Mazmur 119:70 - Eipomek

⁷⁰ Amalye tilila yupu nyaninyak ninye nirya ara, teleb winin ning moubuka kum kel bikamikca arye, sik kanye talima noutamak, ‘Teleb ning ani, malye ning ani,’ kum tenepmanto ninye unyake. Bukni ance, “Aning ara, wininalulume. Aning ara, pia kum wininamlulume,” nyapdeiamsulum mem yupu nirya ati ara, kanye deipnirye, na talima noutamak deibuka unamne.

Mazmur 119:70 ပူးပေါင်းရင်းမြစ်များ

Mazmur 119:16

Ance, ‘Winibuka unamake’ tenen ati, nyapdeiamsulum yupu nirya ara, aning atonun wininyopura, na kanye delinamne. Winibuka unamna anya arye, ance, “Aning wininamlyame. Teleb winina ara, ani,” nyalisilyam yupu ara, pia kum batakanamne.

Mazmur 119:35

Na kam unamne talak nirya ara, ance, “Wininalyame,” nyapdeiamsulum yupu nirya ara, peterepniminyeura, ayupu uk, talibuka wininirye, mikip arye unamne. Ara, talye ati kume. Deiyok ara, narye, ‘An yupu uk, talibuka wininamne’ tenen, pia patanulule.

Mazmur 17:10

Sik yu nang arye, yuk nang ati, bico tenena ara, pia kum tenenyake. Tonda, sik yupu nyanyaka deice arye, malye weik winibikirye, pia maknya kintinin yupu nyanyake.

Mazmur 40:8

Narye aning akunum kel kipsa ati, wini talak ara, na yanmance, an dam aunmane. Ance nyapdeiamlumba, an yupu buku noutamak, nati akunum sekeipnik ning ara, nyapnukine.

Mazmur 73:7

Sik malye wininyak ninye, sik talima pum tam ara, malye winin ninguk langdipliba, alye una kum diparyuk, sikce, ‘Malye winin ninguk talibuka, talye lukparabuka wininamabe. Nun tenebibye touk, wininamabe,’ tenebikirye, adeice arye, malyeuk wininyake. Sikce, ‘Malye winin ninguk wininamabe,’ tenenyaka ara, pia weik ulula ati ara, kum nukmanto ulule.

Yesaya 6:10

Aninye ara, ‘Sik kanye talima kat unamle’ tenen, na yupu kum kekepmanto una deiyok ning arepnyopura, sik kanye talima katauk unamle. Aning atonun, amul kunukna deiyok ning arepneba, sik amul arye teleb kibuka, kum kekepmanto unamake. Tonda, sik asing kuna deiyok ning arepneba, asing kupliba, narye mambul pil donamne ning ara, bita kum eipnamake. Aning-aning nirya ara, sik wenena ati, kum winipnyopura, sik asing arye eibikirye, sik amul arye kekebikirye, sik kanye talima pum tam moubuka tenebikirye, kel kibikcopura, pia ilil kanye bobuka, unyak ning nirya, batakikirye, ‘Na dam tamubuka yacak’ tenen, nyapne. Ara, na dam tamubuka yatingopura, narye sik malye ning ati, kilipnirye, teleb kipdeiptinye bukni, sik malye-malye weik wininyaka ati, ‘Aning kum winipnamak’ tenen, talima kat una deiyok ning arepneba, kum kekepmanto una deiyok ninguk, talibuka pia unamake. Allah arye, ayupu nyapdeibukba kekepse.

Rasul 28:27

Deiyok ara ani. Anang ara, sik talima kat akunum ubuka ati, ‘Ayupu kekebibyak’ tenen, amul kunukdongobuka unyake. ‘Nun dina like’ tenen, asing kulamak atonun unyake. Ara sik asing kum kuptingatoura, asing arye teleb kibuka eiptinge. Sik amul kum kunuktingtoura, amul arye teleb kibuka kekeptinge. Winiptingura, sik kanye talima noutamak tenena ara, teleb kibuka kel biktinge. Winiptinyeura, na tam kipdongobuka, narye sikti, kwetepnirye lyepnamsine. Allah arye nyapdeibukura, Yesaya arye sekuk. (Yesaya 6:9-10)

Roma 7:22

Ati, talye kum nyapsine. Deiyok ara ton nyapnusine. Na kanye talima pum tam ara, Allah arye nyasilye yupu nirya ati, ‘Aning ara pia teleb’ tenen, kanye delinune.