Mazmur 119:145 - Eipomek

¹⁴⁵ Na kanye talima nirya ara, an deiceuk deipnirye, na ni Allah Yahweh anti, “Na melipnilyame,” nyabuka morokunune. Diba, na ni Allah Yahweh, anti nyapkine. Nara, dipkoprob ance, “Aninguk wininamlulume. Aning ara, kum wininamlulume. Teleb winina ara, ani,” nyapdeiamsulum yupu uk, talibuka amu tam unirye, kekebuka dobolbanamne.

Mazmur 119:145 ပူးပေါင်းရင်းမြစ်များ

Mazmur 102:1

Atalak ara, ninye tonoknye ton ikin ubukce, pia mitanguk ulamuka ati, anye birye, Allah ati morobuk yupu. Allah morobuk noutam arye, “Ikin unulul ning ara, winibuka-winibuka unulule,” nyabuka, Allah Yahweh el dam nyabuk. Anye birye nyabuk yupu ara ani.

Mazmur 119:10

Tonda, na kanye talima nirya arye, an deiceuk deipkinirye, asum-asum nirya, antibuk piribuka enamkine. Aning atonun, ance meliniminba, ‘Ance nyapdeiamsulum yupu moubuka tenepnirye, pia dobolbanamne’ tenen, morokunune. Ara ance, “Aning ara, wininamlulume. Aning ara, pia kum wininamlulume,” nyapdeiamsulum yupu nirya ara, ‘Moubuka dobolbanamne’ tenen, nyapne.

Mazmur 119:106

Narye an damak, “Aning ara, pia dipkoprob wininamne,” nyabuka, nyalin yupu nyapse ning ara, kum bataknamne. Aninguk wininamne. Ara, ance nyapdeiamsulum yupu nirya ara, pia dipkoprob diksukum yupu anya arye, aninguk moubuka kekepnirye, talibuka binamne.

Mazmur 119:115

Se, anggun malye winin ninguk talibuka winilulum ninye nirya ara, na dam pia kum yanganamlulume. Deiyok ara, ‘Nara Allah arye, “Aning ara, wininamlume. Aning ara, pia kum wininamlume,” nyapdeipsisi yupu, ‘Pia moubuka kekepnirye, aninguk talibuka wininamne,’ tenenuna ati, anggun malye winilulum nang ara, na dam pia kum yanganamlume.

Mazmur 119:44

Nara ance, “Aning ara, wininalulume. Aning ara, pia kum wininamlulume,” nyapdeiamsulum yupu, ‘Batakna kum diparyuk, talibuka pia winipnin banamne,’ tenenune.

Mazmur 119:58

Na kanye talima nirya, an deiceuk deipnarye, moropkine. Ara, ‘Ance nati, bico tenepnimince, pia telebuk winilinamnilame’ tenen, moropkine. Abico tenenamnilam deiyok ara, ance, “Winibuka melipnamkine,” nyabuka, nyalina yupu deice arye nyapnulum touk, ‘Aninguk wininamnilam’ tenen, moropkine na nio.

Mazmur 119:8

Tonda ance, “Aning ara, wininamlulume. Aning ara, pia kum wininamlulume. Teleb winina ara, ani,” nyapdeiamsulum yupu uk, talibuka winilamnirye, an amu tamuk dobolbanamne. Ayupu talibuka dobolbanamne talak nirya ara, ‘Na ni koprop Allah arye nati, pia kum bataknamnile’ tenen, morokunune. Ara, ance nati, ‘Anye bira, teleb ubuka kum winilula anya arye, elti, bataknamne,’ tenebuka, ‘Kum bataknamnilam’ tenen, morokunune na ni Allah.

Mazmur 62:8

Ninye tukwak nang arye kum bukni, ikin upmanilibuk na ni Allah arye, lyepnilyopura, teleb kibuka erepdeipniliba, yuk nang arye, nati, si erebuka kininyake. Allah ara, elcuk melibuka kalikinulule. Yata ikin ning do nirya, el dam kum yanuka opnutua ati, el dam ara, na telebuk unune. Elda pia mikip weik keil aik atonun, tonda weik mutuku kon keil atonunye ulule.

Mazmur 86:4

Anda, aning-aning nirya talimince, deice tam erebuka, mikip weiknye deiyoknye ulyama ati, diba tenekinirye, na kanye talima nirya ara, an deiceuk delikunune. Ati ara, ance melipniminyeba, pin-pin kanye deibuka, telebuk unamne. Nara, an amu tam unun ati, ance, ‘Winipnamlame,’ nyapniminye yupu dem, talibuka unune.

Yeremia 29:13

Ara, anggunce nati, diba tenebuka, anggun kanye talima nirya, na deiceuk deibuka moropnumunyopura, anggun moropmunye ning ati melinamsine. Anggunce, nati, Se, nun ni koproba Allah, dan sukum ulul do? Elce nyapnamsil yupu ara, moubuka kekebibirye, biktibyeʼ tenen, pia pataplyeba, epnumunyopura, dipkoprob neika unamabe. Kanye talima telintona kumce, dipkoprob epnumunyopura, eipnamnulume. Na Allah Yahweh arye nyapsine.

1 Samuel 1:10

Abukmokce, kekenmokba, Hana bira, pia ikin kanye bopmukce, mur-mur abuka, weika arye engenmokce, Allah el si Yahweh ati moronmok. Atalak ara, ayupu nyabuk.

1 Samuel 1:15

Nyabuka wenebukopura, Hana birye tamubuka nyabuk. “Kume na nio, nara ninye kanye wangan mek aning-aning nirya, kum dinune. Nara, ikin kanye bopmana ati, ikin unilye ning ati engenmance, na ni Allah el si Yahweh ati, na talima pum tam unulul ning arye, elti, nyanmance, moronmane.