Mazmur 136:22 - Eipomek

²² Ara, el amu tam ulamik nang, sik Israel yala nang ati, amutuku tuku nirya bokuka arebukba, doprobikce, amutuku noutam ulamik. Allah Yahweh arye, nun Israel nang ati, “Pia bico tenesinirye, tuba-tuba melinamsine. Pia telebuk kilinamsine,” nyalin yupu deice arye nyapsuka ati, aning ara, pia kum bataknamsile. Anirya ara, nun nirya arye el tibuk, si erebuka kina ati, ‘Naio nunce anti pia telebe nyabkiabe,’ nyanamabe.

Mazmur 136:22 ပူးပေါင်းရင်းမြစ်များ

Mazmur 105:6

Se, Allah el amu tam ulamukce, el pil donanye Abraham arye deiamsukba, dadeipdanin yangalulum ninye nirya ap, tonda Allah arye, wibuka deiamukce, akuamuknye Yakub birye deiamsukba, dadeipdanin yangalulum ninye nirya ap arye, Allah elce ninye kum winipmanto pil dolamuk ning ap, tonda, “Aninguk moubuka talinamlulume,” nyamsuk yupu ap, aninguk moubuka talipmunce, tenenamlulume. Pia kum luba kipnamlulume.

Mazmur 47:4

Allah arye nun Israel ninye ati, wipdeipsukce, weika arye meliamsuka deice arye, yuk yala ninye nirya ara, malye kibububa, nun amu tamuk unyake. Ara, nun ni Allah meliamsuka deice arye, yuk yala ninye nirya, nun amu tam deipsuke.

Yesaya 41:8

Sik anang ara, talye-talye piluk donyak bukni, na Allah arye nyapsine. Na Allah arye, anggun Israel ninye ati, ‘Na tenena ninye ubuka, na amu tam unyakce, na pil donamniak’ tenen, wipdeiamsise. Anggunda, Yakub birye deibukba, dadeipdanin, yangalamik ninye ululume. Anggunda, na wipdeamse ninye, na kwit koproba, anggun apu Abraham arye deibukba dadeipdanin yangalamik ninye ululume. Winiluluma ati, narye bico tenesenun bukni, anggunda malyeuk tuba ululume.