Mazmur 116:13 - Eipomek

¹³ Allah ance ninye lyena ati, teleb yupu nyapdeiplum ning ara, narye, ‘Yuk nang kekebikirye, dib tenenamak’ tenen, pia laka nyabuka peterenamne. Tonda, ‘Allah ance pia melipnamnilam’ tenen, an siuk kibuka moronamkine.

Mazmur 116:13 ပူးပေါင်းရင်းမြစ်များ

Mazmur 105:1

Allah ati, ‘Telebe,’ nyapmunce, el weik mambul yupu nyabuk ning ara, ninye mutuku-mutuku nirya ukcak, laka nyanamlulume.

Mazmur 116:17

Winipnulum ati, narye an si erena ati, kam ning obuka boyanirye, adiparyuk anti, “Telebe,” nyabuka, an si erenamkine.

Mazmur 116:2

Na ikin weik ulamnuk talak ara, na ni Allah ati, malye nyabuka moropse talak ara, el kekepnukce, meliamnuka ati, na kam unamne talak nirya ara, el tibuk moronamne.

Mazmur 16:5

Na ni Allah Yahweh, aminyan talak teleb upnamnile ning ara, ancuk arenamnilama ati, an siuk erenamne. Na wininun ning ap, talinun ning ap nirya ara, ancuk kalikinilyame. Ati an siuk erenamne.

Mazmur 80:18

Ance wibuka, an sirik taruk tam deiamsulum nang ara, ance pia ati melinamsilame. Nunda, Allah ance deibuka, kwaknalamsulumba, nebupu nang ati ara, ‘Ance tonap mikip arepnamsilyame’ tenen, moropkine.

Yesaya 12:4

Atalak akunum kiplyopura, anggunce nyapnamlulume. “Nun nirya arye, Allah el tibuk, telebe,” nyabuka, el siuk erepnuyabe! Tonda, ‘Elcuk melibuka lyedopnamsilʼ tenen, el tibuk morobibyakarye, el siuk erenamabe. Tonda, Allah el mikip weik arye, mambul pil dolul ning nirya ara, ‘Yuk mutuku nang nirya kekepnamakʼ tenen, aning laka nyalbinamlulume. Tonda, “Nun ni koproba Allah, mambul weiknye ulula ati, el pia teleb siuk, pia telebe,” nyabuka, erenamabe. Ati ayupu nyabuka, laka nyalbinamlume.

Lukas 22:20

Aning winibuk touk, sik din ning dibuka dakalongoyikura, anggur mek makau arye kwebuka dobukce, ayupu nyabuk. “Amek ara, na ining atonun ulule. Na ining deice arye, winiryuk nyalin yupu nyapdeipsine. Bukni, minop talak ara, Allah arye nyalilamsuk ning ara, akunum punuple. Winiryuk nyapdeipsin yupu ara, minop talak nyalin yupu akunum punupmale. Ara anggun ap, ninye mutuku-mutuku nirya ap ati, opnikceura, na ining saklya deice arye, Allah arye sik malye winin ning namin kiplirye, kum danipnamle. Ninye weik lyeplirye, sik kanye talima pia talinamle. Bukni, minop talak nyalilamsuk touk kume. Wini talak Allah nyalisilye yupu yuk ulule. Ara, wini talak babye, aminyan talak babye, na ining deice arye ninye malye winin ning kum danipnamle. Ara, ninye weik lyena yupu ati, winiryuk nyalilye ning nyapne,” Yesus arye nyabuk. (Ara, “Ninye mutuku-mutuku nirya noutamak, kili sal weik, sik malye ulamice ning ap, malye tenelamak ning ap ati, kum daneipnirye na ining arye lyepnamne.” Yesus arye nyabuk.) Nyabukce, ayupu tonap nyabuk.

1 Korintus 10:16

Nun Deiyoknye Yesus el ining deice deksuka ara, ‘Pia tenepnamap’ tenen, mek makau bobuka, Allah ati, “Telebe,” nyabuka, neika dinyaba deice arye, Kristus el ining deice arye, lyepsuk ning ara, dopropbibyopura, el ap talima dukdongobuka neika unyap do, kum do? Aning atonun, Yesus el nong ara, wanwanun yo deice obikbuk dipsuka ara, ‘Pia tenepnamap’ tenen, tonok kwaning dobuka, bokibirye neika dinyaba deice arye, Kristus el nong arepsuka deice arye, lyepsuk ning ara, dopropbibyopura, el ap kanye talima dukdongobuka neika unyap do, kum do?

1 Korintus 10:21

Gume, ‘Nun Deiyoknye Yesus ap, neika unamap’ tenen, el si erena ati, mek dilulum talak ara, Kristus ap, Isa Mutuku Dongonye el ap ati, anggun neika tabakuka kum si erenamlulume. Ara, kum winipmanto. El si erena ati, dinyap kwaning ara, Yesus el si erena ati wininyabe. Ati, Isa Mutuku Dongonye ap tenebuka, el si erena ati, yuk kwaning ap, tabakuka kum dinamlulume. Ara Yesus ap, isa ap, nun ap, talima dukdongobuka kum upmanto ati nyapsine.