Mazmur 25:22 - Eipomek

²² Tonda, na ni Allaho, nun Israel yala nang nirya ara, ikin ulul noutam unyaba ati, kum winipmanto unmapce, imun kanye bobuka unyabe. Ati, na ni Allaho, ancuk, nunti, melibuka lyelonamsilam’ tenen, morokinyabe na nio.

Mazmur 25:22 ပူးပေါင်းရင်းမြစ်များ

Mazmur 122:6

Tonda, sik Yerusalem mutuku unyak nang ara, yata wiribuka unyak do? ‘Olana kum aryuk, kanye deipdanuka, teleb wininamak do?’ tenen, Allah moronamabe. Ati, nunce anang nirya ati, kanye deibuka Allah morobibyeba, sik nirya tonok kanye bobuka, telebuk unamake. Yata nang do nirya arye, Yerusalem mutuku unyak nang ati, bico tenenyak nang ara, sik babye telebuk wininamake.

Mazmur 130:8

Allah elcuk nun Israel ninye arye, malye wininyap ning nirya, namin kipsilirye, kum kipdeipsilyopura, lyepnamsile. Lyebuka dopropsilirye, pia teleb winilinamsile. Nun malye wininyap ning ati, wenebuka oplopsutu bukni, bico tenepsilirye, amalye wininyap ning nirya ati, namin kipsilirye, lyesulule.

Mazmur 14:7

Allah Sion mutuku arye yanamle ning ara, Israel yala ninye nirya, yanuka lyepnamle. ‘Minopce lyepsutue’ tenen, Israel ninye arye, pia moronyake. Wini talak ara, Israel ninye ikinuk unyak bukni, Allah Yahweh arye, ila tuba tonap sik ning nirya, teleb kibuka deiplyopopura, Israel ninye nirya arye, kanye deipnamake. Aning atonun, Yakub birye deibukba, dadeipdanin, yangalamik ninye nirya arye, kanye deipnamake.

Yesaya 63:9

Allah bico tenelamsukce, ‘Israel ninye lyenamne,’ tenelamsuka ati, Israel ninye nun dam ikin ning yangalamsukba, ikin weik ulamupu talak noutam nirya ara, el babye ikin kanye bolamuk. Winilamuka ati, ikin ulamsuk bukni, lyepsuk ning ara, ara el dam ulamuk malaikat dopdeipmokba, kum lyepropsuke. Tonda, yuk melin nang ton dolilamukba, kum lyepromsike. Aning kum bukni, nun ikin ulamsuk ning nirya ara, Allah elcuk lyelolamsuke. Allah arye, ‘Na mapu bicoe, minopce kum wenepnamne’ tenen, melibuka lyelolamsuke. Minop talak keting tamun yupa weik noutam nirya, Allah arye nun apu Yapu Israel ninye ati, melibuka bobalamsuke.