Mazmur 119:61 - Eipomek

⁶¹ Tonda, malye winin ninguk, talibuka wininyak nang arye, nati, ‘Anye bira, nun like. El opnamap’ tenen, tapu koubuka deipnitinga babye, ance, “Aning ara, wininalulume. Aning ara, pia kum wininamlulume,” nyapdeiamsulum yupu nirya, na pia kum batakanamne. Aninguk pia talibuka banamne.

Mazmur 119:61 ပူးပေါင်းရင်းမြစ်များ

Ayub 1:17

Bitinye anye babye yupu nyabuka, kum sirya dakabuk buk, ton winilinye yayukce, “Na ni koprop Ayubo, Kasdim mutuku nang yupa winilye yayakce, an unta basam wein ati, pil don nang ap, an unta basam ap nirya obakce, na tonok batakneyakba, na ni, anti lake nyalyakine,” nyabuk.

Mazmur 119:16

Ance, ‘Winibuka unamake’ tenen ati, nyapdeiamsulum yupu nirya ara, aning atonun wininyopura, na kanye delinamne. Winibuka unamna anya arye, ance, “Aning wininamlyame. Teleb winina ara, ani,” nyalisilyam yupu ara, pia kum batakanamne.

Mazmur 119:176

Se, na ni Allah, nara an amu tam unirye, an piluk donun bukni, domba basam tonok wangamliba, el weina deiyoknye birye, ‘Na domba basam, dan mutuku ulul do?’ tenen, elamle touk, nara teleb ban bisik wangapnukba, malye kanye bobuka, ununa anya arye, ance elyanamnilame. Ara, talye ati kum bukni, ance, “Aninguk wininamlulume. Aning ara, kum wininamlulume,” nyapdeiamsulum yupu nirya, luba kum kinune. Ayupu ara, moubuka teninauk unune. Ati melibuka elyanamnilame na nio. Raja weik Daud arye, Allah morona deice arye, amot yupu nyabuka sekuke.

Mazmur 119:95

Sik malye wininyak nang arye nati, ‘Anye bira, nun lik anya arye, optibye’ tenen, kintinibuka dininyake. Bukni, nara Allah ance, “Winibuka wininamlulume,” nyalisiminye yupu atibuk, ‘Deiyok ani’ tenen, moubuka, kel biknin banamne.

Mazmur 140:5

Ati ara, se na ni Yahweh, pia malye wininyak nang, ‘Sik taruk mikip arye, malye kipdeipnikcak’ tenen, ancuk nati, kalekuka melinamnilame na nio. Ara, ayu nang arye, yuk nang ati, talye mangkau asa oltakanyaka ati, ‘Sikce na ton opnikcak’ tenen, Allah ancuk melibuka kalikinamnilyame. Tonda, ayu unyak nang arye, nati, ‘E, anye Daud elda, winibuka-winibuka winiptibya deice arye, el daoptibye,’ teneninyake.

Mazmur 3:1

Raja Daud elce deibuknye, Absalom birye, ‘Na ni koproba opnamneʼ tenebuk talak ara, Daud ilil ubuk ati, bikbik abuka bindobuk talak arye, aMazmur yupu sekuk. Daud birye nyabuk yupu ara, ani.

Amsal 24:29

Tonda, “Yuk nang arye, na nong deice ikin ning deipnike. Ati, kwang dakana ati, narye tamubuka ikin ning dobuka, sik nong deice deipnamne,” nyana kume. Aning atonun, “Yuk ninye nirya arye, nati winipmaniyak touk, narye tamubuka sikti, kwang daknamne,” nyabuka kum unamlulume.

Hosea 6:9

Ubula don nang arye, ninye banyak bisik lilunak duknubikirye, ‘Yatanye do, mangkau kanye bobuka yalyopura, anye obuka, el bona ubula dopropnuyapʼ tenen, winilamak touk, Gilead mutuku noutam unyak imam nang babye, atonun wininyake. Sikda ubula dona weik unyake. Ninye asik domik ning, pia mambul mutuku, Sikem mutuku banyak bisik noutam arye, ninye obikiba, dibinyake. Tonda sikce, ubula dona ap, malye weik winin ning, yuk ning ap ara, tenina deice arye amalye winin ning, weik tonun wininyake.