Mazmur 135:1 - Eipomek

¹ Nun nirya arye, nun ni Allah Yahweh ati, “Anda pia telebuk ulyame,” nyabuka, el siuk erenamabe! Tonda, nunce Allah ati, ‘Se an si Yahweh ara, pia mambul teleb si ulule,’ nyabuka, el si erenamabe! Tonda, Allah Yahweh, el amu tam umunce, el piluk dolulum nang babye, anggunce, Allah el si erenamlume!

Mazmur 135:1 ပူးပေါင်းရင်းမြစ်များ

1 Tawarikh 6:17

Lewi birye deiamuknye Gerson, el mapu ara ani. Libni ap, Simei ap, winibuka deiamuk.

Nehemia 9:5

Atalak ara, Lewi yala nang arye deiyok koubuka, Allah ati moronmek. Moronmek nang sik si ara ani. Yesua ap, Kadmiel ap, Bani ap, Hasapnia ap, Serebya ap, Hodia ap, Sebanya ap, tonda Petahya ap arye, moronmek. Moronmekce, nyanmek, “Anggun nirya tiklulume. Anggun ni koprop Allah, el si Yahweh ati, si erepnamlume. Yahweh ara, minop arye aulamuka ani, wini talak babye, doyanamle talak babye, apia unamlanye, Allah el si erenamlume,” nyanmek. Sikce nyanmek yupu ara ani. “Nun ni Allah, an si weik mambule. An ap, an si ap ati, pia telebe. ‘Ninye mutuku-mutuku nirya, an si biketinge’ tenen, nyapkiyabe. Yuk-yuk ning, ance arisilyam ning nirya ati, ‘Aning ara mitik mambule’ tenen, ‘Telebe,’ nyaptibye bukni, an tonok ati ara, pia weik arye an si erenyabe. Yuk teleb ning nirya ara, an amu tam uliba, anda weik si erenanye deice tam ulyama anya arye, ‘Anda weik mambule,’ nyapkiyabe. Yuk ning nirya ara, mitik mambul uka. Ati ara, anti pia si erenamkiyabe,” nyabuka si erenmek.

Mazmur 102:21

Dilirye, ‘Naʼ tenen nang, sik Israel yala nang ara, yuk pera mutuku wenen aik pum tam unyak nang ap, ikin weik unyak nang ap, sikce yata yupu nyabikce deice arye, nati moropnamniak do?’ tenen, moubuka pia disulule. Ara, sik tukwak mutuku unyak nang kan-kan arye, ninye yupu akunum bokeiamikce, ‘Anang akunum oplopnamabe,’ nyabuka, yupu akunum nyapdeiamik nang wenen aik tuba daunyak nang ati, ‘Naryuk anang loplopnirye, lyepropnamne,’ tenebukce, kintinip deibuk.

Mazmur 106:1

Nun ni Allah Yahweh ati, “Anda pia telebnye ulyame!” nyabuka, el si erenamabe. Diba, Yahweh pia telebuk winisulula ati, nun nirya arye, “Naio anda pia teleb ulyame,” nyabuka, elti, si erenamabe. Tonda, Allah arye nunti, “Weik tonun bico tenesununa ati, ‘Pia teleb kilinamsine,’ nyabuka, nyalin yupu deice arye nyapdeipsine,” nyapdeipsuke. Aning nirya ara, pia kum bataknamle.

Mazmur 107:15

Ati ara, Allah Yahweh, elce talima arebukba, bico tenen, melilamuk ninye nirya arye, Allah el tibuk, “Telebe, anda weik telebnye ulyame,” nyabuka, el si erebuka kinamake. Tonda, Allah el si Yahweh arye, tenebuka pil dolul ning nirya ara, ‘Se, aning ara, ninye arye kum winipmanto ning winilula’ tenen, el tibuk, ‘Telebe,’ nyanamake.

Mazmur 107:8

Ati ara, Allah Yahweh elce kanye talima areplibuk bico tenen, melilul ninye nirya ara, Allah el tibuk, “Telebe, anda weik telebnye winilyame,” nyabuka, el si erebuka kinamake. Tonda, Allah el si Yahweh arye tenebuka, pil dolul ning nirya ara, ‘Se, aning ara, ninye arye kum upmanto ning winilula’ tenen, el tibuk, “Telebe,” nyanamabe.

Mazmur 111:1

Nun nirya ara, nun ni koproba Yahweh ati, “Anda pia telebuk ulyame!” nyabuka, elti, si erenamabe. Tonda, na kanye talima noutam nirya arye, Yahweh ati, “Anda pia telebuk ulyame!” nyabuka, el siuk erenamne! Tonda, Allah arye, ‘Aning wininamlume. Aning ara, pia kum wininamlume,’ nyapdeiamsuk yupu, moubuka talikirye, diksukumuk wininyak nang bulunyakak binuka, Allah ati, ‘Telebe,’ nyanamne. Aning atonun, sik Israel yala ninye nirya arye, ‘Allah el dam binuka unamabe’ tenen, bulunyakak ara, narye, Allah ati, “Anda pia telebuk ulyame,” nyabuka, el si erena ati nyanamne.

Mazmur 112:1

Nun nirya arye, nun ni koproba Allah Yahweh ati, “Anda pia telebnye ulyame,” nyabuka, el siuk erenamabe! Yata nang do nirya, anggunce, ‘Se, Yahweh ara, weik mikipnye ulule’ tenen, ilil ubikirye, elce nyasulul yupu, moubuka talibikirye, diksukumuk wininyak nang nirya ara, Allah arye sikti, teleb kililamlyeba, kanye deibuka unyake. Anang ara, Allah arye, “Aning wininamlume. Aning ara, pia kum wininamlume,” nyapdeiamsuk yupu ati ara, pia kanye deibikirye, aninguk talibuka dobolbanyake.

Mazmur 134:1

Nun ni Allah, el si Yahweh, el amu tam umunce, el si eren aik pum tam, pil dolulum nang nirya ara, Allah Yahweh ati, “Nun ni, anda pia telebuk ulyame,” nyabuka, el siuk pia erenamlulume. Ara, lukunyan noutamak bukni, Allah si eren aik pum, Allah ati, teleb ning arebuka, elti, kibuka, si eremunya deiyok nang nirya arye, Allah Yahweh ati, “Nun ni, anda pia telebuk ulyame,” nyabuka, el si pia erenamlulume.

Mazmur 148:13

Telebe, sik nirya arye, Allah Yahweh el siuk erebikirye, “Allah anda pia telebuk ulyame,” nyabuka, elti, si erenamake. El si erenamaka deiyok ara, ani. Ara, Allah Weik Erenanye uliba, tukwak mutuku unyak ninye nirya arye, ‘Se, el si ara, weik mambul si ulule. Elda pia mikip weiknye,’ tenenyake. Im deice ap, tukwak mutuku, im sirya, mutuku sirya ap ara, mitik teleb ulul bukni, Allah el pia teleb ubuka ulye ning ap, dirina weik ulya ap ara, aning nirya deice tamuk, erebuka ulule.

Mazmur 150:6

Tonda, Allah elce kwepdeiamukba, tukwak mutuku noutamak kam ulul ning ayala-yala nirya arye, Allah Yahweh el tibuk kanye deibuka, kibuka erebikirye, el siuk erenamake. Nun ni koprop Allah, el si Yahweh ati, “Anda pia teleb ulyame,” nyabuka, el siuk erenamabe. Akunuma. ‘Tukwak mutuku noutamak kam ulul ning nirya arye, Allah ati, “Telebe,” nyapnamak’ tenen, Haleluya nyapne. Na Sisinanye Raja Daud arye, akunuma nyapne.

Mazmur 7:17

Ati, sik anang ara, ‘Winibipya deice arye, yuk nang ton optibye,’ tenenyak ning ara, sik nong deiceuk tamubuka yalirye, sik bidamnye nong deice opdanamake. Atonun, sikce yuk nang ati, ‘Anang ara, adiparyuk obibirye, sirya daknamabe,’ tenebikirye, kintininyak ning ara, aminyan talak ara, aninguk, tuba tamubuka, sik nong deice upnamle. Adeice arye dipnamake.