Mazmur 109:24 - Eipomek

²⁴ Narye, din nirya bataknirye, ‘Allah ara, yata yupu nyapnamnil do?’ tenen, din dina kum aryuk, moubuka kekenun bukni, adeice arye, na yan ap, kutam ap ara, pia mitang kipnin banmanile. Din dina kum aryuk, mitang upnilyeba, na nong bol nirya ara, pia malye upmanilba, na yok ap nirya ara, lake kipnile.

Mazmur 109:24 ပူးပေါင်းရင်းမြစ်များ

Ayub 19:20

Atalak ara, na nong bol urasin ton bona kume, yokak bikamnuke. Winyamnuk talak ara, dipkoprob dipmanto wamse. Na nong tup kalimna ara, pia kum danamnuke.

Mazmur 22:14

Winibuka yana warikinin yakopura, na mikip ara, kum kipnin banulule. Winipmanto ara, mek kwepdeibikirye, diklobikiba balirye kum ulamle touk, na mikip kum kipnin banmanile. Winibuka unulule deice arye, na yok birbir anulule. Tonda, na talima pum tam ara, ilil weik unulule anya arye, uku buppu arye, lilin mek biliklamle touk unulule. Ati, ilil weik unulule ati ara, pia malye kanye bobuka unune.

Mazmur 69:10

Uteneninyak bukni, narye Allah an si eren aik ati, ‘Weik mambule,’ tenenuna ati ara, pia mambul kanye bobuka unune. Yuk nang arye, Allah anti, malye yupu nyabuka nalikinyake. Winibuka, na ni koproba Allah, anti nalikinyaka touk, sik aninye nirya arye, na babye nalibuka, wana ap nalibuka, akutuna ap, nyaninyake.

Mazmur 69:11

Nara, Allah antibuk, din dina kum deice arye, engenauk unirye, an si erenauk unune. Bukni, wininye talak ara, sik malye wininyak ninye nirya arye, “Anye bira, yata ning ati ulul do?” nyabuka, akutupnikirye talak, doninyake.

Matius 4:2

Yesus amutuku ulamuk talak ara, keting noutam ap, lukunyan ap nirya ara, like yupa tonok kebakoklomdikin ara, 40 malam malamuk. Amutuku ulamuk talak nirya ara, ‘Din kum dipnamne,’ tenebukce, din bulunguk ulamuka anya arye, like yupa tonok kebakoklomdikin, 40 sum akunum ubukura, el din pia patabuk.

2 Korintus 11:27

Pia pi dobuka pirilamsirye, ikin pil weik dolamse. Asum-asum nirya, mana kum pil donauk winilamse. Winilamse noutamak ara, like yupa weik ning ara, mek ap, dina ap kum uamuka ati, talye patanuk ulamnuk. Tonda, baju kum wamnuk talak ara, nong bananguk ulamsirye, aruklamnuke.

Ibrani 12:12

Aning ati ara, dikdik upsilirye, uk disilye taruk ap, gutamuk disululce lyulamsil ning ap, mikip kililanamlulume. Kanye teniltona kum arye, batakana kumce, pia talibuka unamlulume.