Mazmur 22:4 - Eipomek

⁴ Tonda, nun apu yapu nirya arye, antibuk ‘Elda dipkoprob aulule. Nun ni koproba Allah arye, dipkoprob melinamsilarya’ tenen, sik kanye an deiceuk delilamkikce, an si erelamkike. Winilamkik talak ara, ance sik dam ulamlumce, sikti, melibuka lyelamsulume. Ance nun apu yapu kum bataklamsuluma ati ara, sikce, ‘Se, yata ati batakasulul do?’ tenen, malye kanye bobuka, kum ulamik.

Mazmur 22:4 ပူးပေါင်းရင်းမြစ်များ

Kejadian 15:6

Allah el si Yahweh arye nyabukba, Abram birye Allah nyapdeipmok yupu ati, adiparyuk dib tenebuk. Dib tenebuk deice arye, Allah arye Abram biti, el malye ning nirya kilibukce, “Anye bira, pia diksukumnye ulule,” nyapdeibuk.

Kejadian 32:28

Nyabukura, malaikat arye, Yakub biti nyabuk. “Wini talak ara, winiryuk si arepnukine. Wini talak arye dipdongobuka, doryanamle talak ara, an si ati ‘Israel,’ nyanamkiake. Deiyok ara, ance Allah ap, yuk ning ap ati, pia pi dobuka piripdenmalamce, an mikip arye akunum malye kibuka bisipmalama ati, an winiryuk si ara, ‘Israel’ arepmakina ati ara, dorunamle talak ara, asiuk nyanamkiake,” malaikat arye, Yakub biti nyabuk.

2 Tawarikh 5:13

Sik nirya ara Lewi yala nang arye, amesba dam tikmekce, lelim len ning simbal ap, kecapi ap, terompet ap bopmekce, ona ap, nyena ap kinmekce, sik kayapu nang arye, ‘Asukum dam unmak nang nirya ati, teleb arye kekepnuyakʼ tenen, weik yupu deice arye, ninye tonoknye elce nyalamuk touk nyanmekce, mot arye Allah Yahweh ati, si erenmikce, nyanmek. Sik ap neika tikmek nang arye nyanmek mot ara ani. Nun ni Allah Yahweh ara, weik tonun melisulule. Elda pia teleb ulirye, nunti weik tonun bico tenesulule,’ nyabuka nyanmekce, amot ara neiktoto nyanmek. Mot nyanmek talak ara, Allah Yahweh si eren aik noutam ara, dua sakukce, anyaik noutam nirya wekuka langdibuk.

Keluaran 14:31

Ati ara, Allah el si Yahweh arye, el mikip weik deice arye Mesir ninye opmok ning ara, Israel ninye arye eibik. Eibika deice arye, ‘Se, dipkoprob Allah elda mikip weiknye’ tenen, kel bikikce, Yahweh ati ilil weik ubuk. Ilil weik ubukba, Allah el si Yahweh ap, Allah el pil dona deiyoknye Musa ap ati, diba tenebikce si erebik.