Na Allah arye, ‘Na mapu koproba, sik Israel nang unamak mutuku ati ara, pia teleb mutuku arepnamsine. Na nyapnyopura, namin asa telebuk unamake. Yuk malye nang ara, Allah ati pia dib kum tenenyak nang arye, minop talak ulamikce, Israel yala nang ati, tuba olyangalamikba, ‘Naʼ tenen, nang mitang kipdipmanto ulamik touk, tuba kum wininamake. Aning nirya ara, kum kipdeipnirye, sik Israel nang ara, pia teleb kipdeipniba, telebuk unamake.
Mazmur 17:9 - Eipomek9 Ara talye ati kume. Deiyok ara, na mal olan nang arye, ‘Anye obibirye, el nong deice, ikin weik ning delinamabe,’ teneninyak nang, ‘Sikce opnikcak’ tenen, ance melibuka kalikinamnilyame na nio. Sik ayu nang arye, na dana-dana tam antanap dongobuka tikikcak arye, ‘Anye opnuyap’ tenen, akunum kintinipmaka ati nyapne. Ati, ‘Melibuka lyepnamnilamʼ tenen, moropkine na nio! အခန်းကိုကြည့်ပါ။ |
Mazmur 17:9
8 ပူးပေါင်းရင်းမြစ်များ
Bukni, nun ni Allah, anda weik tonun bico tenesilyam ning ara, nukman kumto ulule! Ara, anti, pia diba tenebuka, ‘Allah arye nyasilye yupu moubuka talibibirye, dipkoprob uk wininamabe,’ tenen, anti ilil tenenyak nang ati ara, ance, ‘Sik ti, aminyan talak arepnamne’ tenen, pia teleb ning akunum kintinibuka deilisilyame. Tonda, ikin uplye talak ara, sikce, ‘Kume, Allah damuk bipyeba, elcuk melibuka kalikinamsilʼ tenen, an dam tuba banauk unyak nang ati, pia teleb kipdeipnamsilame. Tonda, anti diba tenekinyak nang ara, ance sikti, lak arye teleb kilinamlam talak ara, yuk-yuk nang nirya eibikirye, biknamake.
Na nio, sik yu nang arye, ‘Anye opnamabe’ tenen, warikininyak nang nirya ara, ‘Ance anang wenebuka opminyopura, alye dakdaceura, yuk nang nirya arye anang ati, “Sikda dipkoprob malye nang unyake,” nyabuka, tonap kum si erenamake. Utenena ati, moropkine. Tonda, na ni Allah, na mal olan nang ati, ‘Ance sik yupu sekminba, sik kanye pia walwal kanye bobuka unamak’ tenen, moropkine na nio. Ara, sik yu nang arye, ‘Anye malye kipdeipnamabe,’ teneninyak nang ati nyapne. ‘Aning ara, kanye walwal kanye bon ninguk arepnalam’ tenen, moropkine.
Aning deiyok ara ani. Ara, deiyok kum ubuk bukni, sik amalye nang arye, nati, ‘Anye bira tomobibirye, opnamap’ tenen, ninye tomon ning, el si ara jaring, kintibikce, na balamse bisikak, dungnubuka deibika atia. Atonun, deiyok kum ubuka babye, sik amalye nang arye, nati, ‘Tuku pum tam palibibiba, anye bira, tuku pum tam sakuka opnamle’ tenen, na balamse bisik nirya ara, ‘Anye opnamap’ tenen, tuku pum tam lukunyak.
Atonun, na ni Allah, an minop tikuka kintinipmince, nati melibuka kalikinamnilyame. Ance, ‘Aning ara, wininamlume, aning ara, pia kum winipnamlume,’ nyapdeipsulum yupu deice arye, na ikin unilye ning ati, yupu lipsisikuka bokeipnamnilame. Atonun, na kwit koproba arye, teleb kipdeipnuk bukni, narye tamubuka elti, malye wamtinyetopura, nati wenepnamnilame. Tonda, deiyok kum wamtu buk, na mal olan nang, sik talilamik ning, narye akunum alubuka dolamtinye toura, nati wenepnamnilame.
Atalak ara, Saul ap, el yin telen nang ap, sikda Maon mutuku bukni, atam sirya tam arye, leibuka binmek bukni, atalak ara, Daud ap, el melin nang ap, sikda Maon mutuku bukni, ortam sirya unmek. Unmeka anya arye, Saul birye Daud ap, el melin nang ap, ‘Warik dongobuka tomopnunʼ tenen, akunum dam ubukopura, Daud ap, el melibuka balamik yin talen nang ap, sik minop adiparyuk, Saul dam arye, batakuka bindobik.
Na ni Saul elinilyame. An baju mouse tam sekuka abopmakin atia. An mining dam winipmanu bukni, an nong ara, kum opmakune. Ati ara, moubuka tenepmince kel biknamnilyame. Na dipkoprob malye kum kipreipkunune. Tonda, anda nun deiyoknye ulyama anya arye, an kum yanikunune. An amu tam tuba ununa nyapkine. Narye anti malye kum upkise bukni, ance ‘Daud opnaman’ tenen, nati dobolbanilyame. Narye ‘Yata malye ning winipkisiba olyanganilyam do?’ tenen, asipdekine,” Daud birye Saul biti nyabuk.
ကြော်ငြာတွေ