Mazmur 128:3 - Eipomek

³ Tonda winipmanto ara, anggur tapu duk, weik arye papnin balamya ani, duk pia weik moulamle atonun, anggun dopnamlum kilapu nirya ara, mapu weik delinamake. Tonda, anggun mapu weik unamak ati, winipmanto ara, zaitun yo duk moulamle yating deice arye butuklirye, mitik yo ton weika arye teleb kibuka palamle atonun, unamake. Ara, sik kilapu nirya ara, mapu weika arye delilamikceba, amapu teleb kibuka nelamikirye, anggun aik pum tam neika bukuka, din dinamlume. Anang ara, akunum winibikcopura, kanye deibuka unamlume.

Mazmur 128:3 ပူးပေါင်းရင်းမြစ်များ

Kejadian 49:22

Yusup, an yala ninye ara, mitik mek balamle mek lilun anggur tapu paplirye, nepnin balamlya ani, duk weik mouplirye, ninye dolamak poka deice balirye, el bok arye singiplirye, duknulamle touk unamake.

1 Tawarikh 8:40

Esek birye deiamuknye Ulamda, elce deiamuk mapu nirya ara, yin talibuka mikip weik nang ulamik. Tonda, mal olan ati ara, kel weik nang ulamik. Sikce deiamikba, dadeipdanin balamik ani, deiamik nang ara, yupa nakub barye seratus lima puluh (150) nang ulamik. Alip tam sekyapu nang nirya, sik apu koproba, Benyamin ulamuk.

Mazmur 127:3

Dipkoprop nun ninye arye deilinyab mapu nirya ara, Allah el bidamnye aryuk, talye aresulula anya arye, amapu nirya ara, ‘Allah arye nun mapu nirya ara, dekne ning arelamak touk aresulule,’ tenenamabe.

Mazmur 127:5

Yatanye do nirya, sal mapu weik arye delilamlanye bira, el anye bira, ‘Allah arye, sal mapu weik arye wamlibuka arenulule’ tenen, kanye pia delinamle. Winipmanto ara, mal weik wamlibuka talilamlanya birye, kanye delilamle touk, ubuka kanye delinamle. Tonda, yatanye do nirya, sal mapu weik arye delilamlanye bira, el oldan nang yakce talak ara, kum ilil unamle. El oldan nang, yanganmaca ani, keil poka bublan dam yaica babye, ilil kum upnamle.

Mazmur 144:12

Na ni Allah, anti moropkine. Ara, ‘Nun Israel nang arye deibibiba, dadeipdanin banamak nang nirya ara, minop nepnin bakirye, pia mikip weik nang upnin banamak’ tenen, moropkiabe. Tonda, ‘Nun Israel yala nang arye deinamap kilmapu nirya ara, urasin pia teleb upnin banamak’ tenen, moropkiabe. Winipmanto ara, sik ninye deiyok nang arye, sik pia teleb unyak aik, el si ara istana aik dam, ikilamak cang yo, urasin pia teleb ulamle touk, ‘Nun kilmapu nirya babye, urasin pia teleb upnin banamak’ tenen, moropkiabe na nio!

Mazmur 52:8

Allah arye anti, wenebuka opkilyeura, sik diksukum unyak nang arye eipkikirye, ‘Se’ tenen, mambul kanye bobuka, ilil pia weik unamle. Tonda, anda, malye winina deiyoknye biti, eipkikirye, akutubuka nalinamkiake.

Yeremia 11:16

Min talak ara, na Allah Yahweh arye, sik Israel yala nang nirya ati, winipmanto ning ara, “Anggunda, pia teleb zaitun yo, teleb kibuka tiklirye, yo bok ap, zaitun duk babye weika arye teleb kibuka moulul yo atonun ululume,” nyalamsise. Bukni, wini talak ara, narye dopdeipnyeba, anggun mal olan nang arye, yanamak talak ara, weik yupu lelim nyabikce deice arye, yanuka opnamsiake. Winipmanto ara, zaitun yo dam, weik uku dongopyeba, uku buk arye, zaitun yo bok ap, tonda zaitun yo taruk nirya babye, diplirye, sice buklopnamlarya! Aning atonun, anggun mutuku nirya ara, obuka sirya daknamsine.

Yehezkiel 19:10

Allah arye aning akunum nyabukopura, ayupu ton dukdongobuka nyabuk. Ura wini talak ara, yuk domon yupu deice arye nyapnusine. Ara ani. Anggun Israel nang, anggun capu kil ara, anggur tapu winilamuk touk ulamuk. Ara, mitik tonun nemuk bukni, ninye arye, ‘Anggur tapu paplibibirye, aning bobinuka, yuk telebak koupnamap’ tenen, atapu palibikce, bobuka mitik tonun mek pu dobuka, balamuka kup-kup ak, mitik tonun wa ton wibika noutam arye, koubikba tiklamuk. Ura, atapu ara, amek dam koubika ati ara, anggur tapu yo ara, pia teleb kibuka, palamuk taruk uamukce, anggur tapu duk pia moubuka ulamuk. Winibuka pia teleb moulamuka deiyok ara, amek balamuka deice arye, duk teleb kibuka moulamuk. Winilamukba, el taruk ap, duk ap ara, pia weik tonun yamubuka arelamuk.

Roma 11:24

Anggunda moubuka teneipdelulume. Anggun Roma mutuku tam ululum Yahudi yala kum ninyeuk ululume. Ara yo kouna deiyoknye birye, ‘Talya bai tam palamle yo taruk arye dobuka dukdongopnamne,’ kum tenelamsuk bukni, aminyan talak ara, el bita moulamuk yo taruk deice aryuk yanuka dukdongopsuke. Ati ara, el minyuma tenyamuk yo taruk dobuka, ikin kum diparyuk yanuka dukdongopsuke. Winipsuka deiyok ara ani. Winiplyopura, dipkoprop teleb ubuka paplirye, nenamle. Anggun Israel ninye ara, talye buru tam palamle yo taruk atonun kume. Elce pia moubuka bita moulamuk yo deiyok arye tamubuka dukdongoplyopura, pia teleb kibuka papnamle, nyapsine.