Mazmur 144:5 - Eipomek

⁵ Se, nun ni Yahweh, ‘Anda im deice bisik bublan kukeipmince, tukwak mutuku koulukmince, nun dam yanuka melipsutum’ tenen, moropkiabe. Tonda, ance, ‘Cang weik mutuku kon talipminyopura, weik uku diplirye, tulum weik tonun welepnamle. ‘Winipnamlam’ tenen ati, moropkine na nio.

Mazmur 144:5 ပူးပေါင်းရင်းမြစ်များ

Mazmur 104:32

Se, nun ni Allah anda talinye kume. Tukwak mutuku dilyamin talak ara, mutuku nirya lulukulule. Tonda weik bulamle mutuku nirya yanuka bol piplyopura, asukum arye uku diplirye, weik tulum welelule.

Mazmur 18:10

Aning winipkuk talak ara, ance im deice kukuka dinmalumce, tukwak mutuku yalume. Tukwak mutuku yalum talak ara, pia mirin dua ara, an yan amu tam upkukba, adeice arye yalume.

Mazmur 18:9

Allah anda, yu weik upkuk talak winipmanto ara, an u pum bisik arye, weik tulum ara, laka panabuk. Tonda winipmanto ara, atalak aryuk, aning-aning nirya dilamle uku buk ap, uku kalum ap ara, an si sitang pum tam arye, yanuka laka ubuk. Allah, an yu weik upkukba, winipmanto ara, weik uku buk ap, kalum ap ara, an nong noutam arye kutukukce, dinmoke.

Keluaran 19:18

Atalak ara dinmekce, tulum arye Sinai mutuku nirya libuk. Aning ara Allah el si Yahweh arye uku noutamak koluka yayuka ati winibuk. Atulum welebuka ara, wa uku ina ibikiba weik tulum dilamle atonun winibukce, amutuku nirya weika arye long-long anmok.

Ibrani 12:18

Na kayapo, sik minop talak ulamik ninye, Israel ninye winilamik touk, wini talak ululum ninye kum winilulume. Sik minop talak ulamik Israel ninye ara, ninye taruk arye talipmanto mutuku dam yayik bukni, amutuku Sinai mutuku deice ara, weik uku dilamuk. Tonda, amutuku deice ara, pia kunukna ap, mok piriripna ap, bebea lakna ap, liman ap, mok weik ap winilamuk.