Mazmur 148:7 - Eipomek

⁷ Se, Allah Yahweh, elce kwepdeibukura, tukwak mutuku noutamak unyak ning ayala-yala nirya arye, elcuk si erebuka donamlulume. Tonda, “Allah anda pia telebuk ulyame,” nyabuka, el si erenamlume. Tonda, weik laut mekwen noutamak ara, ulamle kwatima, el si ara Naga kwatima ap, yuk weik mekwen pum bal, ayala-yala nirya ap arye, Allah el si atibuk pia erenamlume.

Mazmur 148:7 ပူးပေါင်းရင်းမြစ်များ

Kejadian 1:21

Allah arye nyabuk deice arye, mekwen noutam kam ulye ning, weik ning babye, mitik ning babye, sik yala-yala yuk-yuk aunamle touk, tenebukce kwepdeibuk. Tonda, im deice lakuka balamle ning, maka ayala-yala nirya kwepdeibuk. Kwepdeibukura, daunmoka ani, Allah dinmokce, ‘Aning nirya ara telebe,’ tenebuk.

1 Raja-Raja 13:28

El bisik banmoka ani, Yehuda mutuku ulamuk nabi dipmoka dam biyukce, bisik balamik noutam sakuka, poulbinmokce, asukum poupmokak, biyukce eibuk. Tonda, Yehuda mutuku ulamuk nabi, el bukuka banmok keledai basam babye, asukum tikmokba eibuk. Tonda, asukumuk kus atonun ning, singa yu weik ning babye, adamuk tikmokba eibuk. Bukni, asinga arye adipmok nabi babye, tonda el bukuka banmok keledai basam babye, obuka kum dipmoke. Tuba urdem mining dam tikmok.

Mazmur 104:24

Se, nun ni Allah Yahweh, ance pil dolyam ning aning-aning nirya ara, pia weik awinilyam ning ara, ninye arye kum nuktibye. Anda dipkoprob weik kel bikna deice arye, aning-aning nirya kwepdeiamsulume. Winibuka winipsulumba, tukwak mutuku noutamak nirya, ance kwepdeiamsulum ning, ayala-yala nirya weik aulule.

Yesaya 27:1

Allah arye tenyamlye talak akunum yalyopura, Allah Yahweh arye, el ona ati, pia mikip weik tatce parang ya taleplirye, Lewiatan nyanyak yu weik kam ning ati opnamle. Ara, cakuka balirye, binuka kwanibuka, weik kwatima babye, yalirye wenebuka opnamle. Tonda elcuk, el si Naga Kwatima nyalamak ning, laut kwen noutam ulul kwatima babye, wenebuka opnamle.

Yesaya 43:20

Narye mek kumak ati, ninye kum unyak mutuku, pata mutuku noutam mek kintinibuka delinune. Tonda mek kumce talye bukamlye mutuku noutam ara, mek arepneba, mek kutukuka balule. Amambul pil donuna ara, ‘Na wipdeiamse ninye, Israel ninye, ‘Naʼ tenen, ninye unamak,’ tenelamse ninye arye, ‘Amek dibuka, teleb ulamikirye, na si erebuka, nati si erenamniyak’ tenen, wininune. Wininuna ati, ninye arye talibuka kum weilamak ning, bai tam talye ulul ning ayala-ayala nirya ap, bai kam ap, bai ulamlirye lukunyan noutam balamle kupmana obuka dilul maka ap arye, nati si ereninyake. Amek balyopura, na wiamse ninye ati arepneba, dinamake.