Mazmur 109:11 - Eipomek

¹¹ Tonda aning atonun, sikce utenensinyake. Ara, ‘Daud bira, bona talin ning talilamuk ning nirya ara, yuk nang arye, alubuka doproptingce, elda pia talye kankanye buk uptue,’ tenebikirye, nyaninyake. Tonda, ‘Daud bira, min talak ikin pil ara, wa wibuka, yala kouamukba, aning pabuka, nong upnamle talak ara, yuk nang arye, aning nirya ubula doproptingura, elda wa lin ning tonok babye, kum kiptue,’ tenebikirye, nyaninyake.

Mazmur 109:11 ပူးပေါင်းရင်းမြစ်များ

Ayub 20:18

Ati ara, sik anang arye talilamak ning yala-yala nirya ap, ‘Bona weik talin nang unamapʼ tenen, pil dolamikce dokola delilamik ning yala-yala nirya ap ara, adiparyuk tamubuka arepnamake. Sikce ubula dopromik ning nirya ara, kanye deibuka kum talipnamak bukni, Allah arye sikti, weneliba, sikda aning nirya tamubuka arenamake.

Ayub 5:5

Walwalnye diplyopura, el wa wiamlya talye bona utotoa talina kum nang arye, nong ning talye libikirye, yanuka dinyake. Tonda, roti memena deiyok ning gandum kuamlya ak babye, talye palamle ning arye, pabuka tunipdongamliba, dina patalye nang arye libuka dinyake. Anye bira, bona weik talinanye ulamukce, taleamuk ning nirya ati, yuk nang arye, ‘Aning nun taleptibye’ tenen, pia pataliba dolonyake.

Ulangan 28:29

Winipsilya deice arye, yana keting noutam kipmalya babye, anggun asing arye moubuka elilkatana kumce, asing kun nang kulkakalamak atouk unamlume. Adeice arye, anggun ban bisik ara, bita kum elinamlume. Tonda, anggunce pil donamlum ning nirya ara, nong kum unamsile. Kum kilonamsile. Sik yuk nang arye, anggun ning nirya ton, atalak-atalak nirya, alulonamsiake. Anggun ning alubuka dopropnusice talak ara, yuk nang arye anggunti, kum melinamsiake.