Mazmur 119:143 - Eipomek

¹⁴³ Tukwak mutuku noutamak unamne talak ara, pia kanye imun ning, na damak yanganamnile. Bukni, ikin ning, na damak yanganamnila babye, ance, “Aninguk wininamlulume. Aning ara, kum wininamlulume,” nyapdeiamsulum yupu nirya ati ara, na kanye deibuka unune. Ayupu ara, pia patanulule.

Mazmur 119:143 ပူးပေါင်းရင်းမြစ်များ

Ayub 23:12

Aning atonun, Allah elce, “Aning ara wininamlume, aning ara, pia kum wininamlume,” nyapdeipsuk yupu ara, narye ayupu moubuka talipsirye, tuba dobolbanauk unune. Na kanye aryuk, ‘Aning winiptinye tenepnye ninguk, kum wininune. Tonda, Allah arye nyapsuk yupu moubuka tenipnirye, na kanye talima noutamuk bolonune. Ayupu ara, pia mambul,’ tenenune.

Mazmur 116:3

Tapu koubikiba, kum lopmanto ulamle touk, upnukbuk, nara dipmanto wamse bukni, Allah arye lobuka lyepropnukba, kam unune. Dipmanto upse talak ara, ‘Dipnun do?’ tenen, ilil weik upnukce, na kanye talima weik arye uk dipnuke.

Mazmur 119:107

Na ni Allah Yahweh, nara pia weik kanye imun deiceuk ununye. Ati ara, Allah ance melibuka kalikinamnilyame. Ara, ‘Minop talak ance nati, “Winibuka melibuka kaliklamkiniba, kam unamlame,” nyabuka nyalilamnulum touk, wininamnilam’ tenen, moropkine.

Mazmur 119:16

Ance, ‘Winibuka unamake’ tenen ati, nyapdeiamsulum yupu nirya ara, aning atonun wininyopura, na kanye delinamne. Winibuka unamna anya arye, ance, “Aning wininamlyame. Teleb winina ara, ani,” nyalisilyam yupu ara, pia kum batakanamne.

Mazmur 119:47

Ance, “Aning ara, wininalulume. Aning ara, pia kum wininamlulume,” nyapdeiamsulum yupu, kekebuka winina ati, na kanye delinamne. Aning ati ara, an yupu bobuka, yuk ninye dam laka nyalbinamne talak ara, alye kum dakanamne.

Mazmur 119:77

Na ni Allah, na kam unamne talak nirya ara, na kanye deipnirye ance, “Aning ara, wininalulume. Aning ara, pia kum wininamlulume,” nyalisilyam mem yupu uk tenepnirye, na kanye talima nirya, telebuk unilirye, kanye deibuka ayupu dobolbanune. Ati ara, ance nati bico tenebuka upniminba, na ton pia teleb ubuka, kam unamne.

Mazmur 130:1

Se, na ni Allah Yahweh, weik ikin ning, na dam yanmanilba, imun kanye bobuka unmane. Ati, ‘Na ni Allah arye, yanuka melipnilyame,’ nyabuka, weik yupu deice arye ngalukunmance, na ni Allah Yahweh, anti moropkine.

Yohanes 4:34

Walwal arye nyaldanmekba, Yesus arye ayupu winipmanto yupu deice, el mapu ati nyabuk. Na din ning atonun ning nyapmasina ara nyapnusine. Ara, na dopdeipnuknye, elce, ‘Wininamle,’ tenyamnuk piluk, ‘Dopnin banmanya ani, sirya daknamne,’ tenenune.