Mazmur 116:2 - Eipomek

² Na ikin weik ulamnuk talak ara, na ni Allah ati, malye nyabuka moropse talak ara, el kekepnukce, meliamnuka ati, na kam unamne talak nirya ara, el tibuk moronamne.

Mazmur 116:2 ပူးပေါင်းရင်းမြစ်များ

Ayub 27:10

Dipkoprob sikda, ‘Allah nun like. Elce nyasulul yupu pia kum kekenamabe,’ tenenyak nang ara, sikda Allah ati, dipkoprob kanye kum delinyake. Tonda, sik anang arye, ‘Allah ati, kanye deibipyakarye, tuba moronamap do? Kum do?’ tenenyake.

Mazmur 28:6

Nun ni koproba Allah Yahweh ati, ‘Se, elda pia teleb ulule,’ nyabuka, el si erenune. Nun ni koproba Allah Yahweh ati, ‘Se elda nun morobibye ning akunum kekeplirye, pia teleb kilisulule,’ nyabuka, el siuk erenune.

Mazmur 31:2

Se, na ni koproba Allah Yahweh, anda, ‘Ikin ning na dam yanilyak’ tenen, ‘Ancuk nati, melibuka kalikinamnilam’ tenen, morokunune. Tonda, ‘Yu nang arye do, yuk ikin ning arye do, ikin upnilya babye, melipnamnilamba, alye kum daknamne’ tenen, morokunune na nio. Alye kum daknamne bukni, anda diksukum ulyam ning ap, ance nyapdeiamsulum yupu ap deice arye, na ikin unilye noutam arye, ‘An Allah arye melibuka lyepnamnilam’ tenen, moropkine na nio.

Mazmur 31:3

Ati na ni Allah, ‘Narye anti, pia morokinye ning nirya ara, moubuka kekepnilyam’ tenen, moropkine. Ara, ‘Naio an kekepnimince, na ikin unulul noutam arye, lobuka lyepnamnilam’ tenen, moropkine. Tonda, winipmanto ning ara, weik mutuku kon bukamlya dong tam, keil deiya dam duknuptinyeba, ‘Teleb kipdeipnamnilamʼ tenen, moropkine. Na nio ‘Ance talipnimince, kalikinamnilamʼ tenen, moropkine. Tonda, ninye arye, ‘Nun on nang arye, yanuka opsikcak’ tenen, weik keil aik poka dobikirye, anoutam ulamak touk, ‘An dam tuba uptinyopura, ancuk nati, melibuka kalikinamnilam’ tenen, moropkine na nio.

Mazmur 40:1

Daud birye, mot nyana deiyoknye el si Kor biti, amot deice arye nyabuk.

Mazmur 88:1

Sik Korah yala nang arye deiamiknye arye, Mazmur mot yupu sekuk. Ara, Allah yupu mot nyana deiyoknye arenamika ati, amot ara, sekeibuk. Tonda, amot yupu ara, ‘Yuk Allah yupu mot, el si ‘Leanot mot’ nyanmakceba, el lelim nyalamle touk kibuka, amot babye atonun nyanamak’ tenen, sekuk. Tonda, Ezrahi yalanye, el si Herman birye, amot yupu sekdeibuk. Ara, ‘Israel yala nang nirya arye, aning ara kel bikinamake,’ tenebukce, sekuk. Herman birye sekuka nyabuk yupu ara, ani.

Yunus 2:3

Na ni Allah ance, laut mekwen pum tam dongopnulumba, mekwen amu koproba, danyuk unmanue. Winipnulumba, mek mikip arye, ‘Yanuka, bobitinye’ tenen, pirinulule. Tonda, ance nyaplumba, mek mikip lontik-lontik abuka, singnipmanuke.

Lukas 18:1

Yesus arye, ‘Na mapu ara, batakna kum arye Allah moronauk unamak,’ tenebukce, ‘Winipmanto yupu nyapnyeura, kel biknamak,’ tenebuk ati, ayupu nyabuk.

Pilipi 4:6

Yesus nun dolyanamsil talak ara, akunum dam upsil anya arye, yata ning do nirya ati, ilil upsiliba, ‘Se, yata upnamap do’ tenen, teniltonauk kum unamlulume. Ilil upsiliba, teniltona kum unamlum bukni, aminyan winipnamsil ning noutamak nirya ara, Allah ati moronamlulume. Ara, Allah ati telebe nyabuka, anggun patapsilye ning nirya ara, lakak nyapmunce, Allah pia moronamlulume.

Kolose 4:2

Anggun Kolose ninye nirya ara, batakna kumce, pia pi dobuka, Allah moronauk unamlulume. Wininamlum talak nirya ara, ‘Mankau arye malye winibibyak’ tenen, pia kanye moubuka kalikildanamlulume. Tonda, Allah ati, pia “Telebe,” nyanamlulume.