Mazmur 106:20 - Eipomek

²⁰ Israel yala nang ara, awinibika deice arye, ‘Allah el pia teleb ulya ap, mikip weik ulya ap ara, nun lik’ tenen, batakikce, Allah el pununa ati, talye sapi basam mi, maning bok dilamle kam ning, urasin atonun ning memepdeibikce, aning eibuka, isa siuk erenmek.

Mazmur 106:20 ပူးပေါင်းရင်းမြစ်များ

Mazmur 89:17

Aninye nirya ara, an si ati, tuba tenebikcopura, wini talak arye doryanamle talak nirya, pin-pin kanye bobuka, telebuk unamake. Tonda, an pia diksukum telebuk winiminya ati, pia kanye deibuka unyake.

Keluaran 32:4

Aning nirya bulubuka, Harun dam boyayikba, doprobukopura, Harun birye dekna weik ning, emas nirya uku dabukba, mitang kibukopura, elce moubuka, kat ning emas arye puturubukabukce, sapi basam mi urasin atonun kipdeibuk. Awinibuk ning ara, Israel nang arye nyabik, “Asapi basam urasin atonun ning ara, nun ni Allah atonun unamsile. Mesir mutuku arye bobuka yanamsuknye, Allah kume. Ara, yuknye kum bukni, wini talak Harun birye, emas dobuka memepdeipsuk sapi basam ara, lyepsuknye atia. Aning ara, nun ni Allah atonun unamsile,” nyabik.

Yeremia 2:11

Ara, yata mutuku ninye arye, dipkoprob na Allah ati, si erelamnik bukni, na batakuka yuk talye ning ap, Isa Mutuku Dongonye ap ati, si erenyak do? Yata deiyok ati, dipkoprob Allah bataktingce, talye Isa Mutuku Dongonye si ati erepting do? Kume, yuk mutuku ninye nirya arye, aning atonun kum wininyake. Bukni, narye wipdeiamsise ninye, anggun Israel ninye aryuk, na Allah ati batakanululume. Nati, batakanumunce, dipkoprob anggun kum melipmanto ning, talye ning ap, Isa Mutuku Dongonye el si ap ati, ‘Nun ni koprop,’ nyabuka, talye ning si erelulume.