Ance nyasiminye yupu weik arye, patanulul anya arye, na kanye talima noutamak ayupu ati tenipdenirye, ‘Se ayupu ara, weik tonun ton kel biktinye’ tenen, talimauk dinulule. Winipmanto ara, kam ara, mek pataliba, si akuka kang-kang alamle tonun, unune. Ara, talye ati kume. Na ni Allah ance, “Aning ara, wininalulume. Aning ara, pia kum wininamlulume,” nyapdeiamsulum yupu nirya ati ara, ‘Ayupu kel biktinye’ tenen, pia patanilya deice arye unune.
Mazmur 119:5 - Eipomek5 Diba, na ni Allah, nara ance nyapdeiamsulum touk, pia moubuka wininirye, na kanye talima nirya, an deiceuk deipnirye, ance, “Aning ara, wininamlulume. Aning ara, pia kum wininamlulume. Teleb winina ara, ani,” nyapdeiamsulum touk, ‘Na ni koprop Allah arye, meliniliba, ayupu uk moubuka tenepnirye, aninguk melibuka, dobolbanamne’ tenen, morokunune. အခန်းကိုကြည့်ပါ။ |
Mazmur 119:5
11 ပူးပေါင်းရင်းမြစ်များ
Diba, na ni Allah Yahweh, nara ance, “Aninguk wininamlulume. Aning ara, kum wininamlulume. Teleb winina ara, ani,” nyapdeiamsulum yupu nirya ati, narye pia kanye delinune. Winibuka ununa ara, ance elinilyame. ‘Ance nati, dipkoprob weik arye bico tenenimince, weik arye lyebuka meliniminba, tuba kam unamne’ tenen, moropkine.
Ance, “Aninguk wininamlulume. Aning ara, kum wininamlulume. Teleb winina ara, ani,” nyapdeiamsulum yupu nirya, narye, ‘Ayupu uk moubuka kel kipnirye, aninguk pia talibuka wininamne’ tenen, akunum dobuka dobolbanune. Ati, ‘Anda dinimince, kintinibuka natibuk, pia bico tenebuka, melinamnilam’ tenen, moropkine.
Na ni koprop Allah, ance nati, teleb ubuka, kel bikna deiyok ning areniminba, ance nyaliniminye yupu nong noutam ninguk, kekebuka dobolbanune. Aning ati ara, ance nati, “Aning wininamlyame,” nyaliniminye yupu, ‘Aninguk kekebuka, dobolbanirye, kanye deibuka unamne’ tenen, an dam bikbik abuka banune. An yupu uk moubuka talinirye, dobolbanamne.
Allah ance na kanye talima noutamak, pil dopniminyeura, ance, “Aning ara, wininamlume. Teleb winina ara, ani,” nyapdeiamsulum yupu nirya ara, aninguk pataniliba, an yupu talibuka wininamne. Na kanye talima noutamak, an yupu uk pia pataniliba, aninguk talibuka, wininamne talak nirya ara, yuk talye ning nirya ati, ‘Aning weik arye doproptiniba, bona weik talinanye unamne’ tenen, kum patanamnile. Na kanye aryuk tenen ning, talibuka kum wininamne.
Winibuka, ance teleb kibuka deipniminyopura, ila tuba tonap, kanye deibuka unamne. Tonda, na malye winipsa ati, ance kel biknulumce, ‘Elda malye winibuknye,’ tenebuka wenepnulumce, pia weik ikin ning arepnuluma deice arye, imun kanye bobuka unun bukni, ‘Ance aikin ning dobuka lyepnulumce, kum kipdeipnulumba, ila tuba tonap teleb unamne’ tenen, moropkine.
Bukni, sik malye winilamice ning ati, wenen ning akunum arepnyopura, aminyan talak, narye winiryuk nyalin yupu, sik Israel ninye dam nyapdeipnamne ning ara, atia. Minop talak narye, ‘Aning wininamlulume. Aning ara, kum wininamlume,’ nyabuka, yupu deice nyaiamse ning ara, aminyan talak ara, ayupu moubuka tenenyak, ninye ara, yuk-yuk sik talima noutamak deipniba, moubuka tenenamake. Minop talak ara, keil deice sekuka arepse bukni, aminyan talak ara, sik talima pum tam sekuka deipnamne. Winipnirye, nara sik ni koprop Allah unamne. Sikda, na mapu koprop pia aunamake.
Ara, nun Deiyoknye Yesus arye, anggun melisilya deice ara, Allah arye anggunti, weik arye bicoe tenesilirye, melisilye ning nirya ara, ‘Weik bikmunce, el ap, kanye dukdongobuka unamlulum’ tenen, Allah morosenyabe. Tonda, el melisilya deice arye, Yesus Kristus ikin ning aulamuka babye, Yesus Kristus batakna pia kum aryuk, pia pi dobuka, pil mikip arye dolamuk touk, ‘Anggun babye atonun wininamlulum’ tenen, Allah morosenyabe.
Anggunti Allah morosunun ning ara, nyapnusine. Ara, ‘Yesus Kristus melisilya deice arye, anggun talima noutamak pil dosiliba, Allah arye, ‘Wininamake,’ tenyamsuk ning, el kanye delisulul ning nirya weika arye kipnamsile’ tenen, Allah morosunune. Yesus melisilyeba, aning nirya aupsilyopura, adeice arye Allah arye anggunti, ‘Wininamake,’ tenesilye touk, ‘Telebuk unamlulume’ tenen, Allah morosunune. Tonda, ‘Wini talak arye dipdongobuka, doryanamle talak nirya ara, ninye im sirya, mutuku sirya nirya arye, Yesus Kristus el siuk weik arye erenamak’ tenen, pataniliba, Allah moronune. ‘Dipkoprop pia telebuk wininamak’ tenen, “Amin,” nyabuka, Allah morosunune.
ကြော်ငြာတွေ