Se, nun ni koproba, Allah Yahweh, anda pia dipkoprop, diksukum unanye ulyame. Diksukumuk uminya ati, nunda, ance ‘Naʼ tenen nang, nun Israel nang nirya ara, wenebuka kum opsulumce, mitik tonun ton lyepropsulumba, nunda amutuku noutam mitik tonun tuba kam unyabe. Ance nun aunmab nang ara, Babel mutuku arye boyanuka melipsulumba, mitik tonun ton tuba kam unamabe. Bukni, nunce nun malye winipmabye ning ara, kum duknunyabe. Nun malye wininyap ning ara, an dam yanuka, laka nyanyabe. Nun kele, malye weik winibupa ati, nunda an dam ara, pia yanuka kum tiktibye.
Mazmur 129:4 - Eipomek4 Allah el si ara Yahweh, pia teleb diksukumnye ulule. Pia malye wininyak nang ara, nun mal olan nang arye, tapu koupdongopsik bukni, Allah arye, atapu nirya ara, lopdeipsukce, lyepropsuke. အခန်းကိုကြည့်ပါ။ |
Mazmur 129:4
9 ပူးပေါင်းရင်းမြစ်များ
Na nio, nun tenenyap ning ara, nyapnuyabe. Nunda malye-malye weik winilamububa, ance nun wenena ati, ikin ning arelamsulum ning ara, diksukumuk ulalume. Anda malye un ning tonok ning babye kum ulalume. Ance, ‘Wininamsine,’ nyabuka nyalilamsulum yupu nirya ara, dipkoprob tuba winisilyame. Tonok ning babye kum bataklume. Nunda, malye weik ulamupu.
Na ni Allah Yahweh, anda malye winin ning tonok ning babye, ton kum ukulule anya arye, dipkoprob anda pia telebnye umince, diksukum winin ninguk winilyame. Tonda, ance, “Aninguk wininamlulume. Aning ara, kum wininamlulume,” nyapdeiamsulum yupu deice arye, ninye ati teleb ubuka, yupu lipsisikuka bokolisilyama anya arye, anda dipkoprob pia telebnye ulyame.
Allah bira, elce, ‘Aning ara wininamlume, aning ara pia kum wininamlume,’ nyapdeiamsuk touk, ‘Anang ara, teleb unyak do, malye unyak do?’ tenen, pia diksukum kibuka, yupu lipsisikuka bokolina deiyoknye ulule. Allah anda asum-asum nirya ara, malye unyak nang eipmince, talye kilina kumce, anang ati ance yu upkiliba, ‘Na lik,’ tenelyame.
Bukni, Allah Yahweh elda, dib kopropnye birye, yupu nyapdeiamuk ning ara, na akunum yaniptapse. Ati, na nyanamne yupu ara, anggunce moubuka kekenamnulume. Ara ani. Se, mutuku-mutuku nirya ululum ninyo, bita dipdenululume. Nara, pia ikin weik ning, na nong deice upnile. Ati, na mapu wel nang ap, wel kilapu ap nirya ara, anggun mal olan nang dam bimunce, olalbinululume.
Nara, ton ap tenenun ning ara ani. Ara, Allah elce tuba nunti pia bico tenesulule. Tonda, Allah elce nunti, “Winipnamsine, anggunce na yupu talibuka upmunyeura, narye anggunti winibuka-winibuka teleb kipdeipnamsine,” nyabuka, nyalin yupu deice arye nyapdeipsuk ning nirya ara, kum bataknamle. Aning nirya dipkoprob nong upnamle. Allah arye, ‘Na tenen nang ati ara, tuba telebuk kipdeipnamsine,ʼ tenesulul ning ara, min kum winipmanto. Aning ara, pia ati aunamle.
Ati, na ni Allah, aning-aning nirya talebuka, pia deice tam erebuka, Pia Mikip Weik Deiyoknye ulyame. Anda dipkopropnye, pia diksukumuk umince, nun dam teleb ninguk ubuka, diksukum piluk dosilyame. Bukni, nunce nun bidamang ati, malye winipdeipdabiba, pia malye weik unyaba ati ara, alye dakalanyabe. Ara, nun nirya, Yehuda yala ninye ap, Yerusalem mutuku noutamak unyap ninye ap, Israel ninye nirya ap, alye dakalaninto unyabe. Tonda, nun yala nang arye, an dam malye weik winilamububa, ance nun yala bokeiplumba, yuk pera mutuku daunyak ninye ap, dam mutuku unyap ninye ap nirya ara, malye wininyap ning ati, alye dakaninto unyabe.
ကြော်ငြာတွေ