Mazmur 148:8 - Eipomek

⁸ Se, bebeya lakliba, uku lalamle ning ap, weik mok purwu saklamle ning ap, dua ap, mikip weik arye balul kumanya ap, mok ap, dou ulamle talak ap, aning-aning nirya ara, Allah arye, “Winipnamlulume,” nyabuka nyalilye touk, Allah Yahweh el yupu uk kekebuka unyake.

Mazmur 148:8 ပူးပေါင်းရင်းမြစ်များ

Kejadian 19:24

Keting deibukba, Allah el si Yahweh arye, im deice arye uku buk ap, uku dilamle keil ap, pia weik dopkwetepmokba, mok celamle atonun sakanmokce, Sodom mutuku ap, Gomora mutuku ap sik deiceak sakanmok.

Ayub 37:12

Allah elce nyaplyeba, dua bum ap, mok ap, el ap, kumanya ap, bebeya lakne ning ap ara, mutuku sirya, im sirya nirya tobuka balule. Ara, tukwak mutuku noutam nirya, ninye tukwak nang unyak mutuku noutam nirya ara, Allah arye arelul ning nirya, tobuka banauk ulule.

Mazmur 103:20

Aning ati ara, Allah el im deice pil talibuka donyak nang, sik malaikat nirya ara, Allah elce, “Winamlulume, amutuku binuka pil donamlulume,” nyalilul yupu nirya, kekepmunce, anyalye touk pil dobuka ululume. Anggunda, mikip weik malaikat ululume. Allah aryuk, “Wininamlyame,” nyabuka arisilye yupu nirya ara, kekebuka ululume. Ati, anggun malaikat-malaikat nirya babye, Allah Yahweh, el siuk erenamlume.

Mazmur 18:12

Ance tukwak mutuku yalum talak ara, ‘Talye tukwak nang arye, na nong epnamniak’ tenen, an nong dana-dana tam nirya, weik kunuklamle ning arye, lelipdongopkukba, tukwak nang arye kum eipkik. Tonda, mirin weik dua ap, mok ap, an nong dana-dana tam siknidongopkuka ati, ninye arye, an nong kum eipmanto upkike.

Keluaran 10:13

Nyabukura, Musa el kama Mesir mutuku tuku deice pukminyeura, Allah el mikip arye weik kumanya yali tam arye dobuka yayukce, asum keting noutam talak babye, lukunyan talak babye, kumanya weik arye donmoka ani, berekukopura, yali tam arye, sul kwising tonap tabakuka boyayuk.

Keluaran 10:19

Morobukopura, Yahweh el mikip arye weik kumanya arebukba, keting wekelban tam arye, weik kumanya mikip arye dobukopura, kumanya mikip arye, sul kwising nirya dobukabukce, weik laut mekwen pum bisik dongobuk. Alaut mekwen ara, el si Ining Bi Laut nyalamik. Winibukba, Mesir mutuku noutamak ara, sul kwising tonok ning babye, ton pia kum ubuk.

Keluaran 14:21

Ura, Musa birye el taruk laut mekwen deice pukukba, Allah el si Yahweh arye, el mikip deice, weik kumanya arebukba, mikip weik keting yangan tam arye pukuka laut mekwen deice yayuk. Yayukce alukunyan noutamak arye pukukba, amekwen eitam kilon, outam kilon kibuk. Laut mekwen noutam bisik ara mekwen ceprobukce tuku mikrobuk.

Yesaya 66:16

Aning babye talye ati kum nyapsine. Dipkoprob, na Allah Yahweh arye, yata nang do nirya, sik malye winilamak ning ton eipnyopura, na uku buk ap, na ninye on parang ya ap arye, sik malye wininyak nang, tukwak mutuku sirya, im sirya nirya noutam arye, yupu bokeipsinirye, amalye un nang nirya, obuka sirya dakamne. Aning nirya akunum winipnyopura, atalak ara, na Allah Yahweh arye, ikin ning deipnirye, wenebuka opniba, yupa ninye pia weik tonun, parang ya arye oplopniba, adiparyuk dipnamake.

Yoel 2:30

“Winipnirye, narye ninye kum winipmanto pil, weik mambul ning arepneba, anggun nirya arye, ‘Se, nun ni Allah Yahweh arye tenebuk talak, akunum upsile’ tenen, kel biknamlume. Ara, im deice ap, tukwak mutuku noutamak nirya ara, aning arepnamne. Anya arepnamne ning el si ani. Weik ining mekwen ap, weik uku buk ap, tonda weik tulum ara, dua bum bulamle atonun arepneba, aning nirya winipliba eipnamlume.

Imamat 10:2

Ati, Allah arye kum nyapmok ning winipdika ati, Allah Yahweh yu unmoka arye, uku dopkwebukaba, sik anang nong deice uku buk arye talibuka, abitinye nang dibuk. Dibukba, Allah ap, ninye ap ansinlina ati, sapi basam bol arye domik doltakna tenda aik domika damuk, Allah Yahweh arye dinmokak, asukumuk sik bitinye ara, dipdik.

Amos 4:13

Aning nirya ara, talye kum nyapsine. Mutuku-mutuku nirya ap, kumanya nirya ap ara, Allah elcuk kwepdeibuke. Tonda, na Allah Yahweh arye, ‘Winipnamne,’ teninun ning nirya ara, talye tukwak ninye ati, laka nyalisunune. Tonda keting noutam babye, lukunyan babye, na Allah aryuk kintinibuka delinune. Winibuka unirye, tukwak mutuku noutamak, weik mutuku deice yanipdongobuka, banune. Na si ara, Allah Yahweh unune. Nara, im deice yin talin ninye nirya talibuka unune. Nara aning-aning nirya talibuka deice tam Pia Mikip Weiknye unune. Allah arye, sik Israel ninye ati nyabuk.

Amos 7:4

Allah Yahweh elda aning-aning nirya talibuka, deice tam Pia Mikip Weik Deiyoknye ululnye birye, na Amos biti, lak kipdeipnukba, narye eipse. Eipse ning ara, ani. Ara, el mapu Israel ninye, sik wenena ati, ‘Weik uku arepnamne’ tenen, kintinibuk. Akintinibuka deipmokba, eipse ning ara, uku ara weik laut mekwen deibukak ara, uku sakukce, asukum arye deiyok koubuka, amekwen nirya ap, tukwak mutuku-mutuku nirya ap ara, ‘Uku arye dibuka sirya daknamle’ tenen, akunum kintinip deibukce, dopkwetepnuyuka ati, kintinipmokba eipse.

Yunus 1:4

Banmeka ani, Yunus bira, amek liya yo, el si kapal laut noutamakuk bukni, amu tam aik wekuka mapmok. Mapmok talak ara, Allah el si Yahweh arye, mikip weik mok piriripna dopkwetebukba, mek deibukce kuruninikuka, longteng-longteng abukce, amek liya yo, el si ara kapal laut, dangubuka opmanto unmok.

Yunus 1:5

Winibukba, laut mekwen deice mek lia yo bobanmek nang ap, amek liya yo talibuka, pil donmek nang nirya ap, ilil weik ubukba, ilil kanye bobuka ngalukunmek. Malye yupu nyanmikce, sikce ninye urasin atonun kipdeipna arye, si erelamik ning ati, ‘Yanuka melipsilyame,’ nyabuka, yuk-yuk si erelamik touk, isa mer si nyabuka morobik. Amok piriripna weik, kanye imun ning unmok ning ati, ‘Nun mek liya ikin arye, mek pum tam weksilyak’ tenen, ati ara, ‘Nun mek liya yo kanam uptue’ tenen, sik lipmek ning nirya yokuka, laut mekwen pum tam dopkwetebik. Winibuka babye, mek liya yo mekwen tuba wekmanto unmok. Sik apil donmek talak ara, Yunus bira, amek liya yo pum tam wekmokakuk, tuba mapmok.

Bilangan 16:35

Tonda atalak uk, Allah Yahweh arye, uku buk dopkwetebukba, Korah tam nang, ninye yupa ara, dua ratus lima puluh (250) nang babye, uku arye dibuka, sirya dakuk. Ara, sik anang ara, siltong teleb nyan ning ati, ‘Dupa uku dongopnamapʼ tenen, kintinipmek nang nirya babye, sik nong nirya, uku arye dibuk.

Yosua 10:11

Israel ninye arye aninye dobolbanmikba, ‘Aseka mutuku binuyap’ tenen, Amori nang arye, Bet-Horon mutuku arye, bikbik abuka, koulukuka banmek bukni, Allah el si Yahweh arye, weik mok purwu, im deice arye, keil duk atonun dopkwetebukba, sik banmek damuk sakukce, Amori tam ninye pia weik arye, obukba dibik. Tonda, Israel ninye arye, sik ya bobukabikce, Amori ninye mitik tonun obik bukni, Allah arye weik mok purwu dopkwetebukba, obuk ning ara, pia weik arye, obukba dibik.

Wahyu 16:21

Im noutamak arye ninye nong deice sakuka obuk ning urasin ara keil atonun bukni, dekne dukduka puru mok sakuk. Es mok puru ara, dekne dukduka atonun yuk-yuk bukni, tonok ning ara, 45 kilo atonun ubuka sakuk. Aning ara pia weika arye sakanmokce, ninye pia weik obuk. Obukba, tukwak ninye nirya imun kanye bobuka unmekce, asakanmok dekne dukduka mok puru ati, Allah el nong deice pia malye yupu nyabuka derenmekak kekepse. Na Yohanes arye nyapsine.