Mazmur 2:8 - Eipomek

⁸ Ance nati moropnunilyame. Moropneminyopura, mutuku-mutuku nirya ap, amutuku noutamak unyak ninye nirya ap ara, narye anti, arepkiniba, talibuka unamlame. Arepkinyopura, mutuku sirya, im sirya, anirya ancuk talinamlame.

Mazmur 2:8 ပူးပေါင်းရင်းမြစ်များ

Mazmur 22:27

Tonda, doryanamle talak ara, ninye mutuku-mutuku nirya noutamak unyak ninye nirya ara, sik malye winin ning batakikirye, Allah Yahweh ati, ila tuba tonap tenebikirye, el dam tamubuka yakirye, el si erena ati, gutam tuku dipdongobuka, el siuk pia erenamake.

Mazmur 72:8

Na ni Allah, ance nun ninye deiyoknye ati, melipminya deice arye, elda ninye deiyoknye Raja kibuka, talinamle talak arye, talinamle mutuku ara, keting yangan tam arye, dipdongobuka, keting wekelban tam nirya ap, talipliba, lo weik unamle. Ara atam, weik laut mekwen dam arye dipdongobuka, otam laut mekwen tam nirya ara, elce talinamle. Winipliba, anoutamak nirya ara, pia weik mutuku unamle. Aning atonun, keting yangan tam biyuk weik mek, el si Efrat mek dam arye, dipdongobuka, keting wekelban tam nirya ara, mutuku-mutuku nirya, ‘Ance melipminba, elcuk amutuku nirya talinamle’ tenen, moropkine.

Mazmur 82:8

Ati, se nun ni Allah, ance nunti, ‘Aning wininamlume. Aning ara, pia kum wininamlume,’ nyabuka, diksukum yupu uk nyasilyam atonun kibuka, nun tukwak mutuku sirya, im sirya nirya noutam unyap nang ati ara, yupu nyapdeipnamsilyame! Deiyok ara, ance tukwak mutuku sirya, im nirya noutam unyak nang yala-yala nirya ara, ancuk nun nirya ati, talisilyame! Anda, nun Deiyoknye ulyama ati, ancuk nunti, yupu bokeipnamsilyame.

Mazmur 89:27

Atalak ara, Daud birye nati, nyanamle. “Anda na ni koproba Allah ulyame. Anda na ni Allah umince, nati melibuka lyenilyame. Ton winipmanto ara, na ni Allah, anda weik keil bulamle atonun kibuka uminyeba, nara an amu tam unamne,” nyanamle.

Daniel 7:13

“Alukunyan noutamak babye, na lengdar mapmasirye, lengdar deice dinmase. Wininmase talak ara, Ninye Mi Atonunye, ninye urasin atonun upmok ning welebukba, aning ton eipse. Tonda, el anye yangayuk talak ara, dua bum arye, deibuka antanapmok deice yangayukak eipse. Ninye Mi Atonunye yanganmoknye ara, el minop talak arye, kam ulamuka ani, Pia Tuba Kam Unamle Deiyoknye, el dam bana ati, sik im deice unyak ninye arye, menekuka banmekak, Ninye Mi Atonunye, sik aminyan tam banmok.