Tonda, na kanye talima nirya arye, an deiceuk deipkinirye, asum-asum nirya, antibuk piribuka enamkine. Aning atonun, ance meliniminba, ‘Ance nyapdeiamsulum yupu moubuka tenepnirye, pia dobolbanamne’ tenen, morokunune. Ara ance, “Aning ara, wininamlulume. Aning ara, pia kum wininamlulume,” nyapdeiamsulum yupu nirya ara, ‘Moubuka dobolbanamne’ tenen, nyapne.
Mazmur 119:110 - Eipomek110 Malye winin nang arye nati, ‘Anye bira, nun lik’ tenen, na damak, ‘Wena wepmakiba yulamle atonun, upnamle’ tenen kalikeninyak bukni, Allah ance nyapdeiamsulum yupu nirya, ton kum batakanune. Aninguk talibuka, winipnin banamne. အခန်းကိုကြည့်ပါ။ |
Mazmur 119:110
16 ပူးပေါင်းရင်းမြစ်များ
Ance nyasiminye yupu kum kekebice ninye arye, kwalinyak deice malye wininamak ninye ati, ance wenepnamlyame. Ance, “Aning ara, wininamlulume. Aning ara, pia kum wininamlulume,” nyapdeiamsulum yupu nirya ara, amalye winin ninguk, talibuka wininyak ninye arye, yaniltanyake. Ance nyalisimin yupu yanibuka batakikirye, malye winipnin banyake. Winibuka unyak ninye ati ara, sik anang nong deice, sulongonamlyame.
Ninye ton malye winibuka, kwalinauk ukirye nati, “Elda mambul kum, talinyeuk ulule,” nyabuka, yep-yep abikirye, pia malye teneninyake. Utenenyak bukni, ance, “Aning ara, wininalulume. Aning ara, pia kum wininamlulume,” nyapdeiamsulum yupu ara, talibuka wininamne. Ayupu ara, batakuka, talye kanye bobuka, kum unamne.
Winipmanto ara, ninye arye, ‘Bura tam kam ulul ning, tuku pum bisik sakliba, opnamabe’ tenen, tuku palibuka, lumulamak touk, malye ninye arye, nati, ikin ning weik, na nong deice deilininyake. Ara, sik talima erepdakirye, kwalibuka banyak nang arye, na nong deice, ikin ning weik delininyake. Winibuka unyaka deice arye, Allah ance, “Aning ara, wininalulume. Aning ara, pia kum wininamlulume,” nyapdeiamsulum mem yupu ati, yaniltanauk wininyake.
Ati ara, se na ni Yahweh, pia malye wininyak nang, ‘Sik taruk mikip arye, malye kipdeipnikcak’ tenen, ancuk nati, kalekuka melinamnilame na nio. Ara, ayu nang arye, yuk nang ati, talye mangkau asa oltakanyaka ati, ‘Sikce na ton opnikcak’ tenen, Allah ancuk melibuka kalikinamnilyame. Tonda, ayu unyak nang arye, nati, ‘E, anye Daud elda, winibuka-winibuka winiptibya deice arye, el daoptibye,’ teneninyake.
Tonda, ‘Anye nun lik,’ teneninyak nang arye, ‘Anye tomobuka opnuyap’ tenen, akunum kintinibik ning aupmala ati, na nio, ‘Ancuk kalekuka melipnamnilam’ tenen, moropkine. Ara, sik malye winin ninguk talibuka, pia malye-malye wininyak nang arye, ‘Anye tomobuka, opnuyap’ tenen, kintinip deibik ning pum tam, ‘Mangkau asa binirye, aning pum tam sakuka weknyak’ tenen, ance kalekuka melinamnilame, na nio.
Atalak nirya ara, yu nang arye, ‘Anye akunum optibye’ tenen, patapliba, unyak nang ara, nati ninye on ning kintinibuka, deilinyake. Tonda, sik yu nang arye, ‘Anye Daud bira, nunce optibye,’ nyabuka, nyaninyak nang ara, yuk nang ati, “Anye Daud bira, el obuka sice buklopnamabe,” nyabuka, yupu talinyake. Anang arye, kiting noutam nirya ara, ‘Anye optibye’ tenen, yuk nang ati, “Anggun babye yanuka melipsululume! Nun ap, anggun ap neika bibirye, anye opnamabe,” nyabuka, yupu talinyake.
Na on nang arye, ‘Anye tomobibirye, el nong deice, ikin ning deibibirye, opnamap’ tenen, warikininyake. Ayu nang arye, ikin ning pia weik, na deice delininyaka ati, na talimauk dinilirye, pia mitang dem unulule. Ninye on nang arye, ‘Bai tam kam ulye ning opnuyap’ tenen, tuku pum tam palibikirye, yo tace lubuka, atuku pum tam ikuka delilamak touk, sikce na ban bisik ara, ninye arye, tuku lukuka deibikce, yo tace lubuka atuku pum tam ikuka kintinip deibik. Winilamik bukni, sikce, ‘Yuknye opnuyap’ tenen, kintinip deiamik ning pum tam ara, sik damang akintinip deiamik ning pum tamuk, sakuka poulbiyikce, opdayik.
Tonda ance, yuk pera mutuku yu ninye nyapminba, talye karin arye, sik aik dam yakibuk eibikirye, sik amutuku ninye nirya, ilil upnamle. Winipmanto ara, ‘Yu weik nang, ubula dona ati yakibuk, sik aik unmace ninye eibikirye, ilil weik upliba, engelamak touk, winipnamak’ tenen, nyapne. Ara, amutuku ninye arye, ‘Anye biti opnuyap’ tenen, yupu talinyaka ati nyapne. Winipmanto ara, na sakuka bulyanganyaka ati, sikce akunum tuku palibuka kintinipnik. Aning atonun, sikce nati, wena pum bisik wekna ati, akunum kintinibuka delininyake. Ati ara, aninye nirya ara, ance wenepnalame, na nio.
Ayupu nyapdeibukba, Daniel kekebuk. Kekebukopura, adiparyuk tamubuka, el ulamuk aik biyukce, asum-asum nirya ulamuk touk, el im aik jendela kukuk. Ara, Yerusalem tam botcamik jendela ara, kukeibukce, el Allah si erelamuk touk, gutam tuku dipdongobuka, Allah morobukce, Allah el si erena ati, mot sebuk. Ara, Allah yupu mot sebuka winililamuk touk, asum babye atonun, Allah ati, teleb abuka kinmok.
ကြော်ငြာတွေ