumuk tikmek nang nirya ara, ‘Allah si erebuka kipnuyapʼ tenen, kintinipmek bukni, aning nirya ara kum winipmanto ubuk. Ara, anyaik noutam nirya ara, dua arye lelibukba, pil dopmanto kum ubuk. Awinibikopura, anyaik nirya ara, Allah Yahweh el pia teleb-teleb ulula ati, el weik dirina uk anyaik langdibuk.

2 Tawarikh 7:1

Ninye deiyoknye Raja Salomo birye, Allah ati akunum morobukopura, adiparyuk, uku buk im deice arye sakukce, Allah Yahweh kina ati, kam ning boyanuka deibik ning nirya ara, uku arye dibuka kum danaibuk. Winibukura, Allah si eren aik noutam nirya, Allah Yahweh ara, pia telebnye ulule ati, el damnye pia weik dirina, Allah el si eren aik wekuka langdibuk.

2 Tawarikh 7:2

Anya arye, anyaik pum pil dona deiyok nang, sik imam-imam nang ara, Allah Yahweh el aik noutam pia wekmanto kum ubik. Ara, Allah Yahweh el damnye weik dirina ara, Yahweh el si eren aik noutam nirya yanuka wekukce langdibuk.

Mazmur 122:9

Tonda, ‘Nun ni Allah Yahweh, el si eren aik ara, pia telebuk unamle’ tenen, Yerusalem mutuku unamak nang ati, Allah morobibyeba, sikce amutuku teleb kibuka talibikirye, unamake. Daud birye nyabuk.

Mazmur 42:4

Tonda, na ikin unilye talak ara, ninye yuk dib tenena kum nang arye nyaninyake. An ni koproba Allah ara, dan ukulul do?’ nyabuka asipnikiba, keting noutam ap, lukunyan ap nirya, ‘Se’ tenen, mambul kirikna deiceuk unune.

Mazmur 84:10

Tonda, nun ni Allah, ance nun deiyoknye Raja melibuka talipminyeura, elda pia diksukumuk wininamle. Tonda, ‘Ance akunum wibuka deiplumnye bira, talipminyeura, elda an amu tam ulirye, pia telebuk wininamle’ tenen, moropkine.

Yesaya 38:20

Ati ara, na kanye ara, ‘Na ni Allah Yahweh arye, dipkoprob lyepnilirye, kanye tamubuka teleb kipdeipnamnile,’ tenenune. Akunum teleb kipdeipnilyopura, anggun ap, na ap, nun nirya kam tuba unamap talak nirya ara, neika mot nyanamabe. Ara, mot lelim nyana deiyok ning nirya, bung-bung nyana, el si kecapi ap, gitar ap arye, nun kam unamap talak noutam nirya ara, mot nyanamabe. Ara, Allah Yahweh, el si eren aik dam bipyopura, elti, ‘Telebe,’ nyabuka, neika mot nyabibirye, el siuk erenamabe. Raja Hizkia birye, ayupu nirya nyabuk.

Yesaya 38:22

Tonda, Allah arye, Raja Hizkia kanam kum kwetepmok talak ara, Raja Hizkia birye, Yesaya el kekena ati nyabuk. “Allah arye na kwetena ap, ‘Allah Yahweh el si eren aik dam ara, welebinun do, kum do?’ tenena ap, na kel bikna ati ara, Allah arye, ‘Winipnamkine,’ nyan ning arepnamnil ning ara, yatato ning arepnamnil do?’ nyabuka asipdeyuk.

Yehezkiel 3:12

Nyalongoyuk talak aryuk, Allah el Dib Kanye arye, na dobuka ereipnuke. Winipnuk talak arye, na balye tam arye, yupu weik asa arye ton nyabukce, lelim weik lenmokba kekepse. Nun ni Allah, anda im deice tam ulyam mutuku ara, ei unyak malaikat nirya arye, an si erebikirye, ‘Allah ara, pia telebuk ulule, nyanamak’ tenen, patanulule.

Lukas 2:46

Yerusalem birikopura, liki winilye sum tonap nirya ara, el tonok enmarika ani, Allah ati arilbalamikce, el si erelamik aik ara, Yesus aunmokak eiprik. Yesus ara, sik Allah yupu peterena deiyok nang kan-kan bukmokce, sik nyanmek yupu ara, el kekenmokce asildenmok.

Lukas 2:49

Nyabukopura, Yesus arye tamubuka nyabuk. “Yata ati, na ni ap, na nin ap anggun bitinye nati enudurum do? Adip aryuk na ni Allah el aik unmana ara, kum tenepmanurum do?” nyabuk.