Mazmur 106:6 - Eipomek

⁶ Se, na kele. Nun Israel yala nang, nun apu yapu nang, min talak ulamik nang ara, malye weik winilamik touk, nunda atalak unyap Israel nang babye, an yupu yanibibirye, malye winin ning weik wininyabe. Sik minop talak ulamik nang babye, nun atalak unyap Israel yala nang babye, ance, “Aning ara, wininamlume. Aning ara, pia kum wininamlume,” nyapdeiamsulum yupu batakuburye, malye weik winilamupu touk, tuba malye winin ning weik tonun tuba wininyabe.

Mazmur 106:6 ပူးပေါင်းရင်းမြစ်များ

1 Raja-Raja 8:47

Winibikiba, an mapu Israel nang arye, ‘Se, nun dipkoprob malye winibupa deice arye, Allah wenepmasilba awenen aik bukmabe’ tenen, sik bidamnye arye tenebikirye, talima noutam arye kel bikikirye wenen aik binuka deiamikce diparyuk, ‘Se nun dipkoprob malye winibupe. Nun ni Allah ati yanibupe. Pia malye-malye ulamupu ning ara, batakabe. Nun ni Allah lyepsilyame,’ nyabuka morobikcopura, ance kekenalam tenen, moropkine.”

Esra 9:10

Bukni, wini talak ara, nun ni Allah Yahweh, aning-aning nirya ara, akunum winipmasilam bukni, nunda ance, ‘Wininamlume, aning ara, pia kum winipnamlume,’ nyapdeiamsulum yupu, kekena kumce batakupa ati, an dam yata yupu ton nyapkitibye do? Kume, nunce yupu ton, kum nyapkitibye.

Nehemia 1:7

Dipkoprop an dam nun pia malye wininyabe. Ance, “Aning ara wininamlume, aning ara ton kum wininamlulume,” nyabuka, Musa dam nyapdeialum touk, kum wininyabe. Ayupu nirya yaniptabuburye, malyeuk wininyabe.

Nehemia 9:16

Ance aning-aning nirya weik winilamsulum bukni, nun apu yapu, mandipna kanye bomikce, ance, ‘Aning ara wininamlume, aning ara kum wininamlume,’ nyapdeiamsulum yupu kum kekelamikce, ‘Aning nirya ara nun like,’ tenelamikce, an yupu batakuka kum dobolbalamike.

Mazmur 78:8

Ton deiyok ning ara, ani. Ara, ‘Aminyan talak kam unamak Israel yala nang ara, sik apu yapu arye, malye weik ulamik touk, kum wininamak’ tenen, ayupu nyapdeipsuke. Ara, minop talak ulamik Israel yala nang ara, pia mandipna kanye bolamikce, Allah arye nyapdeiamuk yupu kum kekepmanto ulamik. Winilamikce, ‘Allah arye nyapdeipsuk yupu ara, nun lik’ tenen, elce nyapdeiamuk yupu nirya, yaniltakanauk ulamikce, sik kanye arye tenelamik ninguk, winilamik. Tonda, sik minop talak ulamik Israel nang, sik talima noutam ara, Allah ati, tuba-tuba diba tenebuka kum ulamik. Sikda, ton talak ara, diba tenyamika ani, aminyan talak doupnin bayikopura, tonap Allah ati, diba tenena kumce, bataknauk ulamik. Sik talima noutam ara, ‘Allah arye, “Aning wininamlume, aning ara pia kum wininamlume,” nyapdeiamsuk yupu ara, pia moubuka talinauk unamabe,’ kum tenelamik. Ati, Allah ati batakamikce, yuk talye ning ati, “Nun ni bira ani,” nyabuka, isa siuk erelamik.

Yeremia 14:20

Diba nun ni Allah, dipkoprob nunce an dam malye wininyabe. Nun ni Allah Yahweh, nun babye malye wininyap ning ap, nun deiyok nang arye, malye winipnin yangalamik ning nirya ara, an damuk laka nyapdeibape. Aning nirya ara, kum duknupnuyabe.

Yeremia 3:25

Ati ara, adeice arye, nun babye, alye dakdanamabe. Tonda, yuk nang arye, nunti, “Wininyak nang,” nyanamsiake. Ara, nun ap, nun deipdanin banyak nang arye, nun ni koproba Allah, el dam pia malye unyabe. Tonda Allah arye nyapdeiamuk yupu ati, nunce diba kum tenebuburye, moubuka kum talebupu.

Imamat 26:40

Ura, anggun malye-malyeuk ulamlum ara, arup nyapmakin ning atonun, ikin ning weik, anggun wenena ati wininamsine. Winibuka wenepsinyeura, daulamunya ani, doyanamle talak aning nirya tamubuka, tonap moubuka tenenalume. Ara, sik punun deiyok nang, sik minop talak ulamik nang arye, malye winilamik ning ap, sik anang arye delilamikce, dadeipdanin yangalamik nang ap arye, malye winilamik ning ap, ura, anggun anoutam talak babye, malye wininmalum ning ap ati, ‘Se, nun nirya ara, dipkoprob pia malye weik tonun winilamupu ati, wini talak ara, nun ni koproba Allah bikeipsilirye, nun malye winin ning nirya kum kipdeipsutue,’ tenenamlume. Tonda, aning atonun tenelamlum ning ara, anggunce na yupu yanibuka, mandipna kanye deibuka ulamlum ning ap, anggunce, ‘Kume, Allah ara, nun like,’ tenelamlum ning ap nirya ara, lak sukum arye laka nyanamlume. Aning nirya, tamubuka tenebuka bikinamlume.

Bilangan 32:14

Ati dipkoprob nyapsine. Anggun wini talak ululum nang atouk, minop talak babye, anggun ni yapu arye, Allah nyapdeiamuk ning, pia kum kekelamik atouk, anggun Ruben yala nang ap, Kat yala nang ap, anggun babye kum kekelamlume. Adeice arye, malye kiplumce Allah el yupu yaniplumakarye, pia malye weik kiplume. Ati anggun babye, anggun ni yapu malye ulamik atonun anggun babye wininulume. Adeice arye Allah Yahweh, el yu ara mitik tonun aubuk bukni, wini talak ara el yu ara weik tonun tonap upliba, anggun Israel nang deice ikin ning weik tuba-tuba upmasile.

Matius 23:32

Aning ati ara, anggun apu yapu deiyok koubuka malye winilamik ning ara, anggun wini talak ululum nang arye ton sirya daknamlume. Yesus arye nyabuk. Ayupu nyabukopura, Yesus arye ayupu ton nyabuk.