Mazmur 118:10 - Eipomek

¹⁰ Minop talak ara, na mal olan nang weik yangalamikce, yanuka weik arye, wareklamnik bukni, Allah Yahweh, el mikip weik deice arye meliamnukba, Allah Yahweh, el si deice arye, sik aolyangalamnik nang nirya ati obuka, sirya daklamse.

Mazmur 118:10 ပူးပေါင်းရင်းမြစ်များ

Mazmur 18:40

Aning nirya winilamsa ara, na mikip deice arye kume. Aning kum bukni, an Allah aryuk, ‘Anye el mal olan nang olbilirye, sik nirya obuka sirya daknamle’ tenen, mikip weik arepnuluma deice aryuk, na mal olan nang nirya oplopse. Ara, an Allah aryuk nati, mikip weik arepnuluma deice arye, sik nirya obuka sirya dakse. Ance na mal olan nang ati, mitang kipdeiplumce, ance sik dobuka na amu tam deiplume.

Mazmur 18:41

Allah ance na melina ati, mambul pil dopnuluma deice arye, na mal olan nang nirya ilil ubukba, ‘Se, anye birye opnamsil’ tenen, sikce donga karikuka, bikbik abuka bindobike. Tonda, ance meliamnuluma deice arye, nati, ‘Anye nun pia lik,’ tenelamnik nang nirya ara, obuka malye kipsirye sirya dakse.

Mazmur 88:17

Tonda, winipmanto ara, weik ipna ibikceba, uku arye aning-aning nirya diplirye, sirya daklamle touk, an yu weik ulula ati, na wenena ati areminye ning ara, na deiceuk yanganulule. Ara, na malye winilamse ning ati, dekna weik mambul ning dobuka, na deice wenebuka arenilyam ning arye, na obuka sice bultakanilirye, sirya dakanule.

Mazmur 88:18

Ara, asum-asum nirya noutam ara, na wenena ati arenilyam ikin ning ara, na dana-dana tam nirya, antanap dongobuka yanganulule. Winipmanto ara, weik mek opnin banmalirye, dana-dana tam ulul ning nirya dilamle touk unulule. Ara, tonok tam arye kum yanganulule. Aning kum bukni, na dana-dana tam nirya arye, aikin ning na dam yanganilirye, dinikilongonulule.

Zakaria 12:3

Bukni, atalak akunum dam uplyopura, Yerusalem mutuku nang ara, ‘Yuk mutuku nang arye amutuku nang obuka sice buklobikcakʼ tenen, narye kalikinamne. Winipyeura, yuk mutuku nang arye, ‘Yerusalem mutuku nang opnuyab,’ tenepnamaka babye, kum winipmanto upnamake. Winipmanto ara, ninye arye, weik ikin keil awamlye buk, sikce, ‘Akeil nun babye mikip aryuk erebuka yukak bobinamap,’ tenebikirye, tomoptinga babye, akeil kum tomopmanto unyake. Aning atonun, narye Yerusalem mutuku kaliklyeura, yuk mutuku nang arye, anang obuka kum sice bukloptinge. ‘Opnuyab,’ teneptinga babye, sikda olana uk upnamake. Bukni, ‘Yerusalem mutuku nirya, sice buklopnamabʼ tenen, mutuku sirya, im nirya daunyak nang nirya arye, Yerusalem mutuku dam yakirye, warikilyanamake.

Yosua 11:5

Sik aninye deiyok nang nirya ara, ‘Israel nang olbana ati, neika ansinibuka olbinamabeʼ tenen, biyik. Tonda mitik mek, Merom mek pudam yanuka, tenda aik tia ati dobik.